Төньяк Корея хакимиятләре утырыш уздырган, анда "Корея ярымутравында хәрби-сәяси вазгыять киеренкеләшү сәбәпле" сугышка әзерлекне арттыру турында фикер алышканнар. Бу хакта Корея үзәк телеграф агентлыгы җиткерә.
Аерым алганда, Төньяк Корея лидеры Ким Чен Ын дошманның хәрби көчен тотып тору һәм сугыш чыкса аны юк итү өчен, гаскәрне "куәтлерәк юк итү чаралары белән" тәэмин итәргә кирәк дигән.
Ул яңа коралны хәрби күнегүләрдә кулланырга чакырган. Гаскәр теләсә кайсы вакытта тулысынча әзер булсын өчен, хәрби күнегүләрне “энергияле рәвештә үткәрергә кирәк” дигән.
Шулай ук Ким Чен Ын ил гаскәренең баш штабы җитәкчесен алыштырган: хәзер бу вазифага Пак Су Ир урынына вице-маршал Ли Ён Гиль килгән.
- Быел 21-24 августта АКШ һәм Көньяк Корея уртак хәрби күнегүләр уздырырга ниятли. Төньяк Корея моны үз иминлегенә куркыныч тудыра дип саный.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!