Казан диварлары нәрсә турында сөйли? Нинди телдә сөйләшә? Бу хакта Ксениядән белешәбез һәм сурәтләргә күз салырбыз.
"Башка шәһәрләр белән чагыштырганда Казан "аралашучан" һәм "кыю" түгел. Миңа ошаган әйберләрнең берсе - ул язуларның өч телдә булуы: русча, татарча һәм инглизчә (еш кына хаталы). Шулай ук еш кына минем игътибарны диалоглар җәлеп итә, ягъни бер кешенең язуы икенче кешене җавап калдырырга этәргән чак. Минем башта бу язуларның авторларының нинди дә булса гомуми портреты юк, ләкин кайбер язуларның персонажларын мин таный алам, башкалардан аерам. Хәтта аларның язуларын күзәтеп барам, үсешен бәялим. Бу бик кызык.
Менә минем иң яраткан язулар. Мәсәлән, бу диалог.
Язу язылган урында комментар биргән очраклар күңелемә хуш. Мәсәлән, туу йорты каршындагы дивардагы бу язу.
Үз-үзеңне иронияләштерү.
Мин һөнәрем буенча дизайнер-график, мөгаен шуңа күрә бу миңа кызыктыр. Кайда, ничек һәм нинди шрифт белән язылганы да кызыксындыра. Гомумән, мин үзәктә яшим һәм еш җәяү йөрим, шуңа күрә бу язуларны күрмичә булмый.
Казан дизайнеры дивар язуларын туплый