Töştän soñ Puşkin häykäle yanında şağirne iskä alu çarasına kübesençä tatar şağirläre kilgän ide. Kiçä şağir häykälenä çäçäklär quya belän başlanıp kitte. Anda TR Premyer-ministrı urınbasarı Zilä Wälieva, Tatarstan yazuçılar berlege räise İlfaq İbrahimov qatnaştılar. Zilä Wälieva
Puşkin Qazanda tuğan. Ul küp yazuçılar öçen ürnäk bula. Şular arasında Ğabdulla Tuqay da bar.
Bäyräm kübesençä şığır söyläw belän ürelep bardı. Aralarında tatarçağa tärcemä itelgännäre dä yañğıradı
Kiçädä Puşkinnıñ Qazanda uzğan könnäre turında iskä alındı.
Şağir Qazanda barlığı 3 kön genä bulğan - 1833 yılnıñ 5-8 sentäberendä. Ul 1774 yılda uzğan Pugaçev kütäreleşe turında mäğlümat cıyarğa, urınnarın kürergä kilä. “Kapitanskaya doçka”, “Pugaçev tarixı” kebek äsärlär näq Qazanğa bulğan säfär näticäsendä yazıla.
Qazanğa Çabaqsar arqılı kilgän şağirne berençe bulıp Yevgeniy Boratınski qarşı ala. Puşkin berençe bulıp Qazannıñ Sukonka bistäsenä yul ala. Çönki näq 60 yıl elek baş kütärüçelär Qazanğa şunnan bärep kerälär. Sukonka bistäsendä Puşkin Vasiliy Babin belän aralaşıp kitä. Häm ul şağirgä 12 iyül könne uzğan Pugaçev kütäreleşe turında böten neçkälekläre belän barısın da bäynä-bäynä söyläp häm kürsätep birä. Şağirneñ Babin belän oçraşuı oçraqlı ğına bulamı, yäisä inde aldan söyläşelep eşlänäme – anısı barısı öçen dä ser bulıp qala häm xäzer dä moña cawap tabılmağan. Şulay uq Puşkinğa Pugaçev kütäreleşe turında säwdägär Leontiy Krupennikov ta küp mäğlümat birä. Ul çaqta 19-20 yäşe bulğan Krupennikov aña qurqıp xalıqnıñ Arça qorına qaçuı turında söyli.
Qazanda Puşkin Boratınski arqılı tanılğan tabib häm ğalim Karl Fuks belän dä tanışa. Karl Fuks ğailäse ul çaqta Qazandağı mädäni tormış qaynağan üzäk bulıp sanala. Çönki ğalimneñ xatını Aleksandra Fuks törle äsärlär yazu belän mawığa. Alarda ädäbi salon eşli. Aleksandra Fuks belän kiläçäktä Puşkin xatlar alışa başlıy. Alar arasında tığız elemtä urnaşa.
Läkin Puşkinnıñ Qazan turında ber genä dä şiğere yuq. Bu xaqta şağir Renat Xaris
Anıñ Qazanda bulğan istälekläre küp yazılsa da, ul Qazanğa ber genä dä şiğır bağışlamağan. Ämma küp milli yazuçılar anardan ürnäk alğan. Landış Xarrasova