Bu atnada PKK belän bäreleşlär turında xäbär bulmadı. Ämmä Körd partizannarı oyalağan Tөnyaq Ğiraqta xärbi operatsiä mäsäläse kөn tärtibennän äle dä töşmägän.
İdän astı Körd partizan oyışması PKK oyalağan Tөnyaq Ğiraqqa xärbi operatsiä mäsäläse Tөrkiäneñ kөn tärtibennän tөşte disäk yalğış bulır ide. Gärçä bu atnada PKK belän bäreleşlär turında xäbär bulmadı kebek. Şulay da өç ğäskär xälaq buldı digän xäbär kilde, ikese ber granatınıñ şartlawı, bere isä saqta yalğışıp mıltıqtan çıqqan uq arqılı xälaq bulğan.
Tege yaqtan PKK-ğa tөrle yaqlardan basımnıñ artuwı sizelä başlandı. Berençedän Tөnyaq Ğıytaqtağı aftonom Kөrd rayonınıñ Päşmärgä isemle ğäskärläre PKK xärbi bazaları urnaşqan dip faraz itelgän cirlärdäge yullarda kontrolärne nığıtqannar. PKK-ğa azıq-tөlek, qoral, ammunitsiä kitmäsen dip çaralar kürä başladılar digän xäbärlär kilä. Tabiği bu çaralarnıñ ğına PKK-nı yuq itärgä citmäyäçäge mäğlüm. Qulğa eläkkän ber PKK partizanı Yılmaz Yıldırım, PKK partizannarı 7-8 keşelek waq rotalarğa bülenä başladılar, baytaq ber өleşe Kөrdistan Demokratik Partiäseneñ päşmärgäläre safına küçä dip belderde. Dimäk Tөrek armiäse bire kilsä dä kemneñ Tөrkiädän kilep PKK saflarına quşılğan buluwın añlıy almayaçaq. Ğıytaqtağı aftonom Kөrd rayonınıñ premier-ministere wazıyfasın ütägän Näşirvan Barzani da kөrt jurnalistlarına Tөrkiäne bitärlägän häm PKK-nı yaqlağan xäbärlär birmäskä çaqırdı. Dimäk niçektek Ğiraq kөrtläre AQŞ-tan ber kürsätmä alğan bulırğa tiyeşlär.
Tөrkiä yağındağı täräqqiätlär isä tağın da mөhimräk. Bu atnada Ankarağa kinättän kilgän AQŞ general ştab başlığınıñ urınbasarı armiä generalı James Cartwright belän AQŞ-nıñ Ğıyartağı xärbi kөçläreneñ komandirı David Petraeus Tөrek generalştab başlığınıñ urınbasarı Ergin Saygunğa vizit yasadılar. Mäğlüm 5-çe Noyeberdä Premier Erdoğan Prezident Bush belän oçraşıp, PKK problemasın çişü өçen xezmätdäşlekne artıru buyınça kileşkännär ide. 21-nçe Noyeberdä isä Tөrek generalştab başlığı Yaşar Büyükanıt Premier Erdoğan belän oçraşıp ber säğattän artıq küreşte.
Säyäsi platformada da täräqqiätlär buldı. Ütkän atnada baş prokuror Tөrkiä kөrtläreneñ Demokratik Cämğiät partiäsen DTP-nı yabu buyınça konstitutsiä mäxkämäsenä mөräcäğät itkän ide. Millätçe Xäräkät Partiäse partiäne yabunı häm deputatlarınıñ immunitätın, konstitutsiäneñ tiyeşle maddäsen üzgärtep, yuqqa çığarınu taläp itä. Mäxkämä өç DTP deputaınımunitetın kөçtän çığaru taläb belän parlamentqa mөräcäğät itte. Xakimiättäge AK partiä ber säyäsi partiäne yabu tarafında tügel. Çөnki 1970-nçe yıllardan birle Tөrkiädä konstitusiäne bozuda ğäyeplänep sul, dinçe häm kөrtçe baytaq säyäsi partiä yabılğan ide. Asılda ber partiäne yapqaç, anıñ ağzaları iseme üzgäretelgän yaña säyäsi ber partiädä şuluq ruxta säyäsi eşçänleklären däwam itälär.
Tөrkiädäge kөrtlär säyäsät säxnäsendä qayber yazılğan häm yazılmağan qäğidälär buluwın өyränergä tiyeşlär. DTP-dan terrornı häm PKK-nı tänqit itärgä çaqırıp kilälär. Xätta bu atnada AB-neñ Tөrkiä belän kileşülärdän cawaplı qayber şäxäsläre dä şuşı taläpne kütärdelär. Dimäk AB dä inde PKK-nı yaqlaw pozitsiäsennän vaz kiçä digän süz. Şul säbäple bulsa kiräk bu atnada berençe märtäbä bularaq Tөrkiä-AB qatnaş parlament komisiäsendä çığış yasağan DTP deputatı Bengi Yıldız, soñınnan inqar itsä dä, “PKK-lılar terrorist” digän süzne äytte. DTP-dän elekke partiä liderı Ahmet Türk, “säyäsi şartlar өlgersä bez dä PKK-nı ğәyeplәrbez dide. Bolar uñay küreneşlәr. Çөnki kөrdlärneñ küpçelege dä terror metodların yaqlamıylar. Tөrkiädä Kөrtçä uqutuğa irek birelde, ämma Batman, Şanlıurfa, Diyarbakır belän İstanbulda açılğan kөrd telen өyränü kursları citärdi uquçu tabalmaw säbäple yapıldı. Dimäk PKK quyğan barlıq taläplär küpçelek kөrtlärneñ taläbe tügel ikän. Qısqası PKK-nı AQŞ xätta AB yardäme belän poçmaqqa qıstıru qayber näticälär birä başladı. Läkin bu Tөrkiädä kөrd problemasınıñ cişelgän buluwın añlatmıy.