“Tuğan tel” isemle Samara ölkä tatar cämğiäte häm Samar şähäreneñ tatar milli- mädäni möxtäriäte menä ber yıl däwamında inde xakimiät orğannarı belän mäktäplärgä xristian ruxın kertmäw yünäleşendä bäxäs alıp baralar. Türälärneñ söylägän süzläre häm ğämälläre ayırıla. Ber yaqtan süzdä tatarlarnı tınıçlandırğan bulalar, ä çınında mäktäplärgä xristian ruxın kertüneñ neçkä yulların saylıylar.
Baştan tatarnıñ uyaulığın yuğaltalar, annarı üzlärenä kiräkne eşläp quyalar.
“Tuğan tel” cämğiäte citäkçeläre Samara ölkä mäğärif ministrına:”Sentäberneñ 1-nän mäktäplärgä xristian ruxı kerteläçäkme?”- dip sorap yazğan xatqa tübändäge cawap kilep töşte:
“ Pravoslav kul'turası nigezläre” mäktäplärdä mäcbüri uqıtılırğa tieş tügel. Bu fän härber mäktäptä maxsus qarar belän kertelüe bar, mäktäp sovetı qararı nigezendä. Ä mäktäp sovetında ata- analar da qatnaşırğa tieş.
“Pravoslav kul'turası däresläre” fakul'tativ formasında birelergä mömkin, bu inde balalar häm ata- anaları teläwe buyınça.”
Ministr urınbasarı Noskov äfände yazuınça, bügenge köndä Samar ölkäsendäge mäktäplärdä traditsion dinnär tarixın uqıtuğa äzerlek bara.
Bu cawapnıñ neçkälege häm zähärlege şunda ki, mäktäp sovetı nigezendä pravoslav ruxı kerteläçäk. Ä bit bik küp mäktäp sovetlarında ber genä tatar keşese dä yuq! Ä pravoslav ruxın mäktäplärgä kertmäwne dawlap tik tatar cämäğätçelege genä yöri. Başqort, äzerbäyçan, qazax, qırğız, tacik oyışmaları başların quyınnarı astına tıqqannar.
Şamil Bahautdin, Samar