01:28
19.5.2014
Кырымтатарлар сөргененең 70 еллыгын Казанда да билгеләделәр. Милли хәрәкәт активистлары Сәяси золым корбаннары һәйкәле янында матәм митингын уздырды. Чара сөрген корбаннары рухына дога кылу белән тәмамланды. [ВИДЕО]
20:45
18.5.2014
18 май Чаллыда кырымтатарларга теләктәшлек пикеты үтте. Чарада Чаллы, Түбән Кама, Алабуга вәкилләре, барлыгы 50ләп кеше катнашты. [ВИДЕО]
20:00
18.5.2014
Яңгырлы көн булуга карамастан Акмәчет бистәсенә җирле мәчет янындагы мәйданга 10 меңләп кеше җыелды. Күбесенең кулында кырымтатар байрагы иде. Чара дәвамында алар "Ватан. Милләт. Кырым" дигән шигарләр кычкырды. Күктә боралаклар очып торды. Чарада Мәҗлес рәисе Рифат Чубаров, Татар конгрессы җитәкчесе Ринат Закиров чыгыш ясады. [ВИДЕО]
14:50
18.5.2014
Кырымтатар сөргененең 70 еллыгын Мәскәүдә дә искә алганнар..
12:01
18.5.2014
Акмәчетнең Салгир паркында һәм тимер юл вокзалы янындагы паркта сөрген корбаннары рухына дога кылынды. Анда берничә йөз кеше катнашты. 1944 елда сөргенгә җибәрү өчен барлык кырымтатарларны шул тимер юл вокзалына алып килгән булганнар. Хәзер анда истәлек ташы куелган.
11:36
18.5.2014
Бакчасарайда матәм чарасында боралаклар тавышы аркасында чыгыш ясаучыларны ишетеп булмый дип зарланалар. "Боралаклар туктаусыз әйләнеп йөри. Берни ишетелми. Путин белән очрашуга баручылар шул хакта килеште микән? Кайда безнең Казандагы "кардәшләр", дип яза Facebookта Nadj Femi.
11:00
18.5.2014
Якшәмбе иртәсендә кырымтатарлар яшәгән бистәләр өстендә хәрби боралаклар оча. Акмәчет үзәген Русия ОМОНы камап алган. Кырым "хакимияте" тыюы аркасында Ленин мәйданында үтәсе Матәм җыены башка урынга күчерелде. [ВИДЕО]
10:47
18.5.2014
Шимбә көнне Акмәчетнең Акмәчет бистәсендә "Йөрәгеңдә ут кабыз" дип аталган чарада 500ләп кырымтатар катнашты. Кырым “хакимиятенең” тыюы аркасында Ленин мәйданында үтәсе чараны оештыручылар Акмәчет бистәсенә күчерде. [ВИДЕО]
Шимбә көнне Акмәчет бистәсендә сөргенең 70 еллыгы уңаеннан шәм яндыру чарасында полиция белән бер катнашучы арасында каршылык чыкты. Бер ир кеше җирле мәчет янындагы мәйданга матәм тасмасы тагылган украин байрагы белән килде. Әлеге хәл хокук яклаучыларда канәгатьсезлек уятты. Алар байракны алуны таләп итте, әмма ир кеше үзенең Украина ватандашы булуын һәм украин байрагы Русия кануны нигезендә тыелмавын әйтте. Ун минут дәвам иткән сүз көрәштерүдән соң, полиция вәкиле бернинди нәтиҗәгә ирешмичә китеп барды.
Шимбә көнне Акмәчет бистәсендә сөргенең 70 еллыгы уңаеннан шәм яндыру чарасында полиция белән бер катнашучы арасында каршылык чыкты. Бер ир кеше җирле мәчет янындагы мәйданга матәм тасмасы тагылган украин байрагы белән килде. Әлеге хәл хокук яклаучыларда канәгатьсезлек уятты. Алар байракны алуны таләп итте, әмма ир кеше үзенең Украина ватандашы булуын һәм украин байрагы Русия кануны нигезендә тыелмавын әйтте. Ун минут дәвам иткән сүз көрәштерүдән соң, полиция вәкиле бернинди нәтиҗәгә ирешмичә китеп барды.
