Çärşämbedä Mäskäwneñ Lujniki stadionına Manchester United belän Chelsea arasında final uyınnı qararğa Angliädän 50 meñ çaması canatar kiler dip kötelä. Mäskäwdä alarnı yuğarı bäyälär, qunaqxanädä urın qıtlığı häm qırıs militsiä kötügä qaramastan, Rusiägä ber tapqır bulsa da viza alıp qarağan canatarlar üzlären bäxetle dip sanıy. Rusiä räsmiläre moñarçı kürelmägän adımğa barıp, alarğa ilgä vizasız kerü röxsäten birde. Çik buyında pasport häm futbolğa bilet kürsätü citä.
"Bu bik döres qarar, - di Chelsea klubınıñ canatarlar törkeme räistäşe Peter Trenter. – Bu qısqa waqıt eçendä bez viza eşlären başqarıp çığa almas idek."
Rusiä räsmiläre xäzer sportqa ğayät zur äxämiät birä. Bu uyın Rusiä öçen zur sınaw dip sanala. Şuña kürä räsmilär ingliz canatarlarına çığarma yasarğa buldı da, di Rusiäneñ futbol berlege süzçese İgor Vladimirov.
"Añlarğa kiräk, mondıy çara Rusiädä berençe tapqır ütä. Räsmilär anı yuğarı däräcädä ütkärergä teli" di İgor Vladimirov.
Rusiä-Britaniä mönäsäbätläre soñğı waqıtta şäptän tügel. Qayber küzätüçelär Mäskäwneñ bu adımın London belän mönäsäbätlärne caylaw niäte dip kürä.
"Bu säyäsi qarar,- di Heritage Foundation oyışmasınıñ Mäskäw bülege citäkçese Yevgeniy Volk. – İke il arasıdağı mönäsäbätlär körçekkä terlägän, Medvedev alarnı yaxşırtu telägen kürsätergä teli."
İngliz canatarları üzläreneñ qaynar xolqı belän tanılğan. İke komanda canatarları arasında çualışlarnı buldırmas öçen alarnıñ oçqıçları törle hawa alannarına töşerelä. Mäskäw räsmiläre köç qullanuğa yul quyılmayaçaq dip alarnı aldan kisätep quydı. Uyın waqıtında stadionda tärtip saqlawğa 2 meñnän artıq militsiä xezmätkäre cälep itelä. Tağın 5 meñe şähär buylap toraçaq.
"Bu bik döres qarar, - di Chelsea klubınıñ canatarlar törkeme räistäşe Peter Trenter. – Bu qısqa waqıt eçendä bez viza eşlären başqarıp çığa almas idek."
Rusiä räsmiläre xäzer sportqa ğayät zur äxämiät birä. Bu uyın Rusiä öçen zur sınaw dip sanala. Şuña kürä räsmilär ingliz canatarlarına çığarma yasarğa buldı da, di Rusiäneñ futbol berlege süzçese İgor Vladimirov.
"Añlarğa kiräk, mondıy çara Rusiädä berençe tapqır ütä. Räsmilär anı yuğarı däräcädä ütkärergä teli" di İgor Vladimirov.
Rusiä-Britaniä mönäsäbätläre soñğı waqıtta şäptän tügel. Qayber küzätüçelär Mäskäwneñ bu adımın London belän mönäsäbätlärne caylaw niäte dip kürä.
"Bu säyäsi qarar,- di Heritage Foundation oyışmasınıñ Mäskäw bülege citäkçese Yevgeniy Volk. – İke il arasıdağı mönäsäbätlär körçekkä terlägän, Medvedev alarnı yaxşırtu telägen kürsätergä teli."
İngliz canatarları üzläreneñ qaynar xolqı belän tanılğan. İke komanda canatarları arasında çualışlarnı buldırmas öçen alarnıñ oçqıçları törle hawa alannarına töşerelä. Mäskäw räsmiläre köç qullanuğa yul quyılmayaçaq dip alarnı aldan kisätep quydı. Uyın waqıtında stadionda tärtip saqlawğa 2 meñnän artıq militsiä xezmätkäre cälep itelä. Tağın 5 meñe şähär buylap toraçaq.