Möräcäğätkä Germaniadäge qırım tatarları yaqtaşlığı, tatar-başqort mädäni üzäge, “Bertuğan” tatar-başqort näşriätı, “Altabaş” tatar jurnalı, “Tatarlar Deutchland” cämğeyäte häm qırım tatarlarınıñ "Kiew-Berlin" üzäkläre qul quyğan.
Alarnıñ bu xatına yaqlaw belderüçelär arasında professorlar Nadir Devlet, Svetlana Çervonnaya, Yewropadağı milli azçılıqlarnı yaqlaw berlege, alman-qawqaz assosiasiase, Wienadağı Törkmänstan keşe xoquqları wäkile Färid Töxbatullin häm başqalar bar.
Germania tatarları üz xökümäteneñ Rusiägä “Yewropanıñ milli azçılıqlar telläre xartiasen” qabul itüe öçen basım yasawnı sorıy.
“Däwlät Duması Rusiä federasiasendä yäşäwçe millätlärneñ mädäniäten häm tellären saqlar öçen barlıq çaralarnı kürergä tiyeş. Rusiä 2001 yılda qul quyğan xartianeñ tellär turındağı maddäsen qabul itärgä tieş. Ğasırlardan kilgän küptelle häm küpmillätle möxit – Rusiägä genä xas borıñğı ğädät. Rusiä törle millätlärneñ qıytğaara duslıq üzäge bula alır ide”, dielgän xatta.
Qırım tatarları öçen tel häm cir
Qırımda 265 meñ qırım tatarına 14 milli mäktäp bar. Möräcäğätne qabul itüçelär qaraim, qırımçaq häm qırım tatarların Qırımnıñ töp xalıqları itep iğlan itergä, Qırımda qırımtatar telen ukrain häm rus telläre belän ber däräcädä räsmi tel itärgä çaqıra. Şulay uq Ukraina xakimiatläreneñ qırım tatarlarına toraq tözer öçen cir bülep birülären taläp itä.
Xatqa imza quyuçılar Ukraina häm Rusiädä millätlärneñ tuğan telläre häm watannarına xoquqları bulmasa – bu illärdä demokratia bula almıy, dip belderä.
Bu möräcäğät Germania parlamentı - Bundestagqa, kansler idaräsenä, Rusiä häm Ukrainanıñ Germaniadäge ilçeleklärenä häm Yewropa komissiasenä cibärelgän.
Alarnıñ bu xatına yaqlaw belderüçelär arasında professorlar Nadir Devlet, Svetlana Çervonnaya, Yewropadağı milli azçılıqlarnı yaqlaw berlege, alman-qawqaz assosiasiase, Wienadağı Törkmänstan keşe xoquqları wäkile Färid Töxbatullin häm başqalar bar.
Germania tatarları üz xökümäteneñ Rusiägä “Yewropanıñ milli azçılıqlar telläre xartiasen” qabul itüe öçen basım yasawnı sorıy.
“Däwlät Duması Rusiä federasiasendä yäşäwçe millätlärneñ mädäniäten häm tellären saqlar öçen barlıq çaralarnı kürergä tiyeş. Rusiä 2001 yılda qul quyğan xartianeñ tellär turındağı maddäsen qabul itärgä tieş. Ğasırlardan kilgän küptelle häm küpmillätle möxit – Rusiägä genä xas borıñğı ğädät. Rusiä törle millätlärneñ qıytğaara duslıq üzäge bula alır ide”, dielgän xatta.
Qırım tatarları öçen tel häm cir
Qırımda 265 meñ qırım tatarına 14 milli mäktäp bar. Möräcäğätne qabul itüçelär qaraim, qırımçaq häm qırım tatarların Qırımnıñ töp xalıqları itep iğlan itergä, Qırımda qırımtatar telen ukrain häm rus telläre belän ber däräcädä räsmi tel itärgä çaqıra. Şulay uq Ukraina xakimiatläreneñ qırım tatarlarına toraq tözer öçen cir bülep birülären taläp itä.
Xatqa imza quyuçılar Ukraina häm Rusiädä millätlärneñ tuğan telläre häm watannarına xoquqları bulmasa – bu illärdä demokratia bula almıy, dip belderä.
Bu möräcäğät Germania parlamentı - Bundestagqa, kansler idaräsenä, Rusiä häm Ukrainanıñ Germaniadäge ilçeleklärenä häm Yewropa komissiasenä cibärelgän.
