Милли мәгълүмат чаралары хәзерге чорда зур сынау үтә. Газет-журналларның тиражлары кими, радио, телевидение тапшыруларның рейтингына да, мәгълүмат чараларының артуы да тәэсир итә. Дәүләт басмалары һәм мөстәкыйль газетлар арасындагы көндәшлек, туган телендә укый, яза белмәгән яшьләр саны артуы, милли оешмаларның эшчәнлеге – болар барысы да журналистлар алдында яңа бурычлар куя. Бөтендөнья татар конгрессының Башкарма комитеты каршында мәгълүмат чаралары комиссиясе менә шул мәсьәләләрне тикшерде.
