Şulay itep, 16 ay däwam itkän qızu köräş axırına yaqınlaştı. Köräş başında ällä ni tanılmağan, yäş senator bulğan Barak Obama kampaniä axırında ilne üzgärtergä wäğdä itkän yulbaşçığa äylände. Uzğan töndä Minnesota ştatında meñlägän tarafdarı aldında ul wäğdälären tormşıqa aşıraçağın äytte.
Barack Obama xatını Mişel belän
"Bezneñ waqıt citte. Ütkän tarix biten yabıp, yaña quät, yaña fiker, yaratqan ilebezgä yaña yünäleş birü waqıtı citte" di Barak Obama.
Obamanıñ çığışı berniçä tapqır "Bez buldırabız!" digän şiğarlär belän özelde.
Tatarstan prezidentı Miñtimer Şäymiev süzlären qabatlağan bu şiğar, Barak Obama häm anıñ tarafdarları ütkän kirtäle yulnı yaxşı sürätli.
16 ay elek säyäsi küzätüçelär, bertawıştan diärlek, demokratlar bäygesen Hillary Clinton ciñäçäk dip farazladı. Yuğarı dairädä elemtälären, finans mömkinleklären häm dä fiker beleşülärdä alda baruın iskä alıp.
Obama, kiresençä, bilgesez, artıq yäş, täcribäsez, dip sanaldı. Häm dä bik küplär qara tänle keşe Amerikada prezident bula almıy, dip kilde.
Läkin, üzeneñ yalqınlı çığışları belän Obama millionlağan keşene, bigräk tä yäşlärne üzenä qarata aldı. Yuğarı däräcädä oyıştırılğan kampaniä häm ğadi amerikannarnıñ xäyriä yärdäme belän ul bu bäygene ciñeñ çıqtı.
Obama kiräk bulğan 2118 delegatlar sanın inde qazandı. Hillary xanım anı qotlasa da, älegä ciñelüen tanımadı.
Hillary Clinton
"Xäzer soraw şul – alğa taba nişlärgä. Partiä bularaq, närsä eşlärgä, bu ciñel soraw tügel. Bu ozın kampaniä buldı, älegä min qarar itmädem" dide Hillary Clinton.
Xäzer Hillary xanımnı çigenep, Obamanı xuplawğa künderü öçen säxnä artında söyläşülär başlanır dip farazlarğa kiräk. Demokratlar ikegä bülengän xäldä McCainnı ciñä almayaçaq.
Obama üzeneñ çığışında McCainğa da ixtiram süzläre äytte. Ämmä anıñ prezident bulğan oçraqta Buş säyäsäten däwam itäçägenä tänqit belderde.
"Ägär McCain uzğan yıl Senatta şikelle 95% Buş yağında bulsa, bu üzgäreş tügel, - di Obama. - Ägär ul Buşnıñ iqtisadi säyäsäten tağın 4 yıl däwam itsä, bu üzägereş tügel. Bu säyäsät yaxşı tüläwle eş urınnarı buldırmadı, uqu bäyälären kükkä çöyde, amerikan ğailäseneñ keremen kimette, Wall Street belän Main Street arasında upqınnı arttırdı, balalarıbızğa öyem-öyem burıç qaldıra."
Obama Ğıyraq suğışına başınnan uq qarşı çıqqan bulsa, McCain, amerikan xärbiläre Ğıyraqta kiräk bulsa, yöz yılğa da qala ala, di.
John McCain (s) prezident George Bush belän
"Ägär ul Ğıyraq säyäsäten däwam itä ikän, bu üzgäreş tügel, - di Obama. – Bu - Ğıyraq säyäsätçelärennän berni taläp itmiçä, bezneñ batır xärbilärdän genä taläp itü, Ğıyraqta qalu yulların ezläw, ay sayın milliardlağan dollar buşqa sarıf itü."
McCainnı Buşnıñ warisı itep surätläw älbättä otışlı adım. Buşnıñ abruyı xäzer bik tübän, amerikannar xäzerge wazğıyät belän qanäğat tügel.
Şulay da, Obamağa ciñel bulmayaçaq. McCain Vietnam suğışı qaharmanı, täcribäle senator Hillary Clintonnan köçleräk köndäş sanala.
Berençel saylalwlar şunı kürsätte, Obamağa qayber qatlamnarnı, bigräk tä, xatın-qız, ölkännär, eşçelärne üzenä cälep iter öçen äle küp köç salırğa turı kiläçäk.
Çın köräş äle başlana ğına.
"Bezneñ waqıt citte. Ütkän tarix biten yabıp, yaña quät, yaña fiker, yaratqan ilebezgä yaña yünäleş birü waqıtı citte" di Barak Obama.
Obamanıñ çığışı berniçä tapqır "Bez buldırabız!" digän şiğarlär belän özelde.
Tatarstan prezidentı Miñtimer Şäymiev süzlären qabatlağan bu şiğar, Barak Obama häm anıñ tarafdarları ütkän kirtäle yulnı yaxşı sürätli.
16 ay elek säyäsi küzätüçelär, bertawıştan diärlek, demokratlar bäygesen Hillary Clinton ciñäçäk dip farazladı. Yuğarı dairädä elemtälären, finans mömkinleklären häm dä fiker beleşülärdä alda baruın iskä alıp.
Obama, kiresençä, bilgesez, artıq yäş, täcribäsez, dip sanaldı. Häm dä bik küplär qara tänle keşe Amerikada prezident bula almıy, dip kilde.
Läkin, üzeneñ yalqınlı çığışları belän Obama millionlağan keşene, bigräk tä yäşlärne üzenä qarata aldı. Yuğarı däräcädä oyıştırılğan kampaniä häm ğadi amerikannarnıñ xäyriä yärdäme belän ul bu bäygene ciñeñ çıqtı.
Obama kiräk bulğan 2118 delegatlar sanın inde qazandı. Hillary xanım anı qotlasa da, älegä ciñelüen tanımadı.
"Xäzer soraw şul – alğa taba nişlärgä. Partiä bularaq, närsä eşlärgä, bu ciñel soraw tügel. Bu ozın kampaniä buldı, älegä min qarar itmädem" dide Hillary Clinton.
Xäzer Hillary xanımnı çigenep, Obamanı xuplawğa künderü öçen säxnä artında söyläşülär başlanır dip farazlarğa kiräk. Demokratlar ikegä bülengän xäldä McCainnı ciñä almayaçaq.
Obama üzeneñ çığışında McCainğa da ixtiram süzläre äytte. Ämmä anıñ prezident bulğan oçraqta Buş säyäsäten däwam itäçägenä tänqit belderde.
"Ägär McCain uzğan yıl Senatta şikelle 95% Buş yağında bulsa, bu üzgäreş tügel, - di Obama. - Ägär ul Buşnıñ iqtisadi säyäsäten tağın 4 yıl däwam itsä, bu üzägereş tügel. Bu säyäsät yaxşı tüläwle eş urınnarı buldırmadı, uqu bäyälären kükkä çöyde, amerikan ğailäseneñ keremen kimette, Wall Street belän Main Street arasında upqınnı arttırdı, balalarıbızğa öyem-öyem burıç qaldıra."
Obama Ğıyraq suğışına başınnan uq qarşı çıqqan bulsa, McCain, amerikan xärbiläre Ğıyraqta kiräk bulsa, yöz yılğa da qala ala, di.
"Ägär ul Ğıyraq säyäsäten däwam itä ikän, bu üzgäreş tügel, - di Obama. – Bu - Ğıyraq säyäsätçelärennän berni taläp itmiçä, bezneñ batır xärbilärdän genä taläp itü, Ğıyraqta qalu yulların ezläw, ay sayın milliardlağan dollar buşqa sarıf itü."
McCainnı Buşnıñ warisı itep surätläw älbättä otışlı adım. Buşnıñ abruyı xäzer bik tübän, amerikannar xäzerge wazğıyät belän qanäğat tügel.
Şulay da, Obamağa ciñel bulmayaçaq. McCain Vietnam suğışı qaharmanı, täcribäle senator Hillary Clintonnan köçleräk köndäş sanala.
Berençel saylalwlar şunı kürsätte, Obamağa qayber qatlamnarnı, bigräk tä, xatın-qız, ölkännär, eşçelärne üzenä cälep iter öçen äle küp köç salırğa turı kiläçäk.
Çın köräş äle başlana ğına.