Gruziä parlamentı citäkçese Nino Burjanadze süzlärenä qarağanda, ğädättän tış xäle anda yaqın könnärdä inde köçennän çığarılaçaq. Mäğlüm ki, şuşı qırıs çaranı Gruziä prezidentı Mixail Saakaşvili oppozitsiäneñ üzenä qarşı yünälderelgän çığışların tuqtatu öçen kertkän ide. Berük waqıtta ul ildä waqıtınnan alda prezident saylawların ütkärü xaqında da iğlan itte. Bu anıñ köndäşläre qarşında çigenüen kürsätäme, ällä inde aldan isäplängän ber xäylä bulıp toramı?
Mixail Saakaşvilineñ prezident saylawların waqıtınnan alda, ğinwarda uq ütkärü niäten xalıqara cämäğätçelek kenä tügel, oppozitsiä üze dä xuplap qarşı aldı. Prezidentqa qarşı çıqqan oppozitsiä üzeneñ uram cıyınnarın berençe çiratta näq menä Saakaşvilineñ inde xalıq ışanıçın yuğaltuı, yaña saylawlar taläbe belän ütkärä başlağan ide.
Şuña da Mixail Saakaşvilineñ bu qararın qayberäwlär oppozitsiä taläbenä birelü dip qabul itte. Gärçä monıñ bik ciñel genä, Saakaşvili aldan uq uylap quyğan kiñräk ber strategiäneñ, anıñ xakimiättä qalu strategiäseneñ ber öleşe buluı da bik mömkin. Şuşı qararı belän Gruziäneñ xäzerge prezidentı isäplängän xäwefkä bara häm şuşı yul azağında anı köndäşläreneñ üz xakimiätenä yanawınnan tulısınça arınu ixtimalı kötä. Beruñaydan Saakaşvili xalıqnıñ qänäğätsezlege ni däräcädä buluın da açıqlıy ala.
Ğinwarnıñ 5-endä Gruziädä prezident öçen genä tügel, kiläse parlament saylawların qayçan uzdırırğa digän soraw belän ayırım referendumda da tawış bireläçäk. Oppozitsiä asılda berençe itep näq menä parlament saylawların telägän ide, alarnıñ wäkilläre xäzergesendä bik yuq, şuña da oppozitsiä prezident köräşenä kereşkänçe, başta parlamentta töplänergä teläde.
Ämma Saakaşvili üze öçen küpmeder däräcädä xäwef, risk tudırıp, tawışqa başta prezident känäfien quyarğa buldı. Yäğni oppozitsiäneñ xäzer qalğan ike ay-ay yarım eçendä prezident saylawlarına äzerlänüe öçen ällä ni waqıtı qalmıy, häm iñ möhime, anıñ üzen kürsäter öçen mäğlümäti qırı da ällä ni kiñ tügel.
İkençedän, waqıt tarlığı biredä ber oppozitsiä öçen genä tügel, tawış birüneñ ğädellegen küzätep bara alırlıq xalıqara oyışmalar öçen dä - alarğa mondıy çaralarğa tieşle däräcädä äzerlänü öçen ğädättä kimendä 2 ay kiräk.
Öçençedän, Saakaşvilineñ qararı köräştän anıñ töp köndäşenä äylängän şäxesne, İrakli Okruaşviline alıp taşlıy. Gruziädä prezident urınına däğwalawçı kimendä 35 yäştä bulırğa tieş, Okruaşviligä isä 35 kiläse yıl noyäbrendä genä tula.
Tağın şul da bar - Saakaşvili prezident saylawların waqıtınnan alda ütkärergä teläwen iğlan itär aldınnan ğına, Gruziäneñ maxsus köçläre, nigezdä oppozitsiä qaraşların yaqtırtqan İmedi telekanalına bärep kerep, andağı texnik cihazlarnı häm arxivnı tar-mar itte. Çärşämbedä Tiflistäge ber mäxkämä ğomumän, İmedineñ tapşırular yasaw litsenziäsen ğämäldän çığardı. Bolar barısı da saylawlarğa äzerlek eşlären bäysez yaqtırtu mömkinleklären yuqqa çığara diärlek.
Kärim Kamal
Şuña da Mixail Saakaşvilineñ bu qararın qayberäwlär oppozitsiä taläbenä birelü dip qabul itte. Gärçä monıñ bik ciñel genä, Saakaşvili aldan uq uylap quyğan kiñräk ber strategiäneñ, anıñ xakimiättä qalu strategiäseneñ ber öleşe buluı da bik mömkin. Şuşı qararı belän Gruziäneñ xäzerge prezidentı isäplängän xäwefkä bara häm şuşı yul azağında anı köndäşläreneñ üz xakimiätenä yanawınnan tulısınça arınu ixtimalı kötä. Beruñaydan Saakaşvili xalıqnıñ qänäğätsezlege ni däräcädä buluın da açıqlıy ala.
Ğinwarnıñ 5-endä Gruziädä prezident öçen genä tügel, kiläse parlament saylawların qayçan uzdırırğa digän soraw belän ayırım referendumda da tawış bireläçäk. Oppozitsiä asılda berençe itep näq menä parlament saylawların telägän ide, alarnıñ wäkilläre xäzergesendä bik yuq, şuña da oppozitsiä prezident köräşenä kereşkänçe, başta parlamentta töplänergä teläde.
Ämma Saakaşvili üze öçen küpmeder däräcädä xäwef, risk tudırıp, tawışqa başta prezident känäfien quyarğa buldı. Yäğni oppozitsiäneñ xäzer qalğan ike ay-ay yarım eçendä prezident saylawlarına äzerlänüe öçen ällä ni waqıtı qalmıy, häm iñ möhime, anıñ üzen kürsäter öçen mäğlümäti qırı da ällä ni kiñ tügel.
İkençedän, waqıt tarlığı biredä ber oppozitsiä öçen genä tügel, tawış birüneñ ğädellegen küzätep bara alırlıq xalıqara oyışmalar öçen dä - alarğa mondıy çaralarğa tieşle däräcädä äzerlänü öçen ğädättä kimendä 2 ay kiräk.
Öçençedän, Saakaşvilineñ qararı köräştän anıñ töp köndäşenä äylängän şäxesne, İrakli Okruaşviline alıp taşlıy. Gruziädä prezident urınına däğwalawçı kimendä 35 yäştä bulırğa tieş, Okruaşviligä isä 35 kiläse yıl noyäbrendä genä tula.
Tağın şul da bar - Saakaşvili prezident saylawların waqıtınnan alda ütkärergä teläwen iğlan itär aldınnan ğına, Gruziäneñ maxsus köçläre, nigezdä oppozitsiä qaraşların yaqtırtqan İmedi telekanalına bärep kerep, andağı texnik cihazlarnı häm arxivnı tar-mar itte. Çärşämbedä Tiflistäge ber mäxkämä ğomumän, İmedineñ tapşırular yasaw litsenziäsen ğämäldän çığardı. Bolar barısı da saylawlarğa äzerlek eşlären bäysez yaqtırtu mömkinleklären yuqqa çığara diärlek.
Kärim Kamal