Pänceşämbedä Tatarstan Premyer-ministrı Röstäm Miñnexanov respublikada Ädäbiät häm sänğät yılına äzerlek häm anı ütkärü komissiäse utırışın ütkärde. Tatarstan Premyer-ministrı urınbasarı – mädäniät ministrı Zilä Välieva çaralar planı proyektın täqdim itte.Proekt mädäniät obyektları tözeleşe häm rekonstruksiäsen, äydäwçe icat kollektivlarına yärdämne, şulay uq mäğlümatı tä'min itüne üz eçenä alğan. Zilä Välieva şulay uq bu yılnıñ Qazan xalqında ğına tügel, ä Tatarstannıñ barlıq şähärläre häm rayonnarı keşeläreneñ dä xäterendä qaluı, qayda yäşäwenä qaramastan, här tatarstanlınıñ mädäniät çığanaqların faydalanu mömkinlege buluı möhim dip belderde. Röstäm Miñnexanov Ädäbiät häm sänğät yılın oyıştıru turında ğomumän söylägändä, MMÇda niätlängän çaralarnı yaqtırtu citmi, dip bilgeläp ütte häm “Tatmedia” massaküläm kommunikatsiälär agentlığına tieşle kürsätmä birde. Gölnaz Şäyxetdin
