Татарстан мәктәпләрендә татар теле дәресләре киметелгәндә Самардагы “Яктылык” мәктәбендә дәресләр элек ничек булган, шул килеш калган. Бу мәктәптә укырга теләүчеләр саны да арта бара. Самардагы 400 укучыга исәпләнгән “Яктылык” мәктәбендә 496 бала укый. Тиздән мәктәп бинасы киңәергә тиеш, нәтиҗәдә мәктәптә укучы балалар саны да артачак. Бу хакта Азатлыкка мәктәп мөдире Радик Газизов белдерде.