Dönyadağı däwlät çitäkçeläre arasında xakimiättä iñ ozaq waqıt toruçılarnıñ berse, Kuba prezidentı Fidel Castroğa operatsiä yasıylar, xörmätle tıñlawçılar. Tizdän üzeneñ 80 yäşen tutıraçaq Castro öçen bu yaña ber närsä tügel, biredä xäbärneñ ikençe öleşe iğtibarnı cälep itä. Operatsiä häm sawığu waqıtına Kuba prezidentı üz wäkälätlären başqa beräwgä - enese Raul Castroğa tapşırıp tora. Sişämbe menä şundıy yañalıq alıp kilde.
Kuba prezidentınıñ operatsiägä yatuı häm şul waqıtqa üz xakimiaten başqa beräwgä birep toruı turındağı belderü Kuba televideniäse aşa uqıldı, häm anı Castro isemennän anıñ şäxsi yardämçese Carlos Valenciaga uqıdı. Prezident yardämçese süzlärenä qarağanda, soñğı atna-un köndä Fidel Castro şaqtıy kierenke eşçänlek alıp barğan häm bu anıñ sälämätlegenä dä tiskäre yoğıntı yasağan:
"Minem moña qädär dä küp kenä sınawlar kiçergän sälämätlegemä çamadan tış stress buldı, bu eçäklärdä qan sawuğa kiterde häm şul säbäple miña xäzer şaqtıy qatlawlı operatsiä yasalırğa tieş", dip yaza üzeneñ xatında Castro. Anı Kuba televideniäse aşa yardämçese Valenciaga uqıdı.
Kuba prezidentınıñ şulay saftan çığıp toruı berniçä atnağa suzılır dip kötelä. Şuña da ul üz wäkälätlären soñğı 47 yılda berençe märtäbä waqıtlıça başqa beräwgä birep tora. Ämma ul keşe Fidel öçen alay uq çit tügel, däwlät belän citäkçelek itü keçe Castroğa, anıñ enese Raulgä küçep tora. Şulay itep xäzer Raul Castro Ruz Kuba kompartiäseneñ berençe sekretare, ilneñ qorallı köçläre başlığı häm xökümät citäkçese bulaçaq. Moña qädär ul Kubanıñ saqlanu ministrı eşen alıp bara ide.
Äle sälämät çaqta uq Fidel üzeneñ warisı itep näq menä Raulne äzerli başladı. Saqlanu ministrı buluı belän bergä ul Kubanıñ küzläw xezmätläre, bar qüwät ministrlıqları eşenä citäkçelek itte. Miami universitetında Kuba-amerikan tikşerenüläre institutın citäkläwçe Jaime Suchlicki:
"Soñğı berniçä yıl eçendä Castro üzennän soñ xakimiatne aluğa näq menä enesen äzerläp kilde, ul citäkçelektä inde bolay da ikençe urında, aña qorallı köçlär belän idarädä kiñräk wäkälätlär birelde häm xäzer Raul partiäne dä kontrolenä alıp Fidel ülgännän Kubanı üz qulına alırğa äzerlänä. Castro, ul başlağan revolutsiä anıñ ülemenä dä qaramıy, xätta kiläçäktä Raul ülemenä dä qaramıy däwam itäçäk, dip ömetlänä. Yäğni waris bik tiz tabılaçaq, ämma añardan soñ ozın-ozaq küçeş çorı bulaçaq", dip farazlıy kiläçäkne Kuba belgeçe Jaime Suchlicki.
Ämma Fidel älegä tiz genä terelergä cıyınuın belderä. 13-nçe augustta aña 80 yäş tulırğa tieş, şul tantanalar xäzer yıl azağına, dikäbergä küçerelä. Castronıñ sälämätlege turında törle imeş-mimeşlär elek tä yış çığıp tordı. Quşma Ştatlarnıñ Üzäk Küzläw idaräse, Kubanıñ kommunistik yulbaşçısı Parkinson çirennän integä, dip beldergän ide. 2004-nçe yılda Fidel çığış yasağannan soñ menbärdän töşep barğanda yığılıp tezen sındırğan ide.
Aña operatsiä yasalaçağı häm şul säbäple Fidelneñ xakimiattän kitep toraçağı turındağı soñğı xäbär, anıñ qan doşmannarı uqmaşıp yäşägän, Kuba yarlarınnan 150 çaqrım ğına yatqan Miamidä çın mäğnäsendä bäyräm käyefläre uyattı:
Meñlärçä keşe Kuba bayraqların kütärep häm "Yäşäsen irekle Kuba" dip Miami uramnarın tutırdı. Florida ştatındağı şuşı şähär Fidelgä qarşı köräşkän kuban emigratsiäseneñ üzäge bulıp tora.
Kärim Kamal
"Minem moña qädär dä küp kenä sınawlar kiçergän sälämätlegemä çamadan tış stress buldı, bu eçäklärdä qan sawuğa kiterde häm şul säbäple miña xäzer şaqtıy qatlawlı operatsiä yasalırğa tieş", dip yaza üzeneñ xatında Castro. Anı Kuba televideniäse aşa yardämçese Valenciaga uqıdı.
Kuba prezidentınıñ şulay saftan çığıp toruı berniçä atnağa suzılır dip kötelä. Şuña da ul üz wäkälätlären soñğı 47 yılda berençe märtäbä waqıtlıça başqa beräwgä birep tora. Ämma ul keşe Fidel öçen alay uq çit tügel, däwlät belän citäkçelek itü keçe Castroğa, anıñ enese Raulgä küçep tora. Şulay itep xäzer Raul Castro Ruz Kuba kompartiäseneñ berençe sekretare, ilneñ qorallı köçläre başlığı häm xökümät citäkçese bulaçaq. Moña qädär ul Kubanıñ saqlanu ministrı eşen alıp bara ide.
Äle sälämät çaqta uq Fidel üzeneñ warisı itep näq menä Raulne äzerli başladı. Saqlanu ministrı buluı belän bergä ul Kubanıñ küzläw xezmätläre, bar qüwät ministrlıqları eşenä citäkçelek itte. Miami universitetında Kuba-amerikan tikşerenüläre institutın citäkläwçe Jaime Suchlicki:
"Soñğı berniçä yıl eçendä Castro üzennän soñ xakimiatne aluğa näq menä enesen äzerläp kilde, ul citäkçelektä inde bolay da ikençe urında, aña qorallı köçlär belän idarädä kiñräk wäkälätlär birelde häm xäzer Raul partiäne dä kontrolenä alıp Fidel ülgännän Kubanı üz qulına alırğa äzerlänä. Castro, ul başlağan revolutsiä anıñ ülemenä dä qaramıy, xätta kiläçäktä Raul ülemenä dä qaramıy däwam itäçäk, dip ömetlänä. Yäğni waris bik tiz tabılaçaq, ämma añardan soñ ozın-ozaq küçeş çorı bulaçaq", dip farazlıy kiläçäkne Kuba belgeçe Jaime Suchlicki.
Ämma Fidel älegä tiz genä terelergä cıyınuın belderä. 13-nçe augustta aña 80 yäş tulırğa tieş, şul tantanalar xäzer yıl azağına, dikäbergä küçerelä. Castronıñ sälämätlege turında törle imeş-mimeşlär elek tä yış çığıp tordı. Quşma Ştatlarnıñ Üzäk Küzläw idaräse, Kubanıñ kommunistik yulbaşçısı Parkinson çirennän integä, dip beldergän ide. 2004-nçe yılda Fidel çığış yasağannan soñ menbärdän töşep barğanda yığılıp tezen sındırğan ide.
Aña operatsiä yasalaçağı häm şul säbäple Fidelneñ xakimiattän kitep toraçağı turındağı soñğı xäbär, anıñ qan doşmannarı uqmaşıp yäşägän, Kuba yarlarınnan 150 çaqrım ğına yatqan Miamidä çın mäğnäsendä bäyräm käyefläre uyattı:
Meñlärçä keşe Kuba bayraqların kütärep häm "Yäşäsen irekle Kuba" dip Miami uramnarın tutırdı. Florida ştatındağı şuşı şähär Fidelgä qarşı köräşkän kuban emigratsiäseneñ üzäge bulıp tora.
Kärim Kamal