Сарман районы башкарма комитеты рәисе Әлфис Мөхәммәтгәрәев Иске Әлмәт авылы янындагы урманда үле килеш табылган.
Район хакимиятенең матбугат хезмәте “БИЗНЕС Online”га бу мәгълүматны раслаган.
Мөхәммәтгәрәев үз-үзен үтергән дип фаразлана. Үлем сәбәпләре әлегә билгесез.
Районның башкарма комитетын 2018 елдан бирле җитәкләгән Әлфис Мөхәммәтгәрәевкә 51 яшь булган.
Тикшерү комитеты бу хәлне тикшерүгә керешкән.