Gruziäneñ yuğarı räsmiläre ul ğäyeplärlärne raslawçı kireqaqqısız dälillär bar häm Gruziädäge däwlät tüntäreleşen Rusiä finanslağan bulırğa mömkin dip belderde.
Eçke eşlär ministrı Vano Merabişvili Tiflistä xäbärçelärgä "Bezdä bu keşelärneñ, bu törkemnärneñ Gruziädä Giorgadzenı xakimiätkä kiterü öçen xökümätne bärep töşerergä cıyınğanlığı turında mäğlümät bar. Eçke eşlär ministrlığı bu törkemnär belän alarnıñ ğäyeben raslawçı dälillär tuplaw öçen berniçä ay buyı eşläde. Xäzer bezdä alarnı xökemgä tartu öçen citärlek dälillär bar" dide.
Giorgadzenıñ qayda buluı xäzer bilgesez. Ul 1995-nçe yılda ul çaqtağı parlament räise Eduard Şevardnadze maşinasın şartlatuda ğäyeplängännän soñ ildän qaçıp kitte. Häm qaçqan cirennän ul üzenä qarata ğäyeplärlärne Gruziä xakimiätläreneñ töşä barğan däräcäsen kütärü maqsatındağı säyäsi ğäyeplärlär dip atadı.
56 yäşlek Giorgadze üz karyerasın sovet çorı KGBsında yasağan. Soñğı 10 yılda ul başqa Şevardnadzenı annan soñ xäzerge prezident Mixail Saakaşvilinı ğäyepläwlär belän Rusiä mäğlümät çaralarına küpsanlı interviewlar birep kilde. Saakaşvili Gruziädä opppozitsiäne faşizmğa oxşaş saakaşizm belän ezärlekli dide Giorgadze.
Gruziädä, bigräk tä ilneñ könbatışında üzeneñ kiñ yaqlawğa iä buluı turında täqrarlasa da soñğı yıllarda prezident häm parlament saylawlarında ul Gruziädä daimi yäşämäwen raslamawı säbäple namzät bulıp terkälä almadı.
Ämma Rusiädä ütkärelgän ber fiker beleşügä qarağanda Rusiä xalqı anı çınnan da köçle säyäsätçe dip isäpli. Fiker belderüçelärneñ 40-lap protsentı anıñ Saakaşvili urınına kilü mömkinlegenä ışanuların beldergän.
Saakaşvili isä çärşämbe könne Polşada iqtisadıy forumda bu turıda şaqtıy tınıç belderü yasadı.
"Bu qulğa alınğannar närsägä layıq bulsalar, andıylarğa qanun ni quşsa şul bulaçaq. Bu bik yaxşı. Alarnı yaqlağannar, finans yardäme kürsätkännär, alarğa ömet bağlağannar da monı küräçäk. Ägär dä alarnı yaqlağannar alarğa ömet bağlağan bulsalar bu qulğa alular tağın da yaxşıraq, bu kiläçägebezgä inde qurqınıç yanamıy digänne añlata" dide Saakaşvili.
Rusiä xakimiätläreneñ Giorgadzenı tota almawı, yäki totarğa telämäwe, Rusiä mäğlümät çaraları aşa anıñ çığışların tuqtatmawı säbäple Gruziä xökümätläre Mäskäwdä KGBdan qalğan dusları aña astırtın yardäm itep kilä dip täqrarlıy.
Naif Aqmal, Praga.
Eçke eşlär ministrı Vano Merabişvili Tiflistä xäbärçelärgä "Bezdä bu keşelärneñ, bu törkemnärneñ Gruziädä Giorgadzenı xakimiätkä kiterü öçen xökümätne bärep töşerergä cıyınğanlığı turında mäğlümät bar. Eçke eşlär ministrlığı bu törkemnär belän alarnıñ ğäyeben raslawçı dälillär tuplaw öçen berniçä ay buyı eşläde. Xäzer bezdä alarnı xökemgä tartu öçen citärlek dälillär bar" dide.
Giorgadzenıñ qayda buluı xäzer bilgesez. Ul 1995-nçe yılda ul çaqtağı parlament räise Eduard Şevardnadze maşinasın şartlatuda ğäyeplängännän soñ ildän qaçıp kitte. Häm qaçqan cirennän ul üzenä qarata ğäyeplärlärne Gruziä xakimiätläreneñ töşä barğan däräcäsen kütärü maqsatındağı säyäsi ğäyeplärlär dip atadı.
56 yäşlek Giorgadze üz karyerasın sovet çorı KGBsında yasağan. Soñğı 10 yılda ul başqa Şevardnadzenı annan soñ xäzerge prezident Mixail Saakaşvilinı ğäyepläwlär belän Rusiä mäğlümät çaralarına küpsanlı interviewlar birep kilde. Saakaşvili Gruziädä opppozitsiäne faşizmğa oxşaş saakaşizm belän ezärlekli dide Giorgadze.
Gruziädä, bigräk tä ilneñ könbatışında üzeneñ kiñ yaqlawğa iä buluı turında täqrarlasa da soñğı yıllarda prezident häm parlament saylawlarında ul Gruziädä daimi yäşämäwen raslamawı säbäple namzät bulıp terkälä almadı.
Ämma Rusiädä ütkärelgän ber fiker beleşügä qarağanda Rusiä xalqı anı çınnan da köçle säyäsätçe dip isäpli. Fiker belderüçelärneñ 40-lap protsentı anıñ Saakaşvili urınına kilü mömkinlegenä ışanuların beldergän.
Saakaşvili isä çärşämbe könne Polşada iqtisadıy forumda bu turıda şaqtıy tınıç belderü yasadı.
"Bu qulğa alınğannar närsägä layıq bulsalar, andıylarğa qanun ni quşsa şul bulaçaq. Bu bik yaxşı. Alarnı yaqlağannar, finans yardäme kürsätkännär, alarğa ömet bağlağannar da monı küräçäk. Ägär dä alarnı yaqlağannar alarğa ömet bağlağan bulsalar bu qulğa alular tağın da yaxşıraq, bu kiläçägebezgä inde qurqınıç yanamıy digänne añlata" dide Saakaşvili.
Rusiä xakimiätläreneñ Giorgadzenı tota almawı, yäki totarğa telämäwe, Rusiä mäğlümät çaraları aşa anıñ çığışların tuqtatmawı säbäple Gruziä xökümätläre Mäskäwdä KGBdan qalğan dusları aña astırtın yardäm itep kilä dip täqrarlıy.
Naif Aqmal, Praga.