Oçraşular barışında üz tauarıñnı maqtaw ğädätkä äylänep kitte. Bazar şartları şul. Paqıstan ilçese Mostafa Kamal Kazinıñ Tatarstan säwdä häm tışqı iqtisadıy bağlanışlar ministrınıñ berençe urınbasarı Linar Latıypov häm respublikanıñ törle citeşterüçe şirqät wäkilläre belän oçraşuı da näq üz tauarıñnı maqtawğa oxşap qaldı.
Mostafa Kemal Kazi oçraşuğa ulı Meyxar belän kilgän ide. Wäkilneñ ulı Londondağı iñ zatlı sanalğan iqtisadi mäktäptä uqı. Kanikul waqıtında Tatarstannı belän tanışırğa telägän.
Säwdä häm tışqı iqtisadıy bağlanışlar ministrı urınbasarı Linar Latıypov bezdä sezneñ kebek möselman digändäy, “İnşalla” dip qabatlıy-qabatlıy Tatarstan, Qazan turında söyläde. Darular citeşterä torğan şirkätneñ bülek mödire Rawilä Fäxretdinova üzlärendä xäläl tauarlar citeşterülärenä basım yasadı. Motor yasaw, suıtqıçlar citeşterü häm tağın berniçä, nigezdä saqlanu ölkäsenä qarağan oyışma wäkilläre dä üzlärendäge citeşterü tarmağı belän tanıştırdılar. Saqlanu ölkäse öçen tözelgän şirqat'lärneñ xäzer köndälek kiräk-yaraq çığaruları turında äyttelär. Oçraşuda töp süz neft', boralaqlar, “KAMAZ” maşinaları turında bardı.
Paqıstan ilçese soñğı waqıtta Qazannan 13 boralaq satıp aluların äytte. Alar cir teträwdän soñ xalıqqa yärdäm itü, yäğni tawlı cirlärgä kiräk-yaraqlar taşu öçen qullanılğan. “KAMAZ” maşinasın cıyu buyınça Paqıstan-Rusiä urtaq şirkäte buldırılğanın. Berençe maşina inde bıyılnıñ fevralendä cıyılğan.
İlçe Tatarstan belän Paqıstan şirqat'läre ber-berse belän tığız elemtädä bulıp, turıdan-turı eşläsennär ide digän teläk belderde. Häm Tatarstan eşmäkärlären tanışu öçen Paqıstanğa eşlekle säfärgä çaqırdı.
Mostafa Kamal Kazi üzlärendä tuqıma ölkäseneñ şaqtıy üseş alğanın äytte. Şulay uq ul Paqıstannıñ bank eşçänlege buyınça täcribäse zur buluın assızıqladı.
Paqıstan banklar häm finanslar ölkäsendä alğa kitte.. Küp kenä xalıqara banklarda bezneñ xezmätkärlär eşli. Alar anda citäkçelär däräcäsendäge urınnarda xezmät itälär. Amerika, Aurupa banklarında bezneñ keşelär. Oçraşuda İslam konferensiäse oyışması turında da äytelde. Rusiäneñ älege oyışmağa kerüe mönäsäbätlärne tağın da yaqınayta dide Paqıstan ilçese häm İslam üseşe bankınıñ härwaqıt matdi yaqtan yärdäm itärgä äzer buluın belderde.
Linar Latıypov Paqıstan ilçesenä büläkkä Şämail, Qol-Şärif mäçete turında kitap häm disk büläk itte.
Landış Xarrasova