Русия баш прокуроры урынбасары Владимир Малиновский җинаятьчелекнең артуы турында белдерде. Теркәлгән саннарга караганда, җинаятьләр ел башыннан 6.7% арткан, диде Малиновский Җәмәгать пулатының пленар утырышындагы чыгышында.
"Агымдагы елның сигез аенда 1.5 миллион җинаять теркәлгән", диде баш прокуроры урынбасары.
Үсмерләр арасында җинаятьчелек 5.6% арткан, аларның күбесе хәмер һәм наркотик кулланган хәлдә кылынган.
Хокук статистикасына караганда, Татарстанда җинаятьчелек 12%, Башкортстанда 15% арткан.
