Putin premier, Medvedev prezident bulğaç, alarnıñ qaysısı il belän idarä iter, tışqı säyäsätne kem bilgelär, digän sorawlar küp buldı. Şuşı mäsälägä aqrınlap açıqlıq kerä başladı.
Xökümät citäkçese bularaq Putin Rusiäneñ 1.3 trillion dollar külämle iqtisadı öçen cawap birä. Şuşı atnada Alabuğada yaña maşina çığa başlaw tantanasına kilep ul ilneñ avtomobil citeşerü tarmağına qarağan kiñäşmä ütkärde.
Uzğan atna Qazaxstan belän Qıtayda bulıp qaytqan Medvedev Germaniägä kiläse ayda ğına cıyına. Putin Könbatışqa irtäräk kilde häm Fransiägä ike könlek säfäre waqıtında säyättän alıp keşe xoquqlarına qadär kiñ qolaçlı mäsälälärgä tuqtaldı.
"Rusiädä keşe xoquqları yuq digän qurqular - ul küpertü. Häm ğomümän, bu tema, minemçä, başqa maqsatlarğa ireşü öçen Rusiägä basım yasaw ısulı bulıp tora" dide Putin.
Putinnıñ prezidentlığı waqıtında Rusiädä irekleklär qısıluğa qarat küp tänqitlär äytelde. Atnakiç könne Parijda ütkän matbuğat oçraşuı waqıtında Putin bu tänqitlärne kire qaqtı. Keşe xoquqları belän bäyle problemnar här ildä bar, bu yaqtan Rusiä başqa illärdän ayırılmıy, dide ul.
Rusiäne başqalardan ayırğan äyber, ul da bulsa, zur külämdä yağulıq yatmaları. Yewropa Berlege gaznıñ çiregen Rusiädän ala. Yağulıq satu xisabına Rusiä yıl sayın millardlağan dollar aqça qazana.
Ber miçkäneñ bäyäse 200 dollarğa citergä mömkin digän farazlar sürätendä, neft bäyäse artuğa rizasızlıq belderüçelär dä bar. Putin, monısı bezneñ ğayep tügel dide.
"Neft bäyäsenä kilgändä, anı Rusiä bilgelämi. Anı bazar bilgeli, ä bazarğa küp närsä täesir itä – säyäsät, iqtisad, dollar däräcäse. Ägär bäyäne Rusiä bilgeläsä, bez sezneñ belän kileşer idek, qızğanıçqa ul alay tügel" dide Rusiä prezidentı.
Putinnıñ Fransiä premier-ministrı Fransua Fiyon belän söyläşülärendä energetika töp urın alıp tordı. Monnan tış Rusiäneñ Yewropa Berlege belän xezmättäşlek turında kileşü mäsäläse dä kütärelde. Bu söyläşülär iyün axırında başlanırğa tieş. 1 iyüldän Yewropa Berlegendä Fransiä räislek itä başlıy.
Uzğan atna Qazaxstan belän Qıtayda bulıp qaytqan Medvedev Germaniägä kiläse ayda ğına cıyına. Putin Könbatışqa irtäräk kilde häm Fransiägä ike könlek säfäre waqıtında säyättän alıp keşe xoquqlarına qadär kiñ qolaçlı mäsälälärgä tuqtaldı.
"Rusiädä keşe xoquqları yuq digän qurqular - ul küpertü. Häm ğomümän, bu tema, minemçä, başqa maqsatlarğa ireşü öçen Rusiägä basım yasaw ısulı bulıp tora" dide Putin.
Putinnıñ prezidentlığı waqıtında Rusiädä irekleklär qısıluğa qarat küp tänqitlär äytelde. Atnakiç könne Parijda ütkän matbuğat oçraşuı waqıtında Putin bu tänqitlärne kire qaqtı. Keşe xoquqları belän bäyle problemnar här ildä bar, bu yaqtan Rusiä başqa illärdän ayırılmıy, dide ul.
Rusiäne başqalardan ayırğan äyber, ul da bulsa, zur külämdä yağulıq yatmaları. Yewropa Berlege gaznıñ çiregen Rusiädän ala. Yağulıq satu xisabına Rusiä yıl sayın millardlağan dollar aqça qazana.
Ber miçkäneñ bäyäse 200 dollarğa citergä mömkin digän farazlar sürätendä, neft bäyäse artuğa rizasızlıq belderüçelär dä bar. Putin, monısı bezneñ ğayep tügel dide.
"Neft bäyäsenä kilgändä, anı Rusiä bilgelämi. Anı bazar bilgeli, ä bazarğa küp närsä täesir itä – säyäsät, iqtisad, dollar däräcäse. Ägär bäyäne Rusiä bilgeläsä, bez sezneñ belän kileşer idek, qızğanıçqa ul alay tügel" dide Rusiä prezidentı.
Putinnıñ Fransiä premier-ministrı Fransua Fiyon belän söyläşülärendä energetika töp urın alıp tordı. Monnan tış Rusiäneñ Yewropa Berlege belän xezmättäşlek turında kileşü mäsäläse dä kütärelde. Bu söyläşülär iyün axırında başlanırğa tieş. 1 iyüldän Yewropa Berlegendä Fransiä räislek itä başlıy.