15 mart könne dönya cämäğätçelege Bötendönya qullanuçılar xoquqın yaqlaw könen bilgeläp ütä. Tatarstanda qullanuçılar xoquqların yaqlaw idäräsenä qullanuçılar tawar almaştıru mä’säläse buyınça kiñäş sorap yış möräcäğät itä ikän. “Qullanuçılar xoquqların yaqlaw turında”ğı qanun nigezendä ägär tawar qullanılmağan, tawar räweşen, qullanu üzleklären saqlağan, şulay uq tawar çegı yäki kassa çegı bulğan oçraqta almaştırıla. Ägär dä inde qullanuçınıñ tawar yäki kassa çegı, tawar öçen tüläw turındağı başqa dokumentı bulmasa da, ul şahit kürsätmälärenä sıltama yasıy ala. Şulay uq alıştırıla almıy torğan tovar isemlege dä bar. Alarğa däwalaw tovarları, şäxsi gigiena äyberläre, parfyumeriä-kosmetiqa, könküreş ximiäse, qimmätle metalldan yasalğan häm qimmätle taşlı eşlänmälär, avtomobil''lär, xaywannar häm üsemleklär kerä. Qullanuçı üzenä oxşamağan tawarnı 14 kön däwamında alıştıra ala. Läkin monıñ öçen satuçığa möräcäğät itü faktı yazma räweştä bulırğa tieş. Monıñ öçen ğariza ike nösxädä yazıla. Ğarizada qullanuçı üze turında mäğlümat, yäğni isem, familiäse, häm adresı, alınğan tawar turında beleşmäne kürsätep, üz taläben äytergä tieş. Qullanuçıda qala torğan ikençe nösxädä satuçı imza häm ğariza alğan könne quyarğa tieş. Satuçı qullanuçı taläben qänäğätländerüdän baş tartqan oçraqta, qullanuçı sutqa şikäyät birä ala. Ä Qazan xalqı üzenä turı kilmägän, sıyfatsız tovarnı satuçığa kire qaytarğanı barmı? Açıq mikrofon säxifäsendä älege sorawğa Qazan uramnarında cawap ezlädek.
- “Melt” kibetennän kampitr kabele alğan idem . Ber atna uzğaç qaytarıp birgän idem, aldılar. Ul kabel'' minem kampitrğa yaramadı.
- Ber tapqır “Muraveynik” tan çalbar alğan idem djinsovıy. Qızlarnıqı bulıp çıqtı ul . Töşerep birdem. Kire aldılar. Çek bar ide .
–“ViVal''di” kibetennän bärep uynıy torğan tayaqlar alğan idem. Alar yarılğan bulıp çıqtı. İkençe könne alıp bardım , almaştırdılar .
-Çek bulsa alıştırıp bula, çek bulmasa , alıştırıp bulmıy.
-Bluzqa alğan ide dus qızım. Ul aña oşamağan ğına ide. Anıñ çegı yuq ide. Ul anı alıştıra almadı.
- Ä min bazardan ayaq kieme alğan idem. Kiep qaradım , özelep çıqtı, kittem bazarğa kire , alıştırdılar.
- Turı kilgän yuq.
- Qullanu waqıtın qarap alabız.
- Tırışqanım da yuq. Faydasız.
- Botinkanı alıştırmaqçı bulğan idem. Kibettä almadılar , alar qullanuçılar xoquqın yaqlaw komitetına barırğa quştılar . Yördem –yördem , böten nervılarımnı beterep. Yalqıp, yörüdän tuqtadım.
- 15 yıl elek “İdeal”isemle ayaq kieme kibete bar ide “Kolsso”da. Aqça birmädelär, tufline alıştırdılar . Bik qänäğät qaldım.
- Qul säğäte alğan idem bazarda, qullanuçılar komitetı aşa alıştıra aldım.
- Elemtä şirkäte “Euroset''”tän kartoçka alğan idem, aqça salıp. Aqça barıp citmägän. Min ğariza yazdım, alar miña aqçanı birdelär. Elemtä şirkäte üze ğäyeple bulğan dip taptılar.
Mälikä Basıyr , Qazan.