Президент Рәҗәп Эрдоган имзалаган фәрманга ярашлы, Америкадан кергән исерткеч эчемлекләргә таможня түләве 140 процентка, җиңел машиналарга - 120, яфраклы тәмәкегә - 60 процентка арта. Моннан тыш, косметика, дөге һәм күмергә дә пошлиналар арткан.
Әнкараның бу карары "АКШ идрәрәсенең төрек икътисадына алдан уйланылган һөҗүмнәренә" бәйле дип язды Төркия вице-президенты Фуат Октау твиттерда.
ABD yönetiminin ekonomimize bilinçli saldırılarına karşı, mütekabiliyet ilkesi çerçevesinde, bazı ürünlerin ithalatında vergi oranları artırılmıştır.
— Fuat Oktay (@fuatoktay06) August 15, 2018
Август башында АКШ Төркиянең эчке эшләр министры һәм юстиция министрына чикләүләр кертте. Әнкара шундый ук җавап бирде. Бераздан АКШ президенты Дональд Трамп Төркиядән корыч һәм алюминий кертүгә пошлиналар арттыру турында игълан итте. Әлеге хәбәрләрдән соң төрек лирасы долларга карата бәясен югалта башлады. Президент Рәҗәп Эрдоган лираның рекордлы төшүе Әнкараның үзаллы сәясәтенә каршы планлаштырылган чара дип белдерде. Ел башыннан Төркия валютасы бәясенең якынча 45 процентын югалтты.
Сишәмбе Эрдоган Американың электрон җиһазларын бойкотларга чакырды.