Şulay itep Grek ğalimnäre borınğı dönyanıñ 7 Moğcizasın iğlan itkännän soñ 2 meñ çaması yıl ütkän şwetsariäle maçaraçı Bernard Weber citäkçelegendäge waqıf bügenge dönyanıñ 7 Moğcizasın iğlan itte.
Tawış birü internetta, şulay uq kesä telefonnarı aşa sms cibärü yulı belän ütkärelde. Oyıştıruçılar äytüençä, anda 100 millionnan artıq keşe qatnaşqan. Häm alar monı berençe dönyaküläm demokratik saylawlar dip tä atadı.
Tawış birü näticäläre Portugaliä başqalası Lisabonda zur tantana oyıştırıp iğlan itelde. Şimbä könne ütkän bu çarada elekke astronawt Neil Armstrong, America cırçısı häm kinoakter Jennifer Lopez ta qatnaştı.
Ämma Berläşkän Millätlär Oyışması belgeçläre zur şaw-şu çığarğan bu tawış birüne häm anıñ näticälären tänqit itte.
BMOnıñ mädäniät bülege UNESCO äle yün ayında uq yaña 7 Moğciza isemlege xosusıy isemlek kenä bulıp qalaçaq, saylanğan urınnarnı maxsus saqlaw öçen säbäp bula almıyaçaq dip belderde.
Oyıştıruçılar isä cimerelü qurqınıç astında bulğan ul häykällärneñ danın nığraq tanıtu alarnı saqlawğa yardäm itär di.
Alar şulay uq waqıfqa törle yullar belän cıyılğan aqçanıñ yartısın 2001 yılda Äfğänstanda Taliban tarafınnan cimerelgän Bamyan Budda sınnarı kebek häykällärne torğızu eşenä totaçaqların belderde.
Dönyanıñ yaña cide moğcizası 20 namzättän saylap alındı. Ul 20 häykäl isemlege isä iñ başta täqdim itelgän 77 arasınnan saylap alınğan ide.
20 namzät arasında Afindağı Akropolis häm Parijdağı Eyfel Manarası da bar ide.
Kolozeum isä Yewropadan dönyanıñ yaña 7 Moğcizası arasına kergän berdänber häykäl buldı.
3 moğciza Latin Amerikasınnan. Alar - Meksikadağı borınğı mayalar piramidası Çiçen Itza, Rio de Janeiroğa östän qarap toruçı zur Ğaysä sını häm Perudağı borınğı inklar şähäre qaldıqları Maçu Piku. Ul illärdä yäşäwçe xalıqlar şul häykällärneñ yaña moğciza dip iğlan itelüe uñayınnan zur bäyräm yasadı.
Ürdündä dä 2 meñ yıl çaması elek taş qıyanı çoqıp yasalğan Petra sarayınıñ moğcizalar rätenä kerüe bäyrämgä säbäp buldı.
Tac Mahalda isä bäyräm uñayınnan keşelärgä tatlılar taratıldı häm Şah Cähän üzeneñ xatınına bağışlap saldırtqan şul qorılma yanında hawağa utlar atıldı.
Xäbärlärgä qarağanda, Böyek Qıtay Diwarınıñ bu isemlekkä kerüen Qıtay xalqı tınıçraq qabul itkän. Şulay da qayber qıtaylılar moña şatlanuların belderde.
"Berençedän qıtaylı bularaq min bik dulqınlandım. Böyek diwar inde elek tä tarixi dönya moğcizası bulıp sanala ide. Xäzer isä monı böten dönya tanıy. Häm bu yulı Böyek Diwar iñ berençe bulıp kilä. Şuña kürä härber qıtaylı anıñ belän bik nıq ğorurlanırğa tieş" dide ber qıtaylı.
Oyıştıruçılar bu tawış birü şulay uq Yewropa belän Yaqın Könçığıştan cittäge cämğiätlärneñ dä qazanışların tanu mömkinlege birde dide.
Naif Aqmal
Tawış birü internetta, şulay uq kesä telefonnarı aşa sms cibärü yulı belän ütkärelde. Oyıştıruçılar äytüençä, anda 100 millionnan artıq keşe qatnaşqan. Häm alar monı berençe dönyaküläm demokratik saylawlar dip tä atadı.
Tawış birü näticäläre Portugaliä başqalası Lisabonda zur tantana oyıştırıp iğlan itelde. Şimbä könne ütkän bu çarada elekke astronawt Neil Armstrong, America cırçısı häm kinoakter Jennifer Lopez ta qatnaştı.
Ämma Berläşkän Millätlär Oyışması belgeçläre zur şaw-şu çığarğan bu tawış birüne häm anıñ näticälären tänqit itte.
BMOnıñ mädäniät bülege UNESCO äle yün ayında uq yaña 7 Moğciza isemlege xosusıy isemlek kenä bulıp qalaçaq, saylanğan urınnarnı maxsus saqlaw öçen säbäp bula almıyaçaq dip belderde.
Oyıştıruçılar isä cimerelü qurqınıç astında bulğan ul häykällärneñ danın nığraq tanıtu alarnı saqlawğa yardäm itär di.
Alar şulay uq waqıfqa törle yullar belän cıyılğan aqçanıñ yartısın 2001 yılda Äfğänstanda Taliban tarafınnan cimerelgän Bamyan Budda sınnarı kebek häykällärne torğızu eşenä totaçaqların belderde.
Dönyanıñ yaña cide moğcizası 20 namzättän saylap alındı. Ul 20 häykäl isemlege isä iñ başta täqdim itelgän 77 arasınnan saylap alınğan ide.
20 namzät arasında Afindağı Akropolis häm Parijdağı Eyfel Manarası da bar ide.
Kolozeum isä Yewropadan dönyanıñ yaña 7 Moğcizası arasına kergän berdänber häykäl buldı.
3 moğciza Latin Amerikasınnan. Alar - Meksikadağı borınğı mayalar piramidası Çiçen Itza, Rio de Janeiroğa östän qarap toruçı zur Ğaysä sını häm Perudağı borınğı inklar şähäre qaldıqları Maçu Piku. Ul illärdä yäşäwçe xalıqlar şul häykällärneñ yaña moğciza dip iğlan itelüe uñayınnan zur bäyräm yasadı.
Ürdündä dä 2 meñ yıl çaması elek taş qıyanı çoqıp yasalğan Petra sarayınıñ moğcizalar rätenä kerüe bäyrämgä säbäp buldı.
Tac Mahalda isä bäyräm uñayınnan keşelärgä tatlılar taratıldı häm Şah Cähän üzeneñ xatınına bağışlap saldırtqan şul qorılma yanında hawağa utlar atıldı.
Xäbärlärgä qarağanda, Böyek Qıtay Diwarınıñ bu isemlekkä kerüen Qıtay xalqı tınıçraq qabul itkän. Şulay da qayber qıtaylılar moña şatlanuların belderde.
"Berençedän qıtaylı bularaq min bik dulqınlandım. Böyek diwar inde elek tä tarixi dönya moğcizası bulıp sanala ide. Xäzer isä monı böten dönya tanıy. Häm bu yulı Böyek Diwar iñ berençe bulıp kilä. Şuña kürä härber qıtaylı anıñ belän bik nıq ğorurlanırğa tieş" dide ber qıtaylı.
Oyıştıruçılar bu tawış birü şulay uq Yewropa belän Yaqın Könçığıştan cittäge cämğiätlärneñ dä qazanışların tanu mömkinlege birde dide.
Naif Aqmal