Prezident Bush xakimiättäge soñğı yılına bik tübän rating belän kerä. Şuñadır da ul üzeneñ soñğı yıllıq yullamasın qazanışların barlawğa bağışladı kebek - Aq yortta ütkärgän yılların ul dönya buylap demokratik tärtipne urnaştıru ölkäsendäge uñışları belän iskä alaçaq. Älbättä, xäzerge könüzäk problemalarğa da urın tabıldı ul yıllıq yullamada.
Amerikan prezidentınıñ yıllıq yullaması, ğomumän andıy ğädät bulğan başqa illärdäge kebek ük, nigezdä ilneñ yañadan-yaña uñışları, qazanışları, alda torğan böyek maqsatları turında söyläwgä bağışlana.
Soñğı çığışında da Bush kübräk Quşma Ştatlarnıñ eçke mäs'äläläre - salımnarnı kimetü, mäğärif ölkäsendäge üzgäreşlär, qanunnarnı yaxşırtu kebek möhim närsälär turında söyläde. Älbättä, xäzer här amerikannı borçığan mäs'äläne - ilneñ iqtisadi torğınlıqqa kerü ixtimalın da çitlätep uza almadı, häm Kongressnı üseşne totrıqlı ğına däwam itü maqsatında Aq yort belän bergä aşığıç çaralar kürügä öndäde.
Andıy programnı Bush xökümäte inde äzerlägän ide, ul 150 milliard dollarlıq iqtisadi stimullar kertüne küz aldında tota. Xäzer Kongressta anı tikşerü bara, häm demokratlar da, respublikannar da anda törle üzgäreş-täqdimnär kertergä tırışa. Bush bu uñaydan, andıy omtılışılar plannıñ qäderen beterep, anı näticäsez itä ala, dip kisätte.
Şunnan soñ inde yullamada ilneñ tışqı säyäsäte häm Aq yortnıñ dönya külämendäge qazanışlarına da çirat citte.
George Bush ayıruça zur ğorurlıq belän xökümäteneñ elekke kommunistik illärdä häm nigezdä möselmannar yäşägän qayber däwlätlärdä törle demokratik köçlärne häm xäräkätlärne yaqlawı, alarga yardäm itüe turında söyläde:
Amerikan prezidentınıñ şuşı qaraşların Kongresstağı demokratlar bik urtaqlaşmıy. Häm Quşma Ştatlardağı säyäsi tradistiä nigezendä alar prezident yullamasına cawap yözennän üz çığışın täqdim itä. Bıyıl anı Kansas ştatı gubernatorı Kathleen Sebelius yasadı.
Ul, respublikan Bushnıñ tışqı säyäsäte soñğı yıllarda Amerikanıñ dusları sanın kimetep, kiresençä doşmannarın ğına arttırdı, dip isäpli.
Soñğı çığışında da Bush kübräk Quşma Ştatlarnıñ eçke mäs'äläläre - salımnarnı kimetü, mäğärif ölkäsendäge üzgäreşlär, qanunnarnı yaxşırtu kebek möhim närsälär turında söyläde. Älbättä, xäzer här amerikannı borçığan mäs'äläne - ilneñ iqtisadi torğınlıqqa kerü ixtimalın da çitlätep uza almadı, häm Kongressnı üseşne totrıqlı ğına däwam itü maqsatında Aq yort belän bergä aşığıç çaralar kürügä öndäde.
Andıy programnı Bush xökümäte inde äzerlägän ide, ul 150 milliard dollarlıq iqtisadi stimullar kertüne küz aldında tota. Xäzer Kongressta anı tikşerü bara, häm demokratlar da, respublikannar da anda törle üzgäreş-täqdimnär kertergä tırışa. Bush bu uñaydan, andıy omtılışılar plannıñ qäderen beterep, anı näticäsez itä ala, dip kisätte.
Şunnan soñ inde yullamada ilneñ tışqı säyäsäte häm Aq yortnıñ dönya külämendäge qazanışlarına da çirat citte.
George Bush ayıruça zur ğorurlıq belän xökümäteneñ elekke kommunistik illärdä häm nigezdä möselmannar yäşägän qayber däwlätlärdä törle demokratik köçlärne häm xäräkätlärne yaqlawı, alarga yardäm itüe turında söyläde:
Amerikan prezidentınıñ şuşı qaraşların Kongresstağı demokratlar bik urtaqlaşmıy. Häm Quşma Ştatlardağı säyäsi tradistiä nigezendä alar prezident yullamasına cawap yözennän üz çığışın täqdim itä. Bıyıl anı Kansas ştatı gubernatorı Kathleen Sebelius yasadı.
Ul, respublikan Bushnıñ tışqı säyäsäte soñğı yıllarda Amerikanıñ dusları sanın kimetep, kiresençä doşmannarın ğına arttırdı, dip isäpli.