8 iyün könne Qazan ratuşası qarşındağı mäydanda şähär pensionerları piketqa çıqtı. Şunı da äytergä kiräk, älege piket maxsus Qazan şähär Dumasınıñ xosusi avtobus xucalarına qağılışlı mäs''älälär sessiädä qaralaçaq mäsälälärgä turı kiterelgän ide. Aqça urınına sotsial'' bilet kürsätep yörüçe pensionerlarğa xosusi avtobuslar yörtüçelär tieşle xezmät kürsätmi. Şunlıqtan ölkän yäştäge keşelär alardan qänäğät tügel ikän. Pensionerlar qullarına “Şäxsi yörtüçe, pensionernı xörmät it. Üzeñ dä pensioner bulırsıñ!”, “Munitsipal'' transport üseş alsın!” dip yazılğan şiğar''lär kütärep tordılar. Piketqa cıyılğannar süzlärenä qarağanda, marşrut avtobuslarında alar bik yış tupaslıq belän genä tügel, qul kütärü belän dä oçraşa. Tuqtalışta pensionerlarnı kürgän yörtüçelär tuqtamıyça ütep kitä. Ölkän yäştäge keşelärneñ qarşında avtobus işeklären yabıp quyalar, yäisä keşeneñ salonğa da kergänen kötmiçä, quzğalıp kitälär. Ä açıq mikrofonğa “ Sez şähär transportınıñ yörüe, anda xezmät kürsätü belän qänäğätme?-digän sorawğa cawaplar ezlädek.
Yäş eşçe qız :
- Qänäğät tügel. Qaysı waqıt avtobuslarnı artlarınnan ğına kürep qalasıñ . küp waqıtta keşe bik küp bula , utırıp ta bulmıy . Kiçlären 6-7 säğätlärdä bötenläy utırıp bulmıy. Xökümät avtobusları bik siräk yöri. Şäxsän avtobuslar yarıysı ğına yöri.
Pensioner äbi:
- Veterannar klinikasına rentgen ütärgä kilergä çıqqan idem, R. Zorge uramı yağınnan, 12 tramvayğa utırıp, , Aqçarlaq yanında böke buldı. Soñğa qaldım, rentgen ütkärmädelär, menä qaytıp baram , 2 säğät utırıp, yılap, bik borçıldım, validol aldım.
- Xezmättä bulıp, eştän qaytıp kilgän xanım:
-Törleçä bula. Bügen eşkä barğanda Adel Qutuy tuqtalışında ber 10 minutlap tordıq bökedä . Annan “Aqçarlaq” tuqtalışında basıp tordıq. Transport bik kübäyde, eşkä barıp citüe qıyınlaştı.
Urta yäştäge xanım:
- Xosusilar yaxşıraq yöri, xökümätnekenä qarağanda. Konduktorlar bik usal itep qarıylar. Utırtasıları kilmi . Tuqtalışta ber- ike yäş keşe tormasa, “Gazel”lär bötenläy tuqtatmıylar.
Student qız:
- Qänäğät. Üzäktän- kvartalğa yaxşı yöri .Marşrutqalar küp yörilär.
Pensioner apa:
-Qänäğätländererlek tügel. Ğazellär bik siräk yörilär.Täkdim itär idem zur avtobuslarnı, küp keşe sıydırışlı avtobuslarnı kertergä. Märxämätle keşe yuq xäzer. Olı keşelärgä dä , bala-çağa belän kergän keşelärgä dä urın birüçe yuq . Tüläw buyınça – bez pensionerlar pensiä kenägäse belän yöribez. Keçkenä avtobuslar bezgä xezmät kürsätmilär. “Paz”iklarğa , “Yılaz”larğa bezne kertälär. Ul yağı bik caylı.
Mälikä Basıyr