“Älege säfärem waqıtında min Rusiäneñ iñ bay töbäkläreneñ berse bulğan Tatarstanğa barıp, anıñ prezidentı Miñtimer Şäymiev belän küreşäçäkmen”, dide Gül Rusiägä kitär aldınnan.
12 fevraldä Törkiä prezidentı Abdullah Gülneñ Rusiägä öç könlek räsmi säfäre başlandı. Ul monda Rusiä prezidentı Dmitriy Medvedev çaqıruı belän kilde. İke il arasındağı mönäsäbätläre soñğı un yılda üsä bara. Çönki Rusiä Törkiäneñ energiä ölkäsendä iñ zur xezmättäşe. Prezident Gül süzlärenä qarağanda, Törkiä tabiği gaznıñ öçtän ikesen häm neft'nej yaqınça 25%-ın Rusiädän kertä.
Döres, illär arasındağı mönäsäbätlärneñ iñ möhim tarmağın iqtisat täşkil itä. Energiä tarmağınnan qala, Rusiä Törkiäneñ berençe säwdä partnerına äwerelde. Yäğni Törkiäneñ Rusiägä qarata eksportı importqa qarağanda kübräk.
“Zaman” gazetasında Gülneñ Mäskäwgä oçar aldınnan jurnalistlarğa äytkän süzläre basılğan. “Säyäxätem waqıtında säyäsi, ekonomik, energiä, xärbi texnik häm mädäni ölkälärdä ike yaqlı xezmättäşlek turında söyläşäçäkbez”, digän Gül.
“Zaman” gazetası “İzvestiä” basması belän maxsus ber quşımça da äzerlängän. Bu mäqälädä Gül, Rusiä belän Törkiä arasındağı mönäsäbätlärgä 500 yıldan artıq. Annarı SSSR Törkiäneñ bäysezlek suğışı waqıtında Anqara xökümäten tanığan berençe zur köç ide, digän.
Ämma bu säfär qısalarında, Törkiä prezidentınıñ Tatarstanğa baruı kübräk qızıqsındıra. Çönki monnan elek tä Törkiäneñ qayber ministrları Qazanğa kilep kitkän ide. Ämma Törkiä prezidentı Qazanğa berençe märtäbä kilä.
Prezident Gül İstanbulda Mäskäwgä oçar aldınnan jurnalistlarğa birgän äñgämäse waqıtında: “Bu säfär törek prezidentınıñ berençe märtäbä Qazanğa baruı belän ähämiätle”, dip beldergän ide. Ul ayıruça Soçidağı qışqı Olimpiä uyınnarı häm Qazanda uzaçaq Universiada öçen sport qorılmaların tözegändä, törek eşquarları öçen dä eşläw mömkinlege tudırılaçağına ışanuın äytte.
“İzvestiä” gazetasına birgän äñgämäsendä Gül bolay dip beldergän: “Älege säfärem waqıtında min Rusiäneñ iñ bay töbäkläreneñ berse bulğan Tatarstanğa barıp, anıñ prezidentı Miñtimer Şäymiev belän küreşäçäkmen”.
Ämma Törkiäneñ mäğlümat çaraları Gülneñ Tatarstanğa bulaçaq tarixi säfärenä ällä ni ähämiät birmäde. Şulay da törek-rus eşquarlarınıñ internet säxifäse www.turkus.com prezident Gülneñ Tatarstan turındağı şuşı möhim süzlärenä urın birde. Törkilär dönyası turında xäbär birep toruçı www.turkgundem.net säxifäsendä älegä bu säfär turında yazuçı yuq. “Türksam” isemle strategik tikşerenülär üzägeneñ internet säxifäsendä, Gülneñ Rusiägä säfäre turındağı http://www.turksam.org/tr/a1584.htlm xäbärendä Gülneñ Tatarstanğa baruı turında täfsilläp yazğan.
“Törkiäneñ Rusiädä pantyurkistik maqsatlarınıñ bulmawı açıqlanğaç, Mäskäw, törek wäkilçelegeneñ Rusiädäge törki töbäklär belän mönäsäbätkä kerüenä elekkege kebek şöbhä belän qaramıy”, dip yaza Sinan Oğan.
Bu çınnan da şulaymı, yuğisä Mäskäw Qazan belän sanaşırğa mäcbür buldımı, bu turıda törle fikerlär äytergä mömkin.
Prezident Gül häm törek wäkilçelege 15 fevral'dä Qazannan İstanbulğa kire qaytaçaq.
Döres, illär arasındağı mönäsäbätlärneñ iñ möhim tarmağın iqtisat täşkil itä. Energiä tarmağınnan qala, Rusiä Törkiäneñ berençe säwdä partnerına äwerelde. Yäğni Törkiäneñ Rusiägä qarata eksportı importqa qarağanda kübräk.
“Zaman” gazetasında Gülneñ Mäskäwgä oçar aldınnan jurnalistlarğa äytkän süzläre basılğan. “Säyäxätem waqıtında säyäsi, ekonomik, energiä, xärbi texnik häm mädäni ölkälärdä ike yaqlı xezmättäşlek turında söyläşäçäkbez”, digän Gül.
“Zaman” gazetası “İzvestiä” basması belän maxsus ber quşımça da äzerlängän. Bu mäqälädä Gül, Rusiä belän Törkiä arasındağı mönäsäbätlärgä 500 yıldan artıq. Annarı SSSR Törkiäneñ bäysezlek suğışı waqıtında Anqara xökümäten tanığan berençe zur köç ide, digän.
Ämma bu säfär qısalarında, Törkiä prezidentınıñ Tatarstanğa baruı kübräk qızıqsındıra. Çönki monnan elek tä Törkiäneñ qayber ministrları Qazanğa kilep kitkän ide. Ämma Törkiä prezidentı Qazanğa berençe märtäbä kilä.
Prezident Gül İstanbulda Mäskäwgä oçar aldınnan jurnalistlarğa birgän äñgämäse waqıtında: “Bu säfär törek prezidentınıñ berençe märtäbä Qazanğa baruı belän ähämiätle”, dip beldergän ide. Ul ayıruça Soçidağı qışqı Olimpiä uyınnarı häm Qazanda uzaçaq Universiada öçen sport qorılmaların tözegändä, törek eşquarları öçen dä eşläw mömkinlege tudırılaçağına ışanuın äytte.
“İzvestiä” gazetasına birgän äñgämäsendä Gül bolay dip beldergän: “Älege säfärem waqıtında min Rusiäneñ iñ bay töbäkläreneñ berse bulğan Tatarstanğa barıp, anıñ prezidentı Miñtimer Şäymiev belän küreşäçäkmen”.
Ämma Törkiäneñ mäğlümat çaraları Gülneñ Tatarstanğa bulaçaq tarixi säfärenä ällä ni ähämiät birmäde. Şulay da törek-rus eşquarlarınıñ internet säxifäse www.turkus.com prezident Gülneñ Tatarstan turındağı şuşı möhim süzlärenä urın birde. Törkilär dönyası turında xäbär birep toruçı www.turkgundem.net säxifäsendä älegä bu säfär turında yazuçı yuq. “Türksam” isemle strategik tikşerenülär üzägeneñ internet säxifäsendä, Gülneñ Rusiägä säfäre turındağı http://www.turksam.org/tr/a1584.htlm xäbärendä Gülneñ Tatarstanğa baruı turında täfsilläp yazğan.
“Törkiäneñ Rusiädä pantyurkistik maqsatlarınıñ bulmawı açıqlanğaç, Mäskäw, törek wäkilçelegeneñ Rusiädäge törki töbäklär belän mönäsäbätkä kerüenä elekkege kebek şöbhä belän qaramıy”, dip yaza Sinan Oğan.
Bu çınnan da şulaymı, yuğisä Mäskäw Qazan belän sanaşırğa mäcbür buldımı, bu turıda törle fikerlär äytergä mömkin.
Prezident Gül häm törek wäkilçelege 15 fevral'dä Qazannan İstanbulğa kire qaytaçaq.