Ğıyraq premyer ministrı Nuri äl-Mälikineñ sammit aldındağı çığışı ildäge törle törkemnär häm mäzhäblär arasındağı nizağlar tiränäyä barğan, zur säyäsi krizis çorına turı kilä.
Ğıyraq parlamentı äğzası, Kördstan berektäşlege wäkile Mäxmüt Otman Irekle Ğıyraq radiosına Mälikineñ çaqıruın xuplawı turında belderep xökümät häm parlament tieşençä eşlämi dide.
"Minemçä, Ğıyraq säyäsi citäkçeläreneñ oçraşuı bik tä möhim. Çönki baqşa oyışmalar, xätta parlament häm xökümät tä qarar itä almağan mäsälälär turında säyäsi citäkçelär qarar itä ala. Çönki Ğıyraqta säyäsi citäkçelär parlament belän xökümättän yuğarıraq tora" dide Otman.
Mäliki xökümätendäge ministrlarnıñ yartısı inde xökümät utırışlarında qatnaşmıy.
Sönnilärneñ Ğıyraq Tatulıq Frontı dip atalğan töp säyäsi törkeme uzğan ayda xökümätne sönnilär mänfäğätlären qayğırtmawda ğäyepläp andağı 6 ministrınıñ eşçänlekne tuqtatuın iğlan itte.
Ber atna elek kenä isä elekke premyer ministr Iyad Ğälläwi citäkçelgendäge Ğiraqia dönyawi berektäşlegenä qarağan tağın 5 ministr xökümät utırışlarında qatnaşunı tuqtattı.
Yäkşämbe könne äl-Mälikineñ sammitqa çaqıruı Ğiraq säyäsi dairälärendäge säyäsi krisiznı ällä ni çağıldırmağan ide.
"Bez awırlıqlar tudıruçı bu säyäsi problemalarğa çişeleş ezlärgä tieşbez. Min ildäge töp säyäsi citäkçelärne ildäge säyäsi tärräqiätneñ töp mäsäläläre turında söyläşügä çaqırdım. Berençe oçraşu düşämbe yä sişämbe könne bulırğa mömkin. Anda qatnaşuçı firqälär iñ berençe çiratta säyäsi tärräqiät, xökümät aldındağı möhim strategik problemalar häm ilne tözekländerü turında söyläşäçäk. Annan soñ bez xökümätneñ kön üzägenä quyu turında kileşengäm närsälärne tormışqa aşıruğa bäyle mäsälälärne qarıyaçaqbız" dide Mäliki.
Ämma şul uq könne Ğiraqtağı iñ yuğarı sönni säyäsätçe Adnan äd-Dulayminıñ Associated Press xäbär agentlığına awır xislär belderep yazğan elektron xatı krisiznıñ ni däräcädä tirän buluın açıp saldı. Xatta äd-Dulaymi Ğıyraqta şığıy suğışçılar moñarçı kürelmägän genodsid kampaniäse alıp bara dip ğädäp illären anı tuqtatuda yardäm itärgä çaqıra.
Äd-Dulaymi farsılar Bağdadnı tulısınça üz qullarına alırğa tora häm tizdän alar töbäktäge sönni ğäräp illärenä qurqınıç tudıra başlıyaçaq di.
Äd-Dulaymi başqa ğädäp illären şığıy suğışçılarnı bastıru öçen äl-Mälikigä säyäsi häm äxlaqıy basım yasarğa çaqıra.
Ğıyraq xökümäten tarqatu belän yanağan närsä barı tik şığıylar belän sönnilär arasında tiränäyä barğan säyäi qarşılıq qına tügel.
Ilneñ könçığışında şığıylarnıñ üzara bäreleşläre dä köçäyä bara.
Uzğan şimbä könne äl-Qadisia wiläyäte başqalası äd-Diwaniäyä yanında wiläyät başlığı Xälil Cälil häm wiläyätneñ politsiä başlığı general mayor Xalid Xäsän maşinada barğanda yulğa quyılğan bomba şartlawdan hälak buldı.
Cälil şığıylarnıñ Badr Oyışmasına qarıy ide. Bu üterü Badr Oyışması belän ildäge töp şığıy din ähele Moqtada äs-Sadrğa qarawçı törkem arasındağı qarşılıq näticäse dip farazlana. Äs-Sadr süzçese isä monı kire qağa.
Naif Aqmal
Ğıyraq parlamentı äğzası, Kördstan berektäşlege wäkile Mäxmüt Otman Irekle Ğıyraq radiosına Mälikineñ çaqıruın xuplawı turında belderep xökümät häm parlament tieşençä eşlämi dide.
"Minemçä, Ğıyraq säyäsi citäkçeläreneñ oçraşuı bik tä möhim. Çönki baqşa oyışmalar, xätta parlament häm xökümät tä qarar itä almağan mäsälälär turında säyäsi citäkçelär qarar itä ala. Çönki Ğıyraqta säyäsi citäkçelär parlament belän xökümättän yuğarıraq tora" dide Otman.
Mäliki xökümätendäge ministrlarnıñ yartısı inde xökümät utırışlarında qatnaşmıy.
Sönnilärneñ Ğıyraq Tatulıq Frontı dip atalğan töp säyäsi törkeme uzğan ayda xökümätne sönnilär mänfäğätlären qayğırtmawda ğäyepläp andağı 6 ministrınıñ eşçänlekne tuqtatuın iğlan itte.
Ber atna elek kenä isä elekke premyer ministr Iyad Ğälläwi citäkçelgendäge Ğiraqia dönyawi berektäşlegenä qarağan tağın 5 ministr xökümät utırışlarında qatnaşunı tuqtattı.
Yäkşämbe könne äl-Mälikineñ sammitqa çaqıruı Ğiraq säyäsi dairälärendäge säyäsi krisiznı ällä ni çağıldırmağan ide.
"Bez awırlıqlar tudıruçı bu säyäsi problemalarğa çişeleş ezlärgä tieşbez. Min ildäge töp säyäsi citäkçelärne ildäge säyäsi tärräqiätneñ töp mäsäläläre turında söyläşügä çaqırdım. Berençe oçraşu düşämbe yä sişämbe könne bulırğa mömkin. Anda qatnaşuçı firqälär iñ berençe çiratta säyäsi tärräqiät, xökümät aldındağı möhim strategik problemalar häm ilne tözekländerü turında söyläşäçäk. Annan soñ bez xökümätneñ kön üzägenä quyu turında kileşengäm närsälärne tormışqa aşıruğa bäyle mäsälälärne qarıyaçaqbız" dide Mäliki.
Ämma şul uq könne Ğiraqtağı iñ yuğarı sönni säyäsätçe Adnan äd-Dulayminıñ Associated Press xäbär agentlığına awır xislär belderep yazğan elektron xatı krisiznıñ ni däräcädä tirän buluın açıp saldı. Xatta äd-Dulaymi Ğıyraqta şığıy suğışçılar moñarçı kürelmägän genodsid kampaniäse alıp bara dip ğädäp illären anı tuqtatuda yardäm itärgä çaqıra.
Äd-Dulaymi farsılar Bağdadnı tulısınça üz qullarına alırğa tora häm tizdän alar töbäktäge sönni ğäräp illärenä qurqınıç tudıra başlıyaçaq di.
Äd-Dulaymi başqa ğädäp illären şığıy suğışçılarnı bastıru öçen äl-Mälikigä säyäsi häm äxlaqıy basım yasarğa çaqıra.
Ğıyraq xökümäten tarqatu belän yanağan närsä barı tik şığıylar belän sönnilär arasında tiränäyä barğan säyäi qarşılıq qına tügel.
Ilneñ könçığışında şığıylarnıñ üzara bäreleşläre dä köçäyä bara.
Uzğan şimbä könne äl-Qadisia wiläyäte başqalası äd-Diwaniäyä yanında wiläyät başlığı Xälil Cälil häm wiläyätneñ politsiä başlığı general mayor Xalid Xäsän maşinada barğanda yulğa quyılğan bomba şartlawdan hälak buldı.
Cälil şığıylarnıñ Badr Oyışmasına qarıy ide. Bu üterü Badr Oyışması belän ildäge töp şığıy din ähele Moqtada äs-Sadrğa qarawçı törkem arasındağı qarşılıq näticäse dip farazlana. Äs-Sadr süzçese isä monı kire qağa.
Naif Aqmal