27 martta mäskäwdä Britaniä ilçelege “Alışınıp torğan dönyada matbuğat ireklege” digän temağa Rusiä jurnalistları belän seminar uzdırdı. Bu seminar 3 bülektän tordı. Anda “jurnalistlar häm däwlät”, “jurnalistlar häm näşriät”, “Jurnalistlar häm cämğiät” digän temalar qaraldı. Jurnalistlar qarşında Britaniä ilçese Toni Brenton çığış yasap, çın demokratiä azat matbuğattan başqa mömkin tügel. İñ möhime jurnalistlar byurokratlarnı tınıçlıqta qaldırmasqa tieş. Şul uq waqıtta matbuğat azatlığınıñ çigen jurnalistlar üzläre bilgelärgä tieş, dip belderde. İlçe şulay uq, näşriätne kontrol''dä totu da möhim eşlärneñ berse, bu ölkädä Britaniä inde tarix kürsätkänçä dönya külämendä berençelärdän tora. Şul uq waqıtta ul matbuğat azatlığına da garantiä birä, dide. Häm seminarnıñ maqsatı - Britaniä massakuläm mäğlümat çaralarınıñ häm küp törle bäxäslär çığarğan Rusiä mäğlümat çaraları belän täcribä urtaqlaşu dip belderde. Seminarda Britaniä yağınnan Britaniä jurnalistlar berlege general'' sekretare Dcerimi Diar häm Britaniäneñ matbuğatqa birelgän şiqayätne tikşerü komissiäseneñ xalıqara konsul''tantı professor Robert Pinker qatnaştı. Bu seminarda Federatsiä şurasınnan mäğlümat säyäsäte komissiäse räise Naruseva qatnaşırğa tieş bulsa da, ul kürenmäde. Seminarda Rusiä jurnalistlar berlege general'' sekretare Yakovenko, jurnalistlar berlege sekretare Mixail Fedotov, “Moskovskie novosti” gazetası redaktorı Tret''yakov, “Exo Moskvı” radiosı citäkçese Benediktov, häm The New Times jurnalı redaktorı Raf Şakirov , Ekstremal'' jurnalistlar üzäge direktorı Oleg Panfilov qatnaştı. Curnalistlar häm xakimiät bülegendä çığış yasağan “Exo Moskvı” radiosı citäkçese Benidiktov, “ Mäğlümat çaraları turındağı qanunğa soñğı yıllarda 42 tözätmä kertelde. Läkin alarnıñ berse dä jurnalistlar faydasına tügel. Rusiä yustitsiäse jurnalistlar faydasına qarar çığarmıy. Xäzer inde jurnalistlar Yevropva mäxkämäsenä möräcäğät itärgä mäcbür” dide. Aleksey Benidiktov şulay uq, 2000 yılnı oyışqan jurnalistlarnıñ Media berlegen, xakimiätneñ jurnalistikanı zägıyf''länderer öçen maxsus uylap çığarılğan oyışması dip atadı. Näticädä dide ul, jurnalistlarnı berläştergän köçle oyışma da, jurnalistlarnı yaqlıy torğan profsoyuz da yuq. Seminarda qatnaşqan däwlät duması deputatı Riskin, Benidiktovnıñ mäğlümat çaraları turındağı qanunğa tözätmälär kertelü turındağı süzlären şik astına alıp, anı tikşerergä wäğdä itte. Şul uq waqıtta Däwlät Dumasına xakimiät tarafınnan basım buluın da belderde häm bügenge köndä barlıq elektron massaküläm mäğlümat çaralar xakimiät qulında, ictimaği televidenie buldıru turında süzlär küp bulsa da, ul televidenie bügen köngä qädär haman yuq, dide. Üzeneñ çığışında The New Times jurnalı baş redaktorı Raf Şakirov, soñğı waqıtta şundıy xäl küzätelä, xakimiät kenä tügel, bigräk tä çinovniklar xalıqtan azat matbuğat süzen yäşerergä tırışa. Bu bik küñelsez närsä dip belderde. Älbättä seminarda Britaniä yağınnan da çığış yasawçılar buldı. Läkin alarnıñ problemaları bezneke belän çağıştırğanda kük belän cir arası kebek dide, Rusiä jurnalistları berlege general sekretare Yakovenko. Oçraşu axırında ike yaq ta mondıy seminarlarnıñ faydalı buluın äytep, tağın da oçraşu teläklären belderep taralıştılar.
Näzifä Kärimova, Mäskäw