Düşämbedä Amerika Quşma Ştatları prezidentı George Bush kötelmägän säfär belän Ğiraqqa kilep kitte. Prezident planında räsmän anıñ düşämbedä Australiägä baruı qaralğan ide, anda tizdän Aziä-Tın Okean iqtisadi xezmättäşlege oyışmasınıñ yıllıq oçraşuı açıla. Yul uñayınnan Bush şulay itep Ğiraq citäkçeläre belän dä oçraşıp aldı, söyläşülär Bagdadta tügel, Änbär wilayätendäge xärbi hawa köçläre nığıtmasında uzdı.
Amerikan prezidentı Ğiraqqa berençe märtäbä genä kilmi - moña qädär ul biredä ike tapqır buldı, soñğı säfär ber yıl elek, 2006-nıñ yunendä yasalğan ide. Ämma bıyıl da Bushnıñ Ğiraqqa kilüe xaqında aldan xäbär itelmäde. Düşämbedä ul Hawai utrawları aşa Australiägä yul totarğa tieş ide, ämma Aq yort xucası säfären beraz irtäräk başlap, ara tuqtalışnı Honoluluda tügel, ä Ğiraqnıñ könbatışındağı Änbär wilayätendä yasarğa buldı.
Anıñ bu yulı başqala Bagdadqa tügel, ä nigezdä sönni ğäräplär yäşägän Änbärgä kilüe dä, Washingtonnıñ Bagdadtağı üzäk xökümät eşennän bik ük qänäğät bulmawına işarä itä ala. Gärçä ul anda Ğiraqnıñ prezidentı Cäläl Talabani belän dä, premyer-ministrı Nuri äl-Mäliki belän dä oçraştı. Moñardan tış Bushnıñ cirle ğäräp şäyexläre belän dä söyläşüläre ütte. Änbär wilayäte Ğiraqta sönni ğäräplärneñ ğisyan uçağı bularaq tanılğan, Washington andağı şäyexlär belän urtaq tel tabuğa xäzer zur iğtibar birä.
Amerikan yağınnan prezidentnı däwlät sekretare Rice häm saqlanu ministrı Robert Gates, däwlät iminlege kiñäşçese Steven Hudley ozata kilgän ide. Bush Ğiraqtağı amerikan ğäskäre başlıqların da kürep söyläşte.
Sintäberneñ 15-enä Aq yort Kongressqa, Ğiraqtağı kiläçäk täräqqiätne niçek kürüen farazlağan olı xisap yullarğa tieş. Demokratlar östenlek itkän Kongress inde küptännän Ğiraqtan amerikan ğäskärlären çığarunıñ tögäl waqıtın bilgeläwne taläp itä. Bush xökümäte isä älegä moña waqıt citmäde, aşığu bu eştä zur zian kiterä ala, dip kisätä.
Şuña da Georga Bushqa bar Ğiraqta da, ayırım alğanda Änbär wilayätendä dä totrıqlılıq urnaşa başlawnı kürsätü bik möhim. Kötelmägändä Ğiraqqa kilep Bush Quşma Ştatlar Kongressındağı pessimistlarğa, Ğiraqtan amerikan ğäskärlären çığarunıñ äle waqıtı citmägänen kürsätergä tırışa.
Kärim Kamal
Anıñ bu yulı başqala Bagdadqa tügel, ä nigezdä sönni ğäräplär yäşägän Änbärgä kilüe dä, Washingtonnıñ Bagdadtağı üzäk xökümät eşennän bik ük qänäğät bulmawına işarä itä ala. Gärçä ul anda Ğiraqnıñ prezidentı Cäläl Talabani belän dä, premyer-ministrı Nuri äl-Mäliki belän dä oçraştı. Moñardan tış Bushnıñ cirle ğäräp şäyexläre belän dä söyläşüläre ütte. Änbär wilayäte Ğiraqta sönni ğäräplärneñ ğisyan uçağı bularaq tanılğan, Washington andağı şäyexlär belän urtaq tel tabuğa xäzer zur iğtibar birä.
Amerikan yağınnan prezidentnı däwlät sekretare Rice häm saqlanu ministrı Robert Gates, däwlät iminlege kiñäşçese Steven Hudley ozata kilgän ide. Bush Ğiraqtağı amerikan ğäskäre başlıqların da kürep söyläşte.
Sintäberneñ 15-enä Aq yort Kongressqa, Ğiraqtağı kiläçäk täräqqiätne niçek kürüen farazlağan olı xisap yullarğa tieş. Demokratlar östenlek itkän Kongress inde küptännän Ğiraqtan amerikan ğäskärlären çığarunıñ tögäl waqıtın bilgeläwne taläp itä. Bush xökümäte isä älegä moña waqıt citmäde, aşığu bu eştä zur zian kiterä ala, dip kisätä.
Şuña da Georga Bushqa bar Ğiraqta da, ayırım alğanda Änbär wilayätendä dä totrıqlılıq urnaşa başlawnı kürsätü bik möhim. Kötelmägändä Ğiraqqa kilep Bush Quşma Ştatlar Kongressındağı pessimistlarğa, Ğiraqtan amerikan ğäskärlären çığarunıñ äle waqıtı citmägänen kürsätergä tırışa.
Kärim Kamal