Çärşämbedä Rusiäneñ tışqı eşlär ministrı Sergey Lavrov Däwlät Duması deputatları yanına kilep, Mäskäwneñ soñğı aralardağı tışqı säyäsätendä nindi maqsatlar quyuı xaqında sorawlarğa cawap tottı. Aña qädär Rusiäneñ abruylı fiker üzäge - Tışqı wä saqlanu säyäsäte şurası, dönyada barğan geopolitik üzgäreşlärneñ Rusiägä ni däräcädä tä''sir ütüen tikşergän maxsus xisap bäyän itkän ide.
Ser tügel, räsmi Mäskäwneñ soñğı waqıtlarda yasağan belderüläre dä, qılğan ğämälläre dä anıñ Könbatışqa bulğan mönäsäbäte şaqtıy qırıslandı digän xis qaldıra. Ä menä Rusiäneñ Tışqı wä saqlanu säyäsäte şurası elek-elektän nigezdä Könbatış belän aralarnı yaxşırtunı alğa sörüçe ber oyışma bularaq tanış.
Anda Rusiäneñ 170-läp kürenekle säyäsi belgeçe äğza bulıp tora häm räsmi Mäskäw şuranıñ abruyın berniçek tä inkär itä almıy.
Berniçä kön elek Şura dönyada barğan geopolitik üzgäreşlärneñ niçek itep Rusiägä yoğıntı yasawı turında maxsus ber xisap bäyän itte. Şul utırışta tışqı eşlär ministrı Sergey Lavrov, İminlek Şurası citäkçese, elek üze ministr bulğan İgor İvanov ta qatnaştı.
Xisapta, ayırım alğanda, aldağı un yıl eçendä Quşma Ştatlarnıñ dönyada totqan xäzerge urını äkrenläp qaqşıy baraçaq, ämma şul buşlıq başqa däwlätlär tarafınnan tügel, ä xaosnıñ artuı, xalıqara oyışmalarğa ışanıçnıñ kimüe belän qaplanaçaq digän faraz äytelä.
Ministr Lavrov monıñ belän kileşmi. Döresräge, öleşçä genä kileşä. Quşma Ştatlarnıñ role, Washingtonnıñ üz säyäsäte, berqotıplı ğına dönya qorırğa tırışuı säbäple bälkem kimer dä, ämma bu hiç kenä anıñ urınına xaos häm anarxiä kilüen añlatmıy, di Lavrov, Tışqı wä saqlanu säyäsäte şurası xisabındağı dähşätne beraz kimetergä tırışıp. Sergey Lavrov süzlärenä qarağanda, dönyada xalıqara eşlärdä bügengegä qarağanda kübräk rol'' uynıy alırlıq başqa illär dä bar, ul bu uñaydan misal itep Rusiäne kiterä. Yäğni, Amerika qüwäteneñ kimüe äle dönya betüen añlatmıy, di Rusiä tışqı eşlär ministrı.
Rusiä prezidentı Vladimir Putinneñ küptän tügel genä Munchendäge iminlek kiñäşmäsendä Könbatışnı kisken tänqitläp çığuı, dönya yänä "salqın suğış" çorı aldında qaldı digän qurqular uyatqan ide. Sergey Lavrov fikerençä, andıy qurqular nigezsez. Ministr Quşma Ştatlarnı küz aldında totıp, ike il dä bergä eş itüneñ yaña yulların tabarğa, alda torğan yanawlarnı añlawda, qararlar qabul itüdä tigezlek urnaştırırğa tieş, dip belderä.
Mäskäw haman da sovet çorındağı şöhräten, qüwäten qaytarırğa, başqalarnıñ, berençe çiratta amerikan yağınıñ monı bersüzsez qabul itüen teli. Bigräk tä üze tiräsendäge elekke sovet cirlärendä. Çärşämbe Dumada yasağan çığışında da Sergey Lavrov, soñğı yıllarda Bäysez Däwlätlär Berdämlege illärendä çit köçlärneñ yoğıntısı arttı dip zarlandı.
Kärim Kamal
Anda Rusiäneñ 170-läp kürenekle säyäsi belgeçe äğza bulıp tora häm räsmi Mäskäw şuranıñ abruyın berniçek tä inkär itä almıy.
Berniçä kön elek Şura dönyada barğan geopolitik üzgäreşlärneñ niçek itep Rusiägä yoğıntı yasawı turında maxsus ber xisap bäyän itte. Şul utırışta tışqı eşlär ministrı Sergey Lavrov, İminlek Şurası citäkçese, elek üze ministr bulğan İgor İvanov ta qatnaştı.
Xisapta, ayırım alğanda, aldağı un yıl eçendä Quşma Ştatlarnıñ dönyada totqan xäzerge urını äkrenläp qaqşıy baraçaq, ämma şul buşlıq başqa däwlätlär tarafınnan tügel, ä xaosnıñ artuı, xalıqara oyışmalarğa ışanıçnıñ kimüe belän qaplanaçaq digän faraz äytelä.
Ministr Lavrov monıñ belän kileşmi. Döresräge, öleşçä genä kileşä. Quşma Ştatlarnıñ role, Washingtonnıñ üz säyäsäte, berqotıplı ğına dönya qorırğa tırışuı säbäple bälkem kimer dä, ämma bu hiç kenä anıñ urınına xaos häm anarxiä kilüen añlatmıy, di Lavrov, Tışqı wä saqlanu säyäsäte şurası xisabındağı dähşätne beraz kimetergä tırışıp. Sergey Lavrov süzlärenä qarağanda, dönyada xalıqara eşlärdä bügengegä qarağanda kübräk rol'' uynıy alırlıq başqa illär dä bar, ul bu uñaydan misal itep Rusiäne kiterä. Yäğni, Amerika qüwäteneñ kimüe äle dönya betüen añlatmıy, di Rusiä tışqı eşlär ministrı.
Rusiä prezidentı Vladimir Putinneñ küptän tügel genä Munchendäge iminlek kiñäşmäsendä Könbatışnı kisken tänqitläp çığuı, dönya yänä "salqın suğış" çorı aldında qaldı digän qurqular uyatqan ide. Sergey Lavrov fikerençä, andıy qurqular nigezsez. Ministr Quşma Ştatlarnı küz aldında totıp, ike il dä bergä eş itüneñ yaña yulların tabarğa, alda torğan yanawlarnı añlawda, qararlar qabul itüdä tigezlek urnaştırırğa tieş, dip belderä.
Mäskäw haman da sovet çorındağı şöhräten, qüwäten qaytarırğa, başqalarnıñ, berençe çiratta amerikan yağınıñ monı bersüzsez qabul itüen teli. Bigräk tä üze tiräsendäge elekke sovet cirlärendä. Çärşämbe Dumada yasağan çığışında da Sergey Lavrov, soñğı yıllarda Bäysez Däwlätlär Berdämlege illärendä çit köçlärneñ yoğıntısı arttı dip zarlandı.
Kärim Kamal