Xämasnıñ xärbi qanatı häm tağın ike suğışçan törkem İzrailgä fälestinle totqınnarnı irekkä çığaru öçen sişämbe könne Qazan waqıtı belän irtänge cidegä qädär waqıt birde. Şuña qädär fälestinle totqınnar azat irelmäsä totıq xärbi mäsäläse yabılaçaq dielde. Elegräk suğışçılar İzrail törmälärennän ber meñläp fälestinlegene çığarunı taläp itkän ide.
Ämma Tel Avivta İzrail yustitsiä ministrı Haim Ramon "İzrail terror ğämällären büläklämiäçäk. Terrorçılar üzläreneñ qurqınıç ğämälläre öçen tüliäçäk. Şuña kürä bez terrorçılar belän söyläşmiäçäkbez" dide.
İzrail fälestin suğışçıların üzeneñ totqın saldatına qul tidermäskä dip kisätte.
Mısır aradaşçıları bu xälgä diplomatik çişeleş tabarğa tırışsa da älegä uñışqa ireşä almadı.
Ul arada İzrail Gaza sızığında üzeneñ tönge hawa höcümnäre belän fälestinlelärgä basımnı arttıra bara.
Bu höcümnär Gazadağı berdänber elektr stansiäsenä zıyan kiterde, cämäğätçelek binaların, yullarnı cimerde.
Xalıqara cämäğätçelek bu krizis tınıçlıq söyläşülären, Fälestin däwläte qoru mömkinlegen bik nıq kiçektererä ala dip borçılu belderde.
Yäkşämbe könne BMO general sekretare Kofi Annan "Min fälestin oyışmaların häm infrastrukturasın saqlap qalırğa kiräk dip bik qatı borçılam. Alar 2 däwlät qorıp çişeleş tabu öçen nigez bulıp tora häm şunıñ belän İzrialneñ dä Fälestinlelärneñ dä mänfäğätlärenä turı kilä. Şuña kürä tiskäre näticä birüçe ğämällär qılu kiñäş itelmi" dide.
Rusiä tışqı eşlär ministrı Sergey Lavrov Mäskäwgä kilgän İzrail tışqı eşlär ministrıTzipi Livni belän söyläşülärdä Rusiä totıq itep alınğan İzrail xärbien qotqaru öçen barlıq mömkin bulğan barlıq yullarnı faydalanırğa tırışabız dide häm taraflarnı totnaqlıqqa çaqırdı.
Fälestin prezident Mäxmüt Abbas hawa höcümnären tuqtatu öçen xalıqara cämäğätçelektän yardäm soradı.
"Qızğanıç ki, bu İzrailneñ bezneñ elektr stansiälären küperlärne, yullarnı, yortlarnı, premyer ministr, eçke eşlär ministrlığı idarälären utqa totuı ğına tügel. Bolar barısı da xalqıbızğa xezmät itüçe sivil infrastrukturanı täşkil itä. Şuña da qaramastan alarnı bernindi ikelänülärsez bombalıylar. Bez bu turıda böten dönyağa möräcäğät belän çıqtıq. Bez böten dönyadan bu cinayätlärne tutqatu öçen tıqşınunı soradıq" dide Abbas.
İzrail isä monı fälestin xökümäten terrorçılıqnı yaqlawdan tıyılırğa mäcbür itü öçen ezlekle zarur adımnar dip atadı. Permyer ministrı urınbasarı Şimon Peres "Xämas üzenä kürä terror xökümätenä äwerelde. Şuña kürä bez anı tuqtatu öçen zarur çaralarğa barabız. Bez monı ezlekle räweştä, çamalap başqarabız" dide.
Uzğan töndä tönyaqtan Gaza Sızığına çik buyındağı cir astı yulların cimerü öçen azsanlı İzrail tankları häm buldozerları kerde. Alar tönyaq çik buyında tuplanğan 5 meñlek ğäskärgä yul da äzerli ala.
Gazanıñ könyağına İzrail köçläre uzğan atnada uq kergän ide. Fälestin suğışçan törkemnäre Gazada İzrailneñ xärbi çaralarına qarşılıq kürsätäçäklären belderä häm İzraildä bomba höcümnären yañartu belän yanıy.
Naif Aqmal, Praga.
Ämma Tel Avivta İzrail yustitsiä ministrı Haim Ramon "İzrail terror ğämällären büläklämiäçäk. Terrorçılar üzläreneñ qurqınıç ğämälläre öçen tüliäçäk. Şuña kürä bez terrorçılar belän söyläşmiäçäkbez" dide.
İzrail fälestin suğışçıların üzeneñ totqın saldatına qul tidermäskä dip kisätte.
Mısır aradaşçıları bu xälgä diplomatik çişeleş tabarğa tırışsa da älegä uñışqa ireşä almadı.
Ul arada İzrail Gaza sızığında üzeneñ tönge hawa höcümnäre belän fälestinlelärgä basımnı arttıra bara.
Bu höcümnär Gazadağı berdänber elektr stansiäsenä zıyan kiterde, cämäğätçelek binaların, yullarnı cimerde.
Xalıqara cämäğätçelek bu krizis tınıçlıq söyläşülären, Fälestin däwläte qoru mömkinlegen bik nıq kiçektererä ala dip borçılu belderde.
Yäkşämbe könne BMO general sekretare Kofi Annan "Min fälestin oyışmaların häm infrastrukturasın saqlap qalırğa kiräk dip bik qatı borçılam. Alar 2 däwlät qorıp çişeleş tabu öçen nigez bulıp tora häm şunıñ belän İzrialneñ dä Fälestinlelärneñ dä mänfäğätlärenä turı kilä. Şuña kürä tiskäre näticä birüçe ğämällär qılu kiñäş itelmi" dide.
Rusiä tışqı eşlär ministrı Sergey Lavrov Mäskäwgä kilgän İzrail tışqı eşlär ministrıTzipi Livni belän söyläşülärdä Rusiä totıq itep alınğan İzrail xärbien qotqaru öçen barlıq mömkin bulğan barlıq yullarnı faydalanırğa tırışabız dide häm taraflarnı totnaqlıqqa çaqırdı.
Fälestin prezident Mäxmüt Abbas hawa höcümnären tuqtatu öçen xalıqara cämäğätçelektän yardäm soradı.
"Qızğanıç ki, bu İzrailneñ bezneñ elektr stansiälären küperlärne, yullarnı, yortlarnı, premyer ministr, eçke eşlär ministrlığı idarälären utqa totuı ğına tügel. Bolar barısı da xalqıbızğa xezmät itüçe sivil infrastrukturanı täşkil itä. Şuña da qaramastan alarnı bernindi ikelänülärsez bombalıylar. Bez bu turıda böten dönyağa möräcäğät belän çıqtıq. Bez böten dönyadan bu cinayätlärne tutqatu öçen tıqşınunı soradıq" dide Abbas.
İzrail isä monı fälestin xökümäten terrorçılıqnı yaqlawdan tıyılırğa mäcbür itü öçen ezlekle zarur adımnar dip atadı. Permyer ministrı urınbasarı Şimon Peres "Xämas üzenä kürä terror xökümätenä äwerelde. Şuña kürä bez anı tuqtatu öçen zarur çaralarğa barabız. Bez monı ezlekle räweştä, çamalap başqarabız" dide.
Uzğan töndä tönyaqtan Gaza Sızığına çik buyındağı cir astı yulların cimerü öçen azsanlı İzrail tankları häm buldozerları kerde. Alar tönyaq çik buyında tuplanğan 5 meñlek ğäskärgä yul da äzerli ala.
Gazanıñ könyağına İzrail köçläre uzğan atnada uq kergän ide. Fälestin suğışçan törkemnäre Gazada İzrailneñ xärbi çaralarına qarşılıq kürsätäçäklären belderä häm İzraildä bomba höcümnären yañartu belän yanıy.
Naif Aqmal, Praga.