Sabantuylarğa respublikanıñ Ğädättän tış xällär ministrlığı nıqlap äzerlänä. Şimbä häm yäkşämbe könne Tatarstan cirleklärendä uzuçı bäyrämdä barlığı 800 yanğın sünderüçe, ul-bu çıqsa dip 50дән artıq qotqaruçı eşläyäçäk. Monnan tış yanğın sünderü maşinaları, avariä-qotqaru texnikası härdaim äzerlektä toraçaq. Qısqası, Ğädättän tış xällär ministrlığınıñ barlıq bülekçäläre dä köçäytelgän eş rejimına küçä. Xalıq küpläp cıyılğan urınnarda iminlekne buldıru nisbätennän, operativ törkemnär eşläyäçäk. Bäyrämnär waqıtında yanğınğa qarşı köräş xezmäte dä täwlek buyı kizü toraçaq. Comğa könne Ğädättän tış xällär ministrlığınıñ kollegiä utırışında da respublikada yanğınğa qarşı köräş mäs’äläse qaraldı. Soñğı yıllarda Rusiä qanunnarına kertelgän üzgäreşlär nigezendä, cirleklärdä yanğınnı sünderü subyektlar wäqälätlärenä tapşırıldı. Bu xaqta TR Ğädättän tış xällär ministrı Valeriy Vlasov
Bügen min äyter idem strategik mäs'älä qarala. Respublikada yanğınnan saqlanu xezmätenä üzgärtülär kertü küzdä totıla. Bu berençe çiratta Rusiä qanunnarına kertelgän yañalıqlarğa bäyle. Çönki wäqälätlär, yäğni eşne bülü üzgärde. Häm şunıñ nigezendä bez ğomumän respublika, şul uq waqıtta ayırım munitsipal' cirleklär buyınça da söyläşäbez bügen.Yaña üzgärtülär nigezendä “Tatarstan respublikası yanğınnan saqlaw” däwlät şirkäte barlıqqa kiläçäk. Anıñ proyektı inde respublika Xökümätendä qaralğan. Häm bu könnärdä Tatarstan Premyer-ministrı Röstäm Miñnexanov imzalar dip kötelä. Yanğınğa qarşı köräş xezmäteneñ şähär cirlegendä eşläwe qänäğätländersä dä, awılda ul qatlawlı bulıp qala. 60 protsent yanğın sünderü xezmätläre şähärgä, ä 40 protsentı awılğa turı kilä. Ä mäydan buyınça awıl cirlekläre zurraq bulıp qala. Soñğı biş yılda awıl cirendä 10 meñnän artıq yanğın çıqqannı bilgeläp uzdı utırışta. Alarda 800гә yaqın keşe ülgän häm 500гә yaqını törle cäräxätlär alğan. Bügenge köndä awıl cirlärendä yanğın sünderüçelärneñ citärlek bulmawı äytelde. Alar 7 urınına 3әү genä ikän. Soñğı waqıtta aqçanıñ azraq bülenüe säbäple, eştän kitüçelär arta ğına bara ikän. Urtaça alğanda bu ber yanğın sünderüçe qaramağına bügenge köndä 1200дән artıq keşe turı kilä digän süz. Ä bu şähärdä 831, ä awıl cirendä 500гә yaqın keşe genä bulırğa tieş. Ayıruça Aznaqay, Bawlı, Bögelmä, Bua, Alabuğa, Zäy, Nurlat, Tuqay, Çistayda xäl qatlawlı dip äytelde. Şulay uq utırışta yanğın sünderü maşinalarnıñ iskerüe, iñ kiräkle texnikanıñ bulmawı turında borçılıp söylände. Xäzerge köndä 60 protsenttan artıq yanğın sünderü maşinaları eşkä yaraqsız.
Landış Xarrasova