Сугыш көндәлеге. Беренче 85 көн

Британия саклану министрлыгының Русия-Украина сугышында тарафларның хәрби потенциалына карата чираттагы бәяләмәсендә Русия Донбасстагы һөҗүмен бер айдан да иртәрәк торгызмаячак диелә.

"Русиянең февральдә туплаган җир өсте хәрби куәтенең өчтән берен югалткан булуы ихтимал" дип саный Британия саклану министрлыгы.

• G7 илләренең тышкы эшләр министрлары Германиядәге очрашуда Русиягә икътисадый һәм сәяси басымны көчәйтергә һәм Украинага ярдәм күрсәтергә сүз бирделәр. Белдерүдә шулай ук Русиянең агрессиясе һәм Украинаның авыл хуҗалыгы экспортын чикләү гамәлләре глобаль азык-төлек куркынычсызлыгына яный диелә.
• Украина Югары Радасы сәхифәсе сайты хәбәр итүенчә, президент Влдаимир Зеленский Русия яклы сәяси партияләрне тыю турындагы канун имзалады.
• Быелның март аеннан Русия кораллы көчләрен дискредитацияләү маддәсе нигезендә кимендә ике мең административ эш ачылган. Мондый саннарны мәхкәмә сайтларына, эчке эшләр министрлыгы пресс-релизларына, кеше хокукларын яклау проектларына нигезләнеп ОВД-ИНФО хәбәр итә. Чынлыкта ачылган эшләрнең саны күбрәк тә булырга мөмкин.
• Украина Евровидение 2022 җыр бәйгесендә җиңү яулады.

"Stefania" җыры белән чыгыш ясаган Kalush Orchestra музыкаль төркеме 631 балл җыйды. Җыр төркем фронтмены Олег Псюкның әнисенә һәм сугыш афәтеннән балаларын саклаган барлык хатын-кызларга багышланган.

Төркем җиңүне "Слава Україні!" шигаре белән каршы алды.

Бәйгедә Украинадан Kalush Orchestra төркеме фаворит санала.

Путинның Украинага каршы сугыш башлавы сәбәпле, быел “Евровидение”гә Русия кертелмәде. Җыр бәйгесен “Евровидение”нең рәсми сайты туры эфирда күрсәтәчәк.

Бу хакта Украина хәрби-гражданлык хезмәттәшлеге рәисе Владимир Лямзин Reuters агентлыгына әйткән. Украина халыкара һумманитар тәртибен катгый рәвештә башкара дигән ул.

9 майда "Әл-Җазира" телеканалы Киев өлкәсеннән репортаж күрсәтте. Анда Русия хәрбиләренең үле гәүдәләре белән тулган рефрижератор вагоны күрсәтелде.

Украинадагы сугышта ике яктан да күпме хәрби үлгәнен ачыклау мөмкин түгел. Ике як та төрле саннар күрсәтә.

Башкортстанның Кушнаренко районында Украинадагы сугышта һәлак булган егет белән хушлаштылар.

Динар Низаев - 24 яшь, Кушнаренко районы Югары Сәет авылында туган. Контракт нигезендә хезмәт иткән.

"Русия стратегик җиңелүгә дучар ителде - ул 9 майга кадәр украин дәүләтен сугыш юлы белән һәм Русия марионеткаларын хакимияткә кую ярдәмендә украин дәүләтен юк итә алмады. Без аның максатлар масштабын оператив-тактик дәрәҗәгә кадәр киметүгә ирештек. Бу сурәттә без сугышның яңа озакка сузылачак фазасына керәбез. Монда җиңү өчен ресурсларны яхшылап планлаштырырга, хаталар булдырмаска, көчне шулай итеп куярга ки, дошман түзә алмасын", дип язды Алексей Резник Facebook-та.

Резников Украинаның саклану потенциалын арттырга һәм бер миллион кешене корал белән тәэмин итәргә вәгъдә бирде.

• 13 майда Русия һөҗүмнәре нәтиҗәсендә Луһански өлкәсендә 50дән артык йорт җимерелгән. Бу хакта төбәк башлыгы Сергей Гайдай хәбәр итте.
• Украинада сугыш башланганнан бирле илдә барлыгы 227 бала һәлак булган, кимендә 420 бала яраланган дип белдерле Украина прокуроры офисы.
• 14 майдан Русия Финляндиягә электр энергиясе сатуны туктаткан. Бу электр өчен түләмәү белән аңлатыла. Финляндия ягы әлеге югалтуларны Швециядән һәм илнең үзеннән каплый ала дип белдерде. Русиядән килгән электр энергиясе 10 проценты тәшкил иткән.
• Бәяләр арту сәбәпле, Һиндстан бодай экспортын тыйган. Элек ил хакимиятләре Украинадагы хәлләр сурәтендә Һиндстан бодае дөнья базарында дефицитны каплый ала дип белдергән иде.