Yaña partiäneñ iseme Spravedlivaya Rossia Rodina, Pensionerlar, Tormış. Bu quşılu inde berniçä ay buyı äzerlänep kilde. Oyıştıru qorıltayı uzğan şimbä könne Mäskäwdä ütte.
Qorıltay wäkilläre Tormış firqäse citäkçese, Federatsiä Şurası räise Sergey Mironovnı yaña firqäneñ citäkçese itep sayladı.
Mironov bu partiäne yaña sulçı säyäsi köç, ildä säyäsi monopoliä urnaştırırğa tırışuçı Berdäm Rusiägä qarşı qatı oppozitsiä dip atadı.
Däwlät Dumasındağı 450 urınnıñ 300-e xäzer Berdäm Rusiä qulında.
Ğädel Rusiä kiläse yıl axırında ütäçäk Däwlät Duması saylawlarında Dumağa ütep kerergä teli. Ämma küp kenä küzätüçelär bu yaña partiä sulçı säyäsi köçlärgä köndäş bularaq Kremlneñ çirattağı ber proyektı ğına dip isäpli.
Mäskäwdäge Panorama analitik üzägen citäkläwçe Vladimir Pribılovski "Bu partiäne urta-sul saylawçılarnı üzlärenä cälep itü öçen prezident idaräse oyıştırğan. Berdäm Rusiä Putin yaqlı uñ partiä, Ğädel Rusiä Putin yaqlı sul partiä. Bergäläp alar Däwlät Duması saylawlarında tawışlarnıñ yartıdan artığın yäki öçtän ikesen cıyarğa tieş. Maqsatları şul" dide.
Şunısı qızıq, xätta Mironov üze dä yaña partiä Berdäm Rusiägä qarşı eşliäçäk, ämma prezident Vladimir Putinnı yaqlıyaçaq dip belderde.
Mironov Putinnıñ tuğrı berektäşe häm anıñ Tormış partiäse dä Kreml fatixasına layıq buldı.
Pensionerlar firqäsen dä Putinğa tuğrı İgor Zotov citäkli.
Rodinağa kilgändä isä, küp kenä säyäsi küzätüçelär bu millätçe partiä Komunistlardan tawışlarnıñ ber öleşen alu öçen 2003 yılda Kreml qatnaşlığında tözelgän dilär.
Şuña kürä bu yaña berlek oppozitsiäne köçäytüne tügel, kiresençä, başqa sulçı firqälärneñ tawışların üzenä cıyıp köçsezländerüne genä maqsat itmime digän şik tua.
Mäskäwdäge Carnegie Üzägendäge säyäsi küzätüçe Nikolay Petrov bu çınnan da şulay bula ala di.
"Äyye, şulay bula ala dip isäplim. Yäki hiçyuğı alar başqa sul firqälärne radikalraq bulırğa, xakimiätlärgä qarşı qatıraq pozitsiä alırğa mäcbür itäçäk. Xätta Rodina belän Pensionerlar firqäläre ayırım proyekt bularaq eşlägändä dä Komunistlardan häm başqa sul köçlärdän küp kenä tawışlarnı üzlärenä ala idelär" di Petrov.
Ber atna elek Samardağı şähär başlığı saylawlarında Tormış Partiäse Berdäm Rusiäne ciñde. Häm bu ciñü Ğädel Rusiäneñ saylawlarda uñışqa ireşü mömkinlege zur digän işarä bularaq qabul itelde.
Şulay da, Petrov äytüençä, citäkçelektä Mironovnıñ buluı yaña partiäneñ töbäklärdäge bülekçälärendä köçle qarşılıqqa säbäp bula ala.
"Bu proyekt älegä tulısınça tormışqa aşırıludan yıraq. Häm inde kilep çıqqan, kiläçäktä tağın da köçäyäçäk töp problema töbäklärdä 3 bik tä törle partiäneñ berläşüe. Berläşü öçen federal däräcädä töp partiä bularaq alarnıñ iñ köçseze, tormış firqäse alınğanğa kürä töbäklärdäge küp kenä bülekçälärdä Rusiä tormış firqäseneñ citäkçelek omtılışı rizasızlıq tudıraçaq häm qarşılıqlar qotılğısız bulaçaq" di Petrov.
Piterburda Rodina firqäse äğzalarınıñ zur ğına öleşe Ğädel Rusiägä inde qarşı çıqtı.
Naif Aqmal, Praga.
Qorıltay wäkilläre Tormış firqäse citäkçese, Federatsiä Şurası räise Sergey Mironovnı yaña firqäneñ citäkçese itep sayladı.
Mironov bu partiäne yaña sulçı säyäsi köç, ildä säyäsi monopoliä urnaştırırğa tırışuçı Berdäm Rusiägä qarşı qatı oppozitsiä dip atadı.
Däwlät Dumasındağı 450 urınnıñ 300-e xäzer Berdäm Rusiä qulında.
Ğädel Rusiä kiläse yıl axırında ütäçäk Däwlät Duması saylawlarında Dumağa ütep kerergä teli. Ämma küp kenä küzätüçelär bu yaña partiä sulçı säyäsi köçlärgä köndäş bularaq Kremlneñ çirattağı ber proyektı ğına dip isäpli.
Mäskäwdäge Panorama analitik üzägen citäkläwçe Vladimir Pribılovski "Bu partiäne urta-sul saylawçılarnı üzlärenä cälep itü öçen prezident idaräse oyıştırğan. Berdäm Rusiä Putin yaqlı uñ partiä, Ğädel Rusiä Putin yaqlı sul partiä. Bergäläp alar Däwlät Duması saylawlarında tawışlarnıñ yartıdan artığın yäki öçtän ikesen cıyarğa tieş. Maqsatları şul" dide.
Şunısı qızıq, xätta Mironov üze dä yaña partiä Berdäm Rusiägä qarşı eşliäçäk, ämma prezident Vladimir Putinnı yaqlıyaçaq dip belderde.
Mironov Putinnıñ tuğrı berektäşe häm anıñ Tormış partiäse dä Kreml fatixasına layıq buldı.
Pensionerlar firqäsen dä Putinğa tuğrı İgor Zotov citäkli.
Rodinağa kilgändä isä, küp kenä säyäsi küzätüçelär bu millätçe partiä Komunistlardan tawışlarnıñ ber öleşen alu öçen 2003 yılda Kreml qatnaşlığında tözelgän dilär.
Şuña kürä bu yaña berlek oppozitsiäne köçäytüne tügel, kiresençä, başqa sulçı firqälärneñ tawışların üzenä cıyıp köçsezländerüne genä maqsat itmime digän şik tua.
Mäskäwdäge Carnegie Üzägendäge säyäsi küzätüçe Nikolay Petrov bu çınnan da şulay bula ala di.
"Äyye, şulay bula ala dip isäplim. Yäki hiçyuğı alar başqa sul firqälärne radikalraq bulırğa, xakimiätlärgä qarşı qatıraq pozitsiä alırğa mäcbür itäçäk. Xätta Rodina belän Pensionerlar firqäläre ayırım proyekt bularaq eşlägändä dä Komunistlardan häm başqa sul köçlärdän küp kenä tawışlarnı üzlärenä ala idelär" di Petrov.
Ber atna elek Samardağı şähär başlığı saylawlarında Tormış Partiäse Berdäm Rusiäne ciñde. Häm bu ciñü Ğädel Rusiäneñ saylawlarda uñışqa ireşü mömkinlege zur digän işarä bularaq qabul itelde.
Şulay da, Petrov äytüençä, citäkçelektä Mironovnıñ buluı yaña partiäneñ töbäklärdäge bülekçälärendä köçle qarşılıqqa säbäp bula ala.
"Bu proyekt älegä tulısınça tormışqa aşırıludan yıraq. Häm inde kilep çıqqan, kiläçäktä tağın da köçäyäçäk töp problema töbäklärdä 3 bik tä törle partiäneñ berläşüe. Berläşü öçen federal däräcädä töp partiä bularaq alarnıñ iñ köçseze, tormış firqäse alınğanğa kürä töbäklärdäge küp kenä bülekçälärdä Rusiä tormış firqäseneñ citäkçelek omtılışı rizasızlıq tudıraçaq häm qarşılıqlar qotılğısız bulaçaq" di Petrov.
Piterburda Rodina firqäse äğzalarınıñ zur ğına öleşe Ğädel Rusiägä inde qarşı çıqtı.
Naif Aqmal, Praga.