Кырымтатар әләме көнендә машина йөреше оештырылды

Кырымда бүген кырымтатар әләме көне уңаеннан машина йөреше уздырылды. Дүртенче ел рәттән узган бу чараны кырымтатар яшьләре оештыра. Машиналар кәрваны Акмәчет-Бакчасарай-Акъяр-Форос-Симеиз-Алупка-Ялта-Алушта-Акмәчет юллары буйлап узды. Акмәчеттән кузгалган унбишләп машинага Бакчасарайда тагын шул кадәр машина кушылды. Кырымтатар милли мәҗлесе быелгы әләм көненең кырымтатарлары бердәмлеген яңарту шигарләре белән узуын белдерә.