Ульян өлкәсе Сабакай авылында мәчеткә өлкәннәр генә йөри
Сембердән 93, Казаннан 273 чакрым ераклыкта урнашкан Сабакай авылында 3 меңләп кеше - татарлар, руслар һәм чуашлар яши. Тәравихка килүче өлкәннәр кайчандыр җомга намазларын өйдә генә качып укыганнарын искә төшереп утыра.
"Ярдәм" - без күрмәүчеләргә түгел, алар безгә ярдәм итә
Вообще, с каждым посещением этого места меня посещают интересные мысли. Я понял, что название этой мечети "ярдэм" не потому, что люди помогают незрячим, а, наоборот, люди с ограниченными возможностями напоминают тебе, что твои проблемы-это пустяки, и тем самым помогают тебе!!! Эти мысли приходят, когда муазин- слепой человек, а с тобой в рядах на таравихе, где читают джуз, стоят слепые люди... Дай Аллах всем Своё довольство, Амин!
Айрат Касимов, Казан
Германиядә төрекләр һәм боснияләр тоткан мәчетләр актив
Германиядә Рамазан алдыннан төрле мәчетләрдә ярминкәләр узды. Төрек, боснияләр мәчетләре бу эштә иң актив. Ураза керер алдыннан hәр мәчет диярлек намаз-ифтар вакытларын бастырып чыгарды. Сүз уңаеннан, Штутгардта манаралы мәчетләр юк, әмма төрекләр манаралы матур мәчет төзергә ниятли. Тәравихлар уздырыла. Ураза аендагы махсус намаз бик сонга туры килгәнгә күрә, эшли торган халык сүлпән, мәчетләр тулы түгел. Боснияләр җыелган мәчеттә тәравих кына укыла, Көръәнгә хәтем чыгылмый, озакка китәр дип уйлыйлар. Бу гыйбадәтханәгә авыз ачарга мөселман булмаганнарны да чакыра, ифтарга полиция, янгын сүндерү хезмәтләре кешеләре дә килә. Табынга мөселманнар үз милли ризыгын алып килә. Монда “интеграция” белән “адаптация”, бер-береңне танып белү кирәклеге турында бик күп сөйләргә яраталар. Артыгы белән. Пакыстан мәчетенә Британиядән килүчеләр дәгъват кыла. Аларга урын кирәк дип хатын-кызларның бүлмәсен алдылар. Мөслимәләр Кадер кичәсендә дә мәчеткә килә алмабызмы дип борчыла. Монда сәдака бирү дә кызык. Аның өчен аерым оешмалар бар. Берәр сәбәп булса, хат язалар, акчаны тыгып җибәрер өчен чиста конверт та кыстырылар. Зәкәт, фитрны да алар аша бирергә мөмкин. Алар – ышанычлы оешмалар. Тупланган акчаны ачлыктан, сусызлыктан интегүче мөселманнар илләренә җибәрәләр.
Аделия, Штутгарт, Германия
Әфганстанда рамазан аенда гына махсус ипи пешерәләр
Уразада кинога йөриләрме? Ничек кенә!
Ел саен мөселман илләрендә рамазан аенда кинога йөрү кими дип санала. Дин әһелләре бу айны күңел ачмыйча гыйбадәттә уздырырга куша. Әмма Гарәб Әмирлекләрендә беренче тапкыр кино күрсәтүчеләр быелның иң зур премьераларның берсен чыккан көнне үк күрсәтәчәкләр. 16 июньнән алып "Дорины эзләү" ("Нимоны эзләү"нең дәвамы) фильмын ифтарга кадәр яки ифтардан соң төннә карап булачак. Кино театрлары аны күрсәтү вакытын шулай билгеләгән.
Төркиядә синагогада ифтар
Төркиянең Эдирне шәһәрендә узган ел төзекләндерелгән борынгы синагога ачык һавада ифтар мәҗлесе оештырды. Мәхәлләдә бер генә яһүд гаиләсе яши. Ифтарга шәһәрдәге мөселман һәм христиан дин әһелләре, сәясәтчеләр һәм гади мөселманнар чакырылган иде.