АКШ дәүләт секретаре Кондолиза Райс, БМО Иминлек Шурасы утырышында чыгыш ясаганда, Иранны, Израильгә янаган өчен, хөкем итәргә чакырды. Бу янаулар Иран президенты Мәхмүт Әхмәдинеҗад тарафыннан, БМО Гомум җыенында яңгырады. Райс : “Иран халкы – бөек халык, мин бөтен иранлыларның Әхмәдинеҗад белән бер карашта торуына ышанмыйм. Әмма аларның президенты, башка бер дәүләт, БМО әгъзәсе җир йөзеннән юк ителергә тиеш дип белдерде, бу кабул ителмәслек хәл”, - диде.
