Химик матдәләр белән кешеләрне үтерүләр инде берничә йөз ел элек үк башланган. Соңгы йөз елда химик корал кешеләрне күпләп үтерү өчен кулланылып килә. Кайбер исәпләүләргә караганда, 1914 елда Беренче дөнья сугышы башланганнан бирле бүгенгә кадәр химик кораллардан миллион ярым кеше һәлак булган. Беренче дөнья сугышында хлорин, горчица газы, фосген кулланылган. Икенче дөнья сугышында һәм Вьетнам сугышында кешеләрне напалм белән күпләп үтергәннәр. Ипритны Беренче һәм Икенче дөнья сугышларында да, Иран-Гыйрак сугышында да кулланганнар. 1980-нче елларда Гыйрактагы Сәддам Хөсәин хакимияте көрдләргә каршы зарин газын кулланды. Сүриядәге ватандашлар сугышында да зарин белән 1400-ләп кеше үтерелде. 1925 елда Женева протоколында химик корал куллану кысаларын билгеләү омтылышы булган. 1992 елгы Химик корал турында конвенция химик корал куллануны гомумән тыйды. Әмма әле бу халыкара килешүгә кушылмаган күп кенә илләр кала бирә.
Химик корал белән күпләп үтерүләр инде йөз ел дәвам итә
1
Беренче дөнья сугышында Британия хәрбиләре химик коралны сыный
2
1916 елда, Беренче дөнья сугышында Британия хәрбиләренең футбол такымы Франциянең төньягында газ битлекләре кигән
3
Беренче дөнья сугышында алманнарның көнчыгыш фронтта химик корал куллануын Русия фотографы фотога төшереп алган
4
Британиянең 55-нче дивизиясе хәрбиләре Франциянең төньягында 1918 елның 10 апрелендәге бәрелеш вакытында алманнар тарафыннан газ һөҗүменә дучар булганнан соң Бетюн шәһәре янында медицина ярдәме көтә. Алман хәрбиләре Фландриягә һөҗүм вакытында химик корал кулланган
6
1972 елның 8 июнендә Көньяк Вьетнам очкычы ялгыш үз ягындагы җиргә напалм ташлаганнан соң тәннәре каты пешкән Вьетнам балалары
9
Сәддам Хөсәин хакимиятенең 1988 елда Гыйрак көрдләренә каршы химик корал һөҗүменә багышлап 2004 елда Гыйракта үткәрелгән күргәзмәдәге фотоларның берсе. Ул һөҗүмдә биш меңләп кеше һәлак булды
10
1988 елның 16 мартында Гыйракның Халабжа шәһәре янында химик корал белән үтерелгән көрдләр
11
1988 елның 16 мартында Халабджа шәһәрендә химик корал белән үтерелгән ике көрд баласы
12
Хошимин шәһәрендә химик корал белән агуланган гаиләдә 1988 елда гарип туган кыз бала
13
БМОның химик корал белгечләре 1992 елның 24 ноябрендә мең литр чамасы агулы газны юк итүгә әзерли
14
Кытайның химик корал белгечләре япон хәрбиләре Икенче дөнья сугышы ахырында калдырган химик коралларны казып ала
15
Сүриядәге гыйсъянчылар бу балалар 2013 елның 21 августында хөкүмәт көчләренең химик корал һөҗүме нәтиҗәсендә һәлак булды, дип белдерә
