Украин хәрбиләре һәм сепаратистлар әсирләрен алмаштырды
Украин хәрбиләре һәм Русия яклы сепаратистлар җомгага каршы төндә Донецки янында әсирләрен алмаштырды. Reuters мәгълүматына күрә, узган атна ирешелгән килешү нигезендә барлыгы 74 әсир алмаштырылган.
Украина низагы: Татнефть акцияләре төшә
12 сентябрь Европа Берлегенең Русиягә яңа чикләүләре көченә керә. Алар 24 кешегә һәм Русиянең берничә ширкәтенә кагылачак. "Кара исемлек" әлегә игълан ителми.
Шушы хәбәр сурәтендә атнакич төштән соң Русиянең кыйммәтле кәгазь базарында акцияләр төшә башлады. Интерфакс хәбәренә күрә, югалтучылар арасында Газпром (-0,6%), Ростелеком (-1,3%), Татнефть (-1,8%) ширкәтләре бар.
Украина көнчыгышында вазгыять. 11 сентябрь
Кичәге харита белән чагыштырганда, көньяк-көнчыгышта сепаратистлар контроль иткән территория киңәйгән. (Чыганак: Украина иминлек һәм саклану шурасы)
Путин Новороссияне саклаучылар өчен шәм куйды
Чәршәмбе кич Владимир Путин Мәскәүнең бер чиркәвенә килеп шәм куйды. Журналистларның шәмне кем өчен куйдыгыз дигән соравына Русия президенты "Новороссия халкын саклап корбан булучыларга" диде.
Казанда Украинадагы сугышка каршы пикет
10 сентябрь кичендә Казанда бер төркем активист Украинадагы сугышка каршы пикет үткәрде.
Украин хәрбиләре җеназасына меңнәрчә кеше килде
Украинаның Сумы шәһәрендә сепаратистлар белән бәрелешләрдә һәлак булган алты хәрбинең җеназасына меңнәрчә кеше килде.
Украина көнчыгышында вазгыять. 10 сентябрь
Чыганак: Украина иминлек һәм саклану шурасы. 10 сентябрь 2014
Донецки сепаратистлары бәйрәм оештырды
Украинаның Мәскәү яклы сепаратистлар контролендәге Донецки шәһәрендә Донецкиның 1943 елның 8 сентябрендә Германия гаскәрләреннән азат ителүенә 71 ел тулуны бәйрәм иттеләр. Бәйрәмне оештыручылар җыелган берничә йөз кеше алдында чыгыш ясап, Украина хакимиятәнә каршы сугышны фашизмга каршы сугыш дип атады. Бу чара узган атнада ирешелгән атышларны туктату килешүе нигезендә Украинаның көнчыгышында чагыштырмача тынычлык сакланган шартларда узды.