Vaşingtonda urnaşqan Freedom House oyışmasınıñ yaña xisabında, Rusiädä keşe xoquqları häm säsi ireklek mäsäläsendä xällär naçaraydı dip belderelä. Biredä bäysezlekne çikli torğan berniçä citeşsez yaqlar qaralğan. Freedom House bu yulı Mäskäw kremle xökümättän bäysez oyışmalarnıñ eşen çiklärgä teläde dip belderä. Şulay uq xisapta federal üzäkneñ töbäklär wäkäläten çikläwe, andağı citäkçelärne xalıq tarafınnan saylıysı urınğa Mäskäwdän bilgeläwe, häm bar il buylap oppoziiäne köçsezländerüe tänqitlänä. Bu xaqta bez söylägän idek inde. Freedom House oyışmasınıñ xisabında Rusiädä demokratiä qısıla digän fiker belän qazanlılar kileşäme?
Yuq dip uylıym. Minem moña bik küp misallar kürgänem bar.
Demokratiä yuq, baylar böten yortlarnı satıp alıp beterdelär. Ä bez menä üzäktä torıp iske yortlarda yäşibez.
Bu turıda min konkretno äytä almıym. Minem bernindi dä konflikt bulğanı yuq.
Demokratiä bar.
Demokratiä yuq, bu härkemgä mäğlüm. Saylawlarnı ğına alsaq, citäkçelek niçek äytsä şulay bulaçaq ta ul.
Başqa regionnarğa qarağanda Tatarstanda demokratiä bar.
Nindi demokratiä bulsın. Citäkçelär bar närsäne üzenä cıya, ä ğadi keşelärneñ qayberlärendä aşarlarına da aqçaları yuq, ul eşläsä dä.
Tatarstanda demokratiätiäne berkem dä tıymıy. Başqa töbäklärgä qarağanda, Tatarstanda törle millät wäkilläreneñ milli oyışmaları bar. Häm alar üz millätläre isememnnän xökümät aldında çığış yasa, teläklären belderälär. Moña berkem dä qarşı kilmi.
Gölnaz Şäyxetdin