Җомга кич Франция башкаласының берничә урынында кораллы һөҗүмнәр нәтиҗәсендә 60лап кеше һәлак булган, дистәләрчә кеше яраланган. Батаклан театрында 100ләп кеше тотык итеп алынган. Франция-Германия футбол уены барган стадион янында шартлаулар яңгыраган. Уенда Франция президенты Франсуа Олланд та булган, аңа зыян килмәгән.
Франция президенты Франсуа Олланд илнең чикләрен ябу һәм гадәттән тыш хәл кертү турында игълан итте. Террорчыларны табып юк итүгә бар көчләр җәлеп ителә дип белдерде ул.
Һөҗүмнәр Париҗның берьюлы җиде урынында булган дип хәбәр ителә.
Стадион янындагы шартлауны интиһарчылар оештырган дип хәбәр итә шаһитлар. (AFP агентлыгы)
Парижда Батаклан клубында һөҗүм итүче "Аллаһу әкбәр" дип кычкарган имеш. Полиция мәгълүматларына караганда, залда кимендә 100 кеше тотык итеп алынган, үлүчеләр бар
Террор һөҗүмнәре Парижның җиде урынында булды. Шәһәр халкына өйләреннән чыкмаска кушылды.
Кимендә 100 кеше һәлак булган клубка Франция президенты Франсуа Олланд килде. Тотыклар азат ителде. Һөҗүм иткән ике кеше үтерелде. Батаклан #Bataclan концертлар залында АКШның Калифорния штатыннан Eagles of Death Metal рок төркеме концерты бара иде. Олланд Антальяда иртәгә ачылачак "Зур-20" саммитына бармый. АКШ президенты Барак Обама һәм Европа Берлеге Франциягә ярдәм тәкъдим итте
Такси йөртүчеләр һөҗүмнәр булган урыннардан кешеләрне өйләренә бушка алып кайта