Düşämbedä Amerikan prezidentı George Bush Hawa köçläre generalı Michael Hayden''nı Küzläw idaräse başlığı urınına täqdim itte. İdaräneñ elekke citäkçese Porter Goss 2 yıl eşlägännän soñ comğa könne wazifasınnan kitkän ide. Şuşı sivil wazifağa xärbi keşene quyu niäte Washingtonda qarşılıqlı reaksiägä säbäp buldı. Kongresstağı demokratlar da respublikannar da bu uñaydan borçılu belderä.
Quşma Ştatlarnıñ CIA, Üzäk Küzläw İdaräse başlığı urınına yaña namzätne Senat raslarğa tieş bulaçaq. Prezident Bushnıñ bu urınğa xärbi keşene quyu niätenä küp kenä kongressmennar, şul isäptän Bushnıñ respublikan partiäse wäkilläre dä qarşı çığa. Wäkillär palatasınıñ Küzläw komitetı başlığı respublikan Pete Hoekstra yäkşämbedä Fox News kanalına birgän äñgämäsendä Hayden bu urınğa qulay keşe tügel dide:
"Mike Hayden''ğa ixtiramım zur. Elekke wazifasında ul zur uñışqa ireşte. Tik anı bu yaña urınğa bilgeläw xata bulaçaq. Xäzerge waqıtta sivil idarä citäkçese itep xärbi keşene quyu döres tügel", di Wäkillär palatasınıñ Küzläw komitetı başlığı.
Mike Hayden İminlek İdaräsen citäklägän waqıtta Quşma Ştatlarda keşelärneñ telefonnarın tıñlaw tiräsendä cancalı quptı. Wäkillär palatasında demokratlar citäkşese Nancy Pelosi yäkşämbedä NBC kanalında Haydennıñ bu eşçänlegenä borçılu belderde:
"General Haydenga kilgändä mindä citdi borçular bar. Berençedän, ul eçke küzläw mäsäläsenä tığız bäyle ide, bu ayırım tikşerelergä tieş, anı yaña wazifağa bilgeläw qısasındağı ğına tügel", di Wäkillär palatasında demokratlar citäkşese.
Bush süzlärençä, Hayden, 11 sintäber höcümnärennän soñ Amerikada terrorçılarnı ezläp tabu öçen elektron poçta, telefon söyläşülären küzätep barırğa täqdim itkän keşelärneñ berse bulğan. Senatnıñ Yustitsiä komitetı räise respublikan Arlen Specter bu programmanıñ ni däräcädä qanuni bulu mäsäläsen kütäräçägen belderde.
Wäkillär palatasınıñ Küzläw komitetı başlığı respublikan Pete Hoekstra süzlärençä, CIA başına generalnıñ quyıluı bu idarä Pentagon kontrolendä digän täesir qaldıraçaq. Şul uq fikerne tanılğan senator demokrat Joseph Biden häm dä Wäkillär palatasında demokratlar citäkşese Nancy Pelosi belderde:
"Saqlanu ministrlığı belän küzläw idaräläre arasında xakimiät öçen köräş bara. 4 yoldızlı generalnıñ Küzläw idaräse başlığı buluın küz aldına kiterä almıym", di Wäkillär palatasında demokratlar citäkşese.
Ul arada respublikan senator John McCain general Hayden bu yaña urınğa raslanır digän ömeten belderde. CBS kanalında yasağan çığışında ul Haydennı xärbi buluğa qarağanda kübräk küzläwçe, dip atadı.
Haydennıñ bay küzläwçe täcribäsen düşämbedä prezident Bush ta anı CİA başlığı urınına täqdim itkändä iskä aldı:
"Mike''nıñ küzläw tarmağında 20 yıllıq täcribäse bar. Ul 6 yıl İminlek İdaräsen citäkläde. İlneñ baş küzläw idaräsen citäkläw öçen anıñ bay täcribäse bar", di Amerikan prezidentı.
Hayden bu wazifanı bik möxim dip atadı häm bulğan şöbxälärne beterü öçen kongressmannar oçraşıp söyläşergä cıyıuın äytte:
"Raslaw barışı waqtında min kongress wäkilläreneñ borçuların yaxşıraq añlaw öçen alar belän oçraşırğa telim. Monı eşläw bik möxim", di Amerikanıñ Küzläw idaräse başlığı urınına namzät Michael Hayden.
ali ğilmi
"Mike Hayden''ğa ixtiramım zur. Elekke wazifasında ul zur uñışqa ireşte. Tik anı bu yaña urınğa bilgeläw xata bulaçaq. Xäzerge waqıtta sivil idarä citäkçese itep xärbi keşene quyu döres tügel", di Wäkillär palatasınıñ Küzläw komitetı başlığı.
Mike Hayden İminlek İdaräsen citäklägän waqıtta Quşma Ştatlarda keşelärneñ telefonnarın tıñlaw tiräsendä cancalı quptı. Wäkillär palatasında demokratlar citäkşese Nancy Pelosi yäkşämbedä NBC kanalında Haydennıñ bu eşçänlegenä borçılu belderde:
"General Haydenga kilgändä mindä citdi borçular bar. Berençedän, ul eçke küzläw mäsäläsenä tığız bäyle ide, bu ayırım tikşerelergä tieş, anı yaña wazifağa bilgeläw qısasındağı ğına tügel", di Wäkillär palatasında demokratlar citäkşese.
Bush süzlärençä, Hayden, 11 sintäber höcümnärennän soñ Amerikada terrorçılarnı ezläp tabu öçen elektron poçta, telefon söyläşülären küzätep barırğa täqdim itkän keşelärneñ berse bulğan. Senatnıñ Yustitsiä komitetı räise respublikan Arlen Specter bu programmanıñ ni däräcädä qanuni bulu mäsäläsen kütäräçägen belderde.
Wäkillär palatasınıñ Küzläw komitetı başlığı respublikan Pete Hoekstra süzlärençä, CIA başına generalnıñ quyıluı bu idarä Pentagon kontrolendä digän täesir qaldıraçaq. Şul uq fikerne tanılğan senator demokrat Joseph Biden häm dä Wäkillär palatasında demokratlar citäkşese Nancy Pelosi belderde:
"Saqlanu ministrlığı belän küzläw idaräläre arasında xakimiät öçen köräş bara. 4 yoldızlı generalnıñ Küzläw idaräse başlığı buluın küz aldına kiterä almıym", di Wäkillär palatasında demokratlar citäkşese.
Ul arada respublikan senator John McCain general Hayden bu yaña urınğa raslanır digän ömeten belderde. CBS kanalında yasağan çığışında ul Haydennı xärbi buluğa qarağanda kübräk küzläwçe, dip atadı.
Haydennıñ bay küzläwçe täcribäsen düşämbedä prezident Bush ta anı CİA başlığı urınına täqdim itkändä iskä aldı:
"Mike''nıñ küzläw tarmağında 20 yıllıq täcribäse bar. Ul 6 yıl İminlek İdaräsen citäkläde. İlneñ baş küzläw idaräsen citäkläw öçen anıñ bay täcribäse bar", di Amerikan prezidentı.
Hayden bu wazifanı bik möxim dip atadı häm bulğan şöbxälärne beterü öçen kongressmannar oçraşıp söyläşergä cıyıuın äytte:
"Raslaw barışı waqtında min kongress wäkilläreneñ borçuların yaxşıraq añlaw öçen alar belän oçraşırğa telim. Monı eşläw bik möxim", di Amerikanıñ Küzläw idaräse başlığı urınına namzät Michael Hayden.
ali ğilmi