Libandağı Xizbulla İzrailneñ 2 xärbien totıq itep alğannan soñ İzrailneñ Xizbullağa qarşı 2 atna elek başlağan höcüme sişämbe könne dä däwam itte. AQŞ däwlät sekretare Condoleezza Ricenıñ Liban belän İzrailgä säfäre waqıtında Bäyrütne bombalaw ber täwlekkä tuqtalıp torğan ide. Sişämbe könne töştän soñ Bäyrütne bombalaw yañartıldı. Xärbi çaralar Xibullağa qarşı alıp barıla.
Ämma İzrailneñ hawa höcümnärennän tınıç xalıq ta bik nıq zıyan kürä. Qorbannarnıñ küpçelege tınıç xalıq arasınnan. Sişämbe irtän Libannıñ könyağında İzrail xärbi oçqıçı atqan raketa ber yortqa tiep anda yäşäwçe 7 keşelek ğailäne, şul isäptän balalarnı üterde.
Şul uq waqıtta Xibullanıñ İzrailgä raketa höcümnäre tuqtalmıy.
BMO isäpläwençä İzrailneñ höcümnärennän qaçıp Livannıñ könyağındağı yartı millionnan artıq öylärennän kitärgä mäcbür bulğan. Ämma Xalıqara Qızıl Xaç Oyışmasınıñ Libandağı wäkile Hişam Xäsän bez küpçelek qaçaqlarnıñ könyaqtan kilüen beläbez, ämma alarnıñ isäben alu çınlıqta mömkin tügel di.
Şul uq waqıtta küplär ilneñ xärbi çaralar barğan könyaq öleşendä qalğan. Xäsän äytüençä, Libannıñ könyağı ilneñ başqa öleşennän tulısınça diärlek bülenep qalğan. Anda äle dä meñnärçä keşe, ämma älegä tögälräk isäpläw mömkin tügel. Anda eär su, azıq tölek, darular, meditsina kiräk yaraqları citmi. Küpsanda ayırım yardämgä moxtac balalar bar. Qayber awıllarda inde 5-6 kön ikmäk kürmäwçelär bar dip xäbär itelä di.
Xalıqara Qızıl Xaç Oyışması ilneñ törle öleşlärendä moxtaclarğa humanitar yardäm tarata. Xäsän "Bezneñ oyışma inde 6 yä 7 kön tönyaq çik aşa Süriädän humanitar qärwan kiterä. Kiçä qağın beräw kilde, öçençe kön dä beräw kilgän ide. Bügen tağın berne qarşılarbız dip torabız. Süriädän tönyaq çik aşa kiterü probleması yuq. Annan inde küptännän kilä. Ämma küpkä tizräk kiräk" dide.
Sişämbe könne İzrailgä kilgän AQŞ däwlät sekretare Condoleezza Rice belän oçraşudan soñ İzrail premyer ministrı Ehud Olmert Libanda humanitar krizisqa yul quymaw öçen İzrail xalıqara yardämgä yul açaçaq dide. Anıñ äytüençä, humanitar yardäm töyägän oçqıçlar Bäyrüt hawa alanına töşä ala. Olmert şulay uq İzrail aşa Libanğa cir östennän dä humanitar koridor açu mömkinlege tudırılaçaq dide. Ämma bu mömkinleklärneñ qayçan tudırılaçağı äytelmäde.
BMOnıñ aşığıç yardäm koordinatorı Jan Egeland düşämbe könne Bäyrütä xäbärçelär belän oçraşuda 3 yalıq yardäm eşläre öçen 150 million dolllar soraluın belderde.
"Bez 3 ay turında süz alıp barabız. häm isäp inde başlandı. Şuşı 3 ayğa bez 150 million dollar sorıyaçaqbız. Alarnıñ 10 millionı Libannan Süriägä qaçqannarğa yardäm öçen totılaçaq" dide Egeland.
Naif Aqmal, Praga.
Ämma İzrailneñ hawa höcümnärennän tınıç xalıq ta bik nıq zıyan kürä. Qorbannarnıñ küpçelege tınıç xalıq arasınnan. Sişämbe irtän Libannıñ könyağında İzrail xärbi oçqıçı atqan raketa ber yortqa tiep anda yäşäwçe 7 keşelek ğailäne, şul isäptän balalarnı üterde.
Şul uq waqıtta Xibullanıñ İzrailgä raketa höcümnäre tuqtalmıy.
BMO isäpläwençä İzrailneñ höcümnärennän qaçıp Livannıñ könyağındağı yartı millionnan artıq öylärennän kitärgä mäcbür bulğan. Ämma Xalıqara Qızıl Xaç Oyışmasınıñ Libandağı wäkile Hişam Xäsän bez küpçelek qaçaqlarnıñ könyaqtan kilüen beläbez, ämma alarnıñ isäben alu çınlıqta mömkin tügel di.
Şul uq waqıtta küplär ilneñ xärbi çaralar barğan könyaq öleşendä qalğan. Xäsän äytüençä, Libannıñ könyağı ilneñ başqa öleşennän tulısınça diärlek bülenep qalğan. Anda äle dä meñnärçä keşe, ämma älegä tögälräk isäpläw mömkin tügel. Anda eär su, azıq tölek, darular, meditsina kiräk yaraqları citmi. Küpsanda ayırım yardämgä moxtac balalar bar. Qayber awıllarda inde 5-6 kön ikmäk kürmäwçelär bar dip xäbär itelä di.
Xalıqara Qızıl Xaç Oyışması ilneñ törle öleşlärendä moxtaclarğa humanitar yardäm tarata. Xäsän "Bezneñ oyışma inde 6 yä 7 kön tönyaq çik aşa Süriädän humanitar qärwan kiterä. Kiçä qağın beräw kilde, öçençe kön dä beräw kilgän ide. Bügen tağın berne qarşılarbız dip torabız. Süriädän tönyaq çik aşa kiterü probleması yuq. Annan inde küptännän kilä. Ämma küpkä tizräk kiräk" dide.
Sişämbe könne İzrailgä kilgän AQŞ däwlät sekretare Condoleezza Rice belän oçraşudan soñ İzrail premyer ministrı Ehud Olmert Libanda humanitar krizisqa yul quymaw öçen İzrail xalıqara yardämgä yul açaçaq dide. Anıñ äytüençä, humanitar yardäm töyägän oçqıçlar Bäyrüt hawa alanına töşä ala. Olmert şulay uq İzrail aşa Libanğa cir östennän dä humanitar koridor açu mömkinlege tudırılaçaq dide. Ämma bu mömkinleklärneñ qayçan tudırılaçağı äytelmäde.
BMOnıñ aşığıç yardäm koordinatorı Jan Egeland düşämbe könne Bäyrütä xäbärçelär belän oçraşuda 3 yalıq yardäm eşläre öçen 150 million dolllar soraluın belderde.
"Bez 3 ay turında süz alıp barabız. häm isäp inde başlandı. Şuşı 3 ayğa bez 150 million dollar sorıyaçaqbız. Alarnıñ 10 millionı Libannan Süriägä qaçqannarğa yardäm öçen totılaçaq" dide Egeland.
Naif Aqmal, Praga.