Qırımdağı Baqçasarayda möselman ziratı östenä salınğan bazarnı yabu çişeleş aldında. Yaqlar ber östäl artına utırğan. Qırımdağı xäbärçebez Diläwär Osmanğa süz:
“Xäzer Baqçasarayda Mäcles räise Mostafa Cämil uğlı, Qırım xökümäte räise Viktor Pulatin, Qırım Yuğarı sovetı räise Anatolí Gretsenko, Baqçasaray rayon administratsiäse räise Elmi Umerov arasında söyläşülär bara. Taraflar Baqçasaraydağı iske möselman ziratında urnaşqan bazarnı yabu xaqında kiçä imzalanğan protokolnıñ matdäläre östendä eşlilär. Bazarnı zirattan alırğa telämägän anıñ xucası Medvedev ta utırışta qatnaşa”.
Bazar aldında isä, utırış nindi näticälär belän tögälläner dip qırım tatarları, barlığı 300 läp keşe, kötep tora. Alarnıñ qarşılıq cıyını inde ber ay däwam itä. Şimbä könne 12 avgustta bazar satuçıları, xakimiate häm qırım tatarları arasındağı nizaq tayaqlar, taşlar, armatura qullanıp iñ yuğarı noqtasına citkän bulğan. Diläwär Osman:
“Kiçä monda qırım tatarları häm bazarda satuçılarnı yaqlağan ber törkem arasında çualışlar buldı. Här yaqtan 300 är keşe qatnaşqan. Militsia, OMON törkemnäre bäreleşlärdä qatnaşqannarnı taratu öçen ağulı ğaz qullandılar, hawağa attılar. Bäreleşlär waqıtında qırım tatarları arasınnan 17 keşe yaralanğanlığı xaqında söyläde Azatlıq radíosına, mäceles äğzası Şäwkät Kawdullayıv”.
Qırımdağı xäbärçebez Diläwär Osmanğa Qırım möselmannarı möftie: “Bez xökümättän 7 yıl däwamında bazarnı yabığız dip soradıq. Alar ber ni dä eşlämäde. İnde xäzer üzebez yabaçaqbız”-, digän. Comğa könne Qırımğa Ukraina xökümäteneñ yaña bilgelängän premier-ministrı Viktor Yanukovíç kilde. Qırım tatarları mäcelese räise Mostafa Cämil uğlı belän oçraşqanda süz bazar mäsläse turında da bulğan.
Nail Alan
“Xäzer Baqçasarayda Mäcles räise Mostafa Cämil uğlı, Qırım xökümäte räise Viktor Pulatin, Qırım Yuğarı sovetı räise Anatolí Gretsenko, Baqçasaray rayon administratsiäse räise Elmi Umerov arasında söyläşülär bara. Taraflar Baqçasaraydağı iske möselman ziratında urnaşqan bazarnı yabu xaqında kiçä imzalanğan protokolnıñ matdäläre östendä eşlilär. Bazarnı zirattan alırğa telämägän anıñ xucası Medvedev ta utırışta qatnaşa”.
Bazar aldında isä, utırış nindi näticälär belän tögälläner dip qırım tatarları, barlığı 300 läp keşe, kötep tora. Alarnıñ qarşılıq cıyını inde ber ay däwam itä. Şimbä könne 12 avgustta bazar satuçıları, xakimiate häm qırım tatarları arasındağı nizaq tayaqlar, taşlar, armatura qullanıp iñ yuğarı noqtasına citkän bulğan. Diläwär Osman:
“Kiçä monda qırım tatarları häm bazarda satuçılarnı yaqlağan ber törkem arasında çualışlar buldı. Här yaqtan 300 är keşe qatnaşqan. Militsia, OMON törkemnäre bäreleşlärdä qatnaşqannarnı taratu öçen ağulı ğaz qullandılar, hawağa attılar. Bäreleşlär waqıtında qırım tatarları arasınnan 17 keşe yaralanğanlığı xaqında söyläde Azatlıq radíosına, mäceles äğzası Şäwkät Kawdullayıv”.
Qırımdağı xäbärçebez Diläwär Osmanğa Qırım möselmannarı möftie: “Bez xökümättän 7 yıl däwamında bazarnı yabığız dip soradıq. Alar ber ni dä eşlämäde. İnde xäzer üzebez yabaçaqbız”-, digän. Comğa könne Qırımğa Ukraina xökümäteneñ yaña bilgelängän premier-ministrı Viktor Yanukovíç kilde. Qırım tatarları mäcelese räise Mostafa Cämil uğlı belän oçraşqanda süz bazar mäsläse turında da bulğan.
Nail Alan