Көньяк Суданның Вау шәһәре һава аланында South Supreme Airlines һава ширкәтенең юлчылар очкычы җиргә төшеп җимерелгән. Аның моторында янгын чыккан, дип яза Airlive. Очкычта 44 кеше булган.
Җирле Eye Radio Juba хәбәр итүенчә, тугыз кеше исән килеш табылган, алар хастаханәгә җибәрелгән.
Twitterдагы фотоларга караганда, очкыч тулысынча диярлек җимерелгән.
#WAU: Further Photos of South Supreme Airlines Plane Crash. 44 feared dead. #SouthSudan #SSudan pic.twitter.com/2VQzhZTyM9
— The National Courier (@Nation_Courier) March 20, 2017
South Supreme Airlines ширкәте 2013 елда оешкан диелә. Аның карамагында якын араларга очучы Fokker 50 дип аталган ике генә очкыч булган.
2014 елдан ширкәт Көньяк Судан башкаласы Джубба белән Угандадагы Энтеббе шәһәре арасында атнасына өч тапкыр очышлар оештыра.