17 майда онлайн тамашалар
Азатлык изоляция чорында өйдә утыручыларны бүген татар һәм башкорт телләрендә булачак кызыклы онлайн чаралар, тамашалар белән таныштыра.
Бүген Тинчурин исемендәге татар драма һәм комедия театры "Гөлшаян" спектаклен (17:00) күрсәтә.
Салават шәһәре башкорт драма театрының Нәҗип Әсанбаевның "Җиде кыз" спектаклен (17:00) карап була.
Казаннан Djinn City төркеме Stay At Home Festival халыкара фестивалендә катнаша. Коллектив татар музыкасы кулланып электрон музыка яза, җырларын гадәттә инглиз яки татар телләрендә башкара. Испаниядә яшәүче музыкантлар оештыра торган Stay At Home онлайн фестивалендә Djinn City чыгышын бүген (19:00) карап булачак.
Трансляция музыкаль төркемнең Instagram-дагы сәхифәсендә һәм фестивальнең социаль челтәрләрдәге сәхифәләрендә барачак.
Татар яшь тамашачы театры "Тылсым" проекты кысаларында татар әкиятләре укуын дәвам итә. Бүген театр артисткасы Фирүзә Зинәтуллина Галимҗан Гыйльмановның "Мактанчык әтәч үлеме" әкиятен укый.
Уфаның Мостай Кәрим исемендәге милли яшьләр театрының "Чыңгылдак чебен" әкиятен карап була.
Дагыстанда үпкә шешүеннән 40тан артык табиб үлгән
Дагыстан сәламәтлек саклау министры 17 майга республикада үпкә шешүеннән 650дән артык кеше, шул исәптән 40тан артык табиб үлгән дип хәбәр итте. Бу хакта Джамалудин Гаджиибрагимов блогер Руслан Курбановка сөйләгән.
Министр сүзләренчә, Дагыстанда үпкәләре шешеп әлеге вакытта 12 меңнән артык кеше авырый.
Коронавируска каршы көрәш оператив штабы мәгълүматларына караганда, республикада COVID-19 3 280 кешедә рәсмән расланган, 27 кеше үлгән. Ягъни коронавирустан үлгән кешеләрнең рәсми саннары үпкә ялкынсынуыннан үлгән табиблар саныннан да кимрәк.
Шул ук вакытта министр пневмония белән авыручыларга мөнәсәбәт коронавирус белән авыручыларга кебек дип белдерә.
17 майга коронавирус саннары
Дөньяда COVID-19 йоктыручылар саны 4 733 883 булды. Әлеге авыру 313 400 кешенең гомерен өзде. 1 818 018 кеше терелгән.
Русиядә коронавирус йоктыруның 9 709 яңа очрагы рәсмән теркәлгән дип хәбәр итә оператив штаб. Эпидемия башыннан илдә барлыгы 281 752 кешедә вирус ачыкланган. Үлүчеләр саны 2 6331 булды, узган тәүлектә 94 кеше үлгән.
Татарстанда узган тәүлектә COVID-19 йоктыруның 84 яңа очрагы рәсми теркәлгән. Йоктыручыларның иң күбе Казанда (60 кеше). Барлыгы Татарстанда 2 232 кешедә коронавирус рәсмән расланган, җиде кеше
Башкортстанда барлыгы 2 061 кешедә COVID-19 расланган. Соңгы тәүлектә тагын 98 кешедә ачыкланган. Башкортстанда үлүчеләр саны 17 булды.
16 майда онлайн тамашалар
Азатлык изоляция чорында өйдә утыручыларны бүген татар һәм башкорт телләрендә булачак кызыклы онлайн чаралар, тамашалар белән таныштыра.
Мәҗит Гафури исемендәге Башкорт драма театры Мостай Кәримнең "Ай тотылган төндә" спектаклен (16:00) күрсәтә.
Уфаның "Башкортстан" дәүләт концертлар залы "Этно- шоу Zainetdin" концертын (17:00) тәкъдим итә.
Кырымтатар сәнгате осталарының "Кырым стиле" дип аталган күргәзмәсен онлайн карап була.
Күргәзмә дүртенче ел уздырыла. Ул Кырым татарларының милли яңарышы көннәренә багышлана. Быелгы күргәзмә интернет форматында оештырылган. Авторларның яңа эшләре белән танышудан тыш, тамашачыларга алар турында мәгълүмат та тәкъдим ителә.
Камал театры "Хуҗа Насретдин", "41-нең арбалы хатыннары", "Искән җилләр көенә", "Минем исемем Кызыл" , "Өч сеңел" һәм "Баскетболист"
Арыслан Мөбәрәков исемендәге Сибай башкорт драма театрының "Үги кыз" әкиятен карап була.
Италия Европа берлеге өчен чикләрен ача
Шимбә иртәсенә яхшы хәбәр дә бар. Италия 3 июньнән Европа берлеге, Шенген зонасы һәм Монакодан сәяхәт итүчеләргә чикләрен ача. Әлеге илләрдән килүчеләргә карантин узасы булмаячак дип яза La Reppublica
Бу адым туризмны торгызу өчен эшләнә. Туризм өлкәсе Италия эчке җитештерү күләменең (ВВП) 14 процент тәшкил итә.
Италиянең тышкы чикләре кимендә 15 июньгә кадәр ябык булачак. Аннан соң Европа комиссиясе тышкы чикләрне ачу-ачмау турында сөйләшәчәк.
16 майга коронавирус саннары
Дөньяда COVID-19 йоктыручылар саны 4 641 938 булды. Соңгы тәүлектә 19 727 кешедә ачыкланган. Әлеге авыру 308 840 кешенең гомерен өзде. 1 769 384 кеше терелгән.
Русиядә коронавирус йоктыруның 9 200 яңа очрагы рәсмән теркәлгән дип хәбәр итә оператив штаб. Эпидемия башыннан илдә барлыгы 272 мең кешедә вирус ачыкланган. Үлүчеләр саны 2 537 булды, узган тәүлектә 119 кеше үлгән.
Татарстанда узган тәүлектә COVID-19 йоктыруның 84 яңа очрагы рәсми теркәлгән. Йоктыручыларның иң күбе Казанда (41 кеше) һәм Чаллыда (17). Барлыгы Татарстанда 2 148 кешедә коронавирус рәсмән расланган, җиде кеше
Башкортстанда барлыгы 1 963 кешедә COVID-19 расланган. Соңгы тәүлектә тагын 89 кешедә ачыкланган. Башкортстанда үлүчеләр саны 17 булды. Узган тәүлектә тагын бер кешенең үлеме турында хәбәр ителә, ләкин тулырак мәгълүмат әлегә юк.
15 майда онлайн тамашалар
Азатлык изоляция чорында өйдә утыручыларны бүген татар һәм башкорт телләрендә булачак кызыклы онлайн чаралар, тамашалар белән таныштыра.
Бүген Актаныш сәләтле балалар гимназиясе "Гомерлек бәхет, бәхетле гомер" дигән темага TED Circles очрашуы (15:00) уздыра. Очрашу вакытында яшьләр тормышның тулылыгы, анда бәхеттән дә әһәмиятлерәк нәрсәләрнең барлыгы турында фикер алышачак. "Без бәхет теләргә һәм бәхет дип хыялланырга күнеккән, әмма моннан да тирәнрәк төшенчәләр бар түгелме соң? Язучы Эмили Эсфаһани Смит фикеренчә, бәхет килә дә китә, әмма тормышыңда мәгънә булу – үзеңнән югарырак идеягә хезмәт итү яки үзеңне камилләштерү – яшәешеңә терәк бүләк итә" ди оештыручылар. Дискуссия алдыннан Эмили Эсфаһани Смит ясаган TED чыгышын карарга кирәк.
Катнашыр өчен теркәлү зарур.
Мостай Кәрим исемендәге башкорт драма театры "Күк белән җир арасында" спектаклен (16:00) күрсәтә.
Тинчурин исемендәге татар дәүләт драма һәм комедия театры "Шашкан бабай" спектаклен (17:00) тәкъдим итә.
Башкортстанның атказанган артисты Айгөл Сагынбаеваның Уфадагы "Башкортстан" дәүләт концертлар залында узган концертын (17:00) карап була.
Уфаның Мостай Кәрим исемендәге милли яшьләр театры "Башкирская пленница" (Мостай Кәримнең "Кыз урлау" әсәре нигезендә) спектаклен (17:00) күрсәтә.
Бүген Мәскәүдәге "Татар штабы" Instagram-да Петербур татар яшьләренең "Мирас" оешмасы белән сөйләшү (20:00) уздыра.
Уфа милли яшьләр театрының "Алтын балта" әкиятен карап була.
Әлмәт татар драма театры Илгиз Зәйниевның "Качаклар" спектаклен күрсәтә.
Татарстанда 84, Башкортстанда 90 яңа очрак теркәлде
Татарстанда узган тәүлектә коронавируслы авырулар саны 84 кешегә арткан. Яңа очракларның 10сы Апаста. 13 майда Апас районында 20 кешедә COVID-19 раслануы билгеле булган иде. Бу саннарны Русия коронавируска каршы көрәш оператив штабы китерә.
Республикада эпидемия башыннан 2064 кешедә COVID-19 ачыкланган. Татарстанда коронавирустан барлыгы җиде кеше үлгәне хәбәр ителгән иде, яңа үлемнәр турында әйтелми.
Башкортстанда узган тәүлектә тагын 90 кешедә COVID-19 рәсмән теркәлгән. Барлыгы 1874 очрак, 16 кеше коронавирустан үлгән, соңгы тәүлектә үлемнәр булуы хәбәр ителми.
Соңгы тәүлектә Русиядә коронавируслы авырулар саны 10 598 кешегә арткан, тагын 113 кеше үлгән. 15 майга Русиядә 262 843 кешедә COVID-19 расланган, 2418 кеше үлгән.