Tatnet yañalığı. Virtual dönyadağı bäxäslär nigezenendä bu könnärdä kitap basılıp çıqtı. İsegezdä bulsa, ütkän cäyne, Petr 1 gä Qazan üzägendä häykäl quydırmaw mäs’äläsendä qızu bäxäslär buldı, qarşılıq çaraları oyıştırıldı.
İnternet forumnarda da bu xaqta fiker-alışular buldı. Kitapnıñ iseme – «Tatarskie natsionalı na randevu». Avtorı - jurnalist Lev Ovrtuskiy. Ul da, bu bäxäslärdä üze qatnaşqan internetçı ikän. İnternettağı söyläşülärdän, kitap niçek kilep çıqqan disezme?
Ul waqıtta, häykäl quydırmawğa qarağan qarşılıq çarası kiñ küläm yaqtırtıldı, matbuğatta, internet forumnarda bäxäslär bardı. Xätta, qarşılıq belderü ğarizasına iğtibar cälep itü öçen maxsus internet säxifä açıldı. yuq.yuldash.com internet saytı aşa, Qazanğa ğına tügel, Rusiä töbäkläre häm çit illärdäge millättäşlärebez, Petr 1 häykälen quydıruğa qarşılıq beldergän ide. Tatar forumçıları cielğan forum säxifälärendä, ğädättä ber törleräk fikerlär äytelde. İnternet aşa aralaşuçı yäşlär qarşılıq ğarizaların yaqlap kilde. Ä menä, başqa forumnarda başqa törle, xätta qapma qarşı fikerlär dä äytelde, şuña ozın häm qaynar bäxäslär alıp barıldı. Andıy forumnarnıñ berse -www.mediart.ru internet säxifäseneñ fiker alışu bülege buldı. Bu Qazan jurnalistlarınıñ aralaşıp, bäxäslär qora torğan urını. Petr 1häykäle tiräsendäge xäl, şuşı media çaraları xezmätkärläreneñ iğtibarınnan çittä qalmadı. Forum bülegendä, bäxäslär, ütkän yılnıñ cäyendä bardı. Alar belän xäzer dä tanışırğa bula. http://www.mediart.ru/forum/read.php?f=2&i=1111&t=1111
Älege säxifädä, Raxmetov, Aleksey Demin, Amigo häm başqa isem astında yazuçı forumçılar daimi räweştä ozın tekstlar bastırdı, qızu-qızu bäxäslär alıp bardı. Jurnalist Lev Ovrtuskiy, şuşı tekstlarnı bik qızıq dip tapqan, cıyıp, tuplap, kitap räweşendä çığarırğa bulğan. Şulay itep, bu kitap aşa , tatar internetçıları öçen yaxşı tanış Raxmetov äfände, ä real tormışta «Tatnet yoldızları» bäygesen oyıştıruçı Aynur Sibğätullin, tarixqa kerep qaldı. Tatarskie natsionalı na randevu kitabınıñ avtorı, Lev Ovrtuskiy äsärenä nigä şundıy isem birüen, «şul isemdäge mäkälä barlığı belän añlattı.
Belgänegezçä, Lev Ovrtuskiy, Tatar ictimaği üzäge citäkçese Tälğät Bariev belän, ber mäkälä mäs’äläsendä bäxäskä kergän ide. Alarnıñ bäxäse mäxkämägä qädär barıp citte. Ovtutskiy kitabına, Tälğat Bäyriev belän mäxkämäläşü tarixın da tağıp cibärgän. Ämma bu kitapta avtor, Tatarstanda yäşäwçe urıslarnıñ mänfäğätlären täqdim itäm, dip belderä. «Min urıs yahud, min urıs mädäniäte keşe» di Lev Ovrtuskiy. Niçek kenä bulmasın, bäxäsneñ nigezendä nindi fekerlär yatqanın häm qaysı avtorınıñ qaraşı sezgä yaqınraq buluın, sez üzegez , www.mediart.ru internet säxifäsendä, forum bülegendä taba alasız.
Bikä Timerova