30 август иртәсендә татар яшьләре Татарстанның суверенитет декларациясен кабул итүнең 20 еллыгына багышлап, “Уян, татар!” акциясенә чыкты. Яңгыр сибәләп торуга карамастан, алар халык санын алуда татарны 125 төркемгә бүлүгә, татар мәктәпләре ябылу, милли университет булмауга, Татарстан суверенитеты турындагы декларациянең кануни көче югалуга каршы шигарьләрен бер сәгатьтән артык күтәреп торды.
