Франциядә өч көнлек матәм игълан ителде
Париж стадионында Франция-Германия уены барганда өч шартлау тавышы ишетелә. Франция президенты Франсуа Олланд та шунда була, шартлаулар башлануга китеп бара.
Германия-Франция футбол уены вакытында булган шартлаулардан соң халык стадионнан Марсельеза - Франция гимнын җырлый-җырлый чыкты. Парижның берничә урынында булган террор гамәлләрендә кимендә 140 кеше һәлак булды, 5 террорчы үтерелде
Парижда полициягә ярдәмгә 1500 хәрби чыгарылды. Һава аланнары ябылмаячагы хәбәр ителде, әмма кайбер һава юллары ширкәтләре Парижга очышларын кичектерде. Эйфель манарасының утлары сүндерелде
Такси йөртүчеләр һөҗүмнәр булган урыннардан кешеләрне өйләренә бушка алып кайта
Кимендә 100 кеше һәлак булган клубка Франция президенты Франсуа Олланд килде. Тотыклар азат ителде. Һөҗүм иткән ике кеше үтерелде. Батаклан #Bataclan концертлар залында АКШның Калифорния штатыннан Eagles of Death Metal рок төркеме концерты бара иде. Олланд Антальяда иртәгә ачылачак "Зур-20" саммитына бармый. АКШ президенты Барак Обама һәм Европа Берлеге Франциягә ярдәм тәкъдим итте
Террор һөҗүмнәре Парижның җиде урынында булды. Шәһәр халкына өйләреннән чыкмаска кушылды.