Pänceşämbe könge üzgäreşlärneñ iñ möhime saqlanu ministrı Ivanovnı berençe vitse premyer itep kütärü buldı.
"Min Sergey Ivanovnıñ Rusiä Federatsiäse xökümätendä cawaplılığın arttıru turında färman imzaladım. Aña saqlanu sänäğäte kompleksınnan tış iqtisadnıñ qayber sivil tarmaqların da koordinatsiäläw yöklänä. Anıñ däräcäse dä Rusiä xökümäte räiseneñ berençe urınbasarınıqa kütärelä" dide Putin.
Şunıñ belän Ivanov Medvedev däräcäsenä kütärelde. Kiñ taralğan imeş-mimeşlärgä qarağanda 2008 yılda ütäçäk prezident saylawlarında namzät bularaq qatnaşu öçen alar ber-berseneñ töp köndäşläre dä bulıp tora.
Küp kenä rusiälelär prezident alarnıñ bersen saylawlarğa üz warisı itep çığarır dip kötä. Xökümät qaramağındağı televidenielär xäzergä xäbärlärdä alarnıñ ikesen dä bik yış kürsätä. Alarnıñ yä awıl xucalığı, yä sänäğät qorılmaların qarap yörüe yä tup turı televidenie kameralarına qarap belderülär yasawı kürsätelä.
Ämma Mäskäw Kremleneñ eşen küzätüçelär Ivanov belän Medvedevnıñ däräcälären tigezläw Putinnıñ älegä ber yaqqa da qararı bulmawın kürsätä dilär.
Novaya Gazetanıñ säyäsi küzätüçese Sergey Mulin bu üzgäreş alarnıñ ikesen dä prezidentlıq yarışında bertigez däräcägä quydı di.
"Bu prezidentnıñ uzğan matbuğat oçraşuında äytkänenä tulısınça turı kilä. Ul ilebezne ike namzätneñ bersen irekle saylaw kötä digän ide. Ämma ul nazmätlärneñ ikeseneñ dä Kremlneke bulaçağın äytmäde" dide Mulin.
Rusiä konstitutsiäse Putinğa öçençe möddätkä xakimiättä qalu mömkinlege birmi. Häm ul saylawlar yaqınlaşqaç qaysı da bulsa namzätne yaqlıyaçağın äytte. Putinnıñ ildä abruyı zur buluın häm kiñküläm mäğlümät caralarınıñ Kreml qulında buluın isäpkä alğanda, Putin kemgä törtep kürsätsä saylawlarda şul ciñär dip kötärgä kiräk.
Ivanovnı Saqlanu ministrlığınnan alu belän ul ğäskärdäge küp kenä citeşsezleklärgä bäyle ğäyepläwlärdän dä citläşterelä.
Xärbi küzätüçe Aleksandr Golts Ivanovnı saqlanu ministrlığınnan alu Ivanovqa yaña mömkinlek birä di.
"Minemçä bu Ivanovqa yaña mömkinlek birä. Çönki saqlanu ministrı wazıyfasında ällä ni abruy qazanıp bulmawı açıqlandı. Bezneñ armiäneñ xäzerge xälendä Sergey Ivanovnıñ da öleşe bar. Şuña kürä bu şartlarda anıñ abruy qazanuına ömetlänü bik qıyın. Şuña kürä şundıy säyer qarar çığarıldı" dide Golts.
Comğa könne Rusiä matbuğatında Putinnıñ bu kötelmägän üzgäreşenä ällä ni ğäcäplänü kürenmäde.
Rossiyskaya Gazeta Putin warisı bulu öçen köräşneñ berençe öleşe başlandı dip yazıp çıqtı.
Izvestiä gazetı isä Şunıñ belän Putinnıñ 2008 yıl problemasına cawabı añlaşıla başladı. Prezident wazıyfasına warisnı bilgeläw bulmıyaçaq. Saylawçılar çın-çınlap ber-bersenä tiñ namzätlärneñ bersen saylarğa tieş bulaçaq dip yaza.
Ivanov belän Medevedev ikese dä Kreml keşeläre bulsa da ber-bersennän şaqtıy ayırıla. Ivanov Putin kebek ük 54 yäştä. Ul Putinnıñ KGBdağı elekke xezmättäşe. 41 yäşlek Medvedev elekke yurist häm uqıtuçı. Xökümättä ul küp kenä sotsial tärräqiät programmaların citäkli.
Saylaw aldı köräşe räsmi räweştä bu yıl axırında başlana.
Naif Aqmal.
"Min Sergey Ivanovnıñ Rusiä Federatsiäse xökümätendä cawaplılığın arttıru turında färman imzaladım. Aña saqlanu sänäğäte kompleksınnan tış iqtisadnıñ qayber sivil tarmaqların da koordinatsiäläw yöklänä. Anıñ däräcäse dä Rusiä xökümäte räiseneñ berençe urınbasarınıqa kütärelä" dide Putin.
Şunıñ belän Ivanov Medvedev däräcäsenä kütärelde. Kiñ taralğan imeş-mimeşlärgä qarağanda 2008 yılda ütäçäk prezident saylawlarında namzät bularaq qatnaşu öçen alar ber-berseneñ töp köndäşläre dä bulıp tora.
Küp kenä rusiälelär prezident alarnıñ bersen saylawlarğa üz warisı itep çığarır dip kötä. Xökümät qaramağındağı televidenielär xäzergä xäbärlärdä alarnıñ ikesen dä bik yış kürsätä. Alarnıñ yä awıl xucalığı, yä sänäğät qorılmaların qarap yörüe yä tup turı televidenie kameralarına qarap belderülär yasawı kürsätelä.
Ämma Mäskäw Kremleneñ eşen küzätüçelär Ivanov belän Medvedevnıñ däräcälären tigezläw Putinnıñ älegä ber yaqqa da qararı bulmawın kürsätä dilär.
Novaya Gazetanıñ säyäsi küzätüçese Sergey Mulin bu üzgäreş alarnıñ ikesen dä prezidentlıq yarışında bertigez däräcägä quydı di.
"Bu prezidentnıñ uzğan matbuğat oçraşuında äytkänenä tulısınça turı kilä. Ul ilebezne ike namzätneñ bersen irekle saylaw kötä digän ide. Ämma ul nazmätlärneñ ikeseneñ dä Kremlneke bulaçağın äytmäde" dide Mulin.
Rusiä konstitutsiäse Putinğa öçençe möddätkä xakimiättä qalu mömkinlege birmi. Häm ul saylawlar yaqınlaşqaç qaysı da bulsa namzätne yaqlıyaçağın äytte. Putinnıñ ildä abruyı zur buluın häm kiñküläm mäğlümät caralarınıñ Kreml qulında buluın isäpkä alğanda, Putin kemgä törtep kürsätsä saylawlarda şul ciñär dip kötärgä kiräk.
Ivanovnı Saqlanu ministrlığınnan alu belän ul ğäskärdäge küp kenä citeşsezleklärgä bäyle ğäyepläwlärdän dä citläşterelä.
Xärbi küzätüçe Aleksandr Golts Ivanovnı saqlanu ministrlığınnan alu Ivanovqa yaña mömkinlek birä di.
"Minemçä bu Ivanovqa yaña mömkinlek birä. Çönki saqlanu ministrı wazıyfasında ällä ni abruy qazanıp bulmawı açıqlandı. Bezneñ armiäneñ xäzerge xälendä Sergey Ivanovnıñ da öleşe bar. Şuña kürä bu şartlarda anıñ abruy qazanuına ömetlänü bik qıyın. Şuña kürä şundıy säyer qarar çığarıldı" dide Golts.
Comğa könne Rusiä matbuğatında Putinnıñ bu kötelmägän üzgäreşenä ällä ni ğäcäplänü kürenmäde.
Rossiyskaya Gazeta Putin warisı bulu öçen köräşneñ berençe öleşe başlandı dip yazıp çıqtı.
Izvestiä gazetı isä Şunıñ belän Putinnıñ 2008 yıl problemasına cawabı añlaşıla başladı. Prezident wazıyfasına warisnı bilgeläw bulmıyaçaq. Saylawçılar çın-çınlap ber-bersenä tiñ namzätlärneñ bersen saylarğa tieş bulaçaq dip yaza.
Ivanov belän Medevedev ikese dä Kreml keşeläre bulsa da ber-bersennän şaqtıy ayırıla. Ivanov Putin kebek ük 54 yäştä. Ul Putinnıñ KGBdağı elekke xezmättäşe. 41 yäşlek Medvedev elekke yurist häm uqıtuçı. Xökümättä ul küp kenä sotsial tärräqiät programmaların citäkli.
Saylaw aldı köräşe räsmi räweştä bu yıl axırında başlana.
Naif Aqmal.