16 avgustta Tatarstannıñ Däwlät gimnı avtorı, kompozitor häm pianist Röstäm Yaxinnıñ tuğan köne. Tuqay büläge iäse Röstäm Yaxinnıñ töp äsärläre: fortepiano häm orkestr öçen konsert , “Fidai” baletı, fortepiano, skripka öçen äsärlär, 300 artıq cır häm romans.
Röstäm Yaxin isän bulsa, bügen aña 85 yäş tulğan bulır ide. Ämma anıñ icat itkän äsärläre bügen dä yäşi. Kön sayın Tatarstan irtäse Röstäm Yaxin icat itkän Däwlät gimnı belän başlanıp kitä. Respublikada ütkän härber räsmi tantanalar waqıtında da ul icat itkän gimn yañğırıy.
Avgust ayı bik küp icat keşeläre öçen yal ayı bulsa da, 16 avgust könne Salix Säydaşev muzeynıñ zalı Röstäm Yaxinnıñ muzıkası belän bizälde. Bu zalda Röstäm Yaxinnıñ moñı ağılıp tordı. Çönki monda tanılğan kompozitornıñ icatına bağışlanğan zur konsertqa äzerlek bara. Konsertnı äzerläw belän şöğellänüçe, Yaxinnı bik yaqınnan belep, anıñ icatın xalıqqa citkerüçe Tatarstannıñ xalıq artistı Emil Cäläletdinov bolay dide:
“Ul bezneñ böyek şäxes. Ul üzeneñ küñelenä, üz dönyasına böten dönyanıñ muzıkaların cıyğan, bayıtqan üzen, Mäskäwdä belem alğan. Anıñ cırları mäxäbbätle, yöräkkä kerä torğan cırlar. Xalıq cırların häm klassik muzıkanı bötenesen kileşterep üz icatında kürsätte. Bez anıñ belän bergä icat itep ğömer kiçerdek. Anıñ yaña äsärläre “Bödrä tallar, “Qır qazları kitä ”, “Bolğar qızı Aysoltan ” minem küz aldımda tudılar. Anıñ cırların barsın cıyıp ike programma yasadım. Berençese konsert programması “Küñelemdä yaz”, ikençese “Saf cırlarım” dip atala."
Röstäm Yaxinnıñ cırlarınnan tış, anıñ fortepiano äsärlären muzıka mäktäplärendä uqığan balalar bik yaratıp başqaralar. Anıñ cırların yäşlär dä, olılar da yaratıp tıñlıylar.
Röstäm Yaxin äsärlärennän torğan Qazanda ütkärelgän xalıqara cır festivale turında Bötenrusiä bäygelär diplomantı Zölfiä İbrahimova söyli:
“Anıñ icatına bağışlanğan berençe konkurs Qazanda 2004 yılda Zur konsertlar zalında uzdı. Bik yuğarı professional'' däräcädä uzdı. Anda bik küp keşe qatnaştı. Laureatlar Peterburdan, Mäskäwdän Ästerxannan Ufadan ide.
Ä bügenge köndä Qazanda anıñ icatına bağışlanğan yubiley çaraları ütkärelmäde.
Mälikä Basıyr
Röstäm Yaxin isän bulsa, bügen aña 85 yäş tulğan bulır ide. Ämma anıñ icat itkän äsärläre bügen dä yäşi. Kön sayın Tatarstan irtäse Röstäm Yaxin icat itkän Däwlät gimnı belän başlanıp kitä. Respublikada ütkän härber räsmi tantanalar waqıtında da ul icat itkän gimn yañğırıy.
Avgust ayı bik küp icat keşeläre öçen yal ayı bulsa da, 16 avgust könne Salix Säydaşev muzeynıñ zalı Röstäm Yaxinnıñ muzıkası belän bizälde. Bu zalda Röstäm Yaxinnıñ moñı ağılıp tordı. Çönki monda tanılğan kompozitornıñ icatına bağışlanğan zur konsertqa äzerlek bara. Konsertnı äzerläw belän şöğellänüçe, Yaxinnı bik yaqınnan belep, anıñ icatın xalıqqa citkerüçe Tatarstannıñ xalıq artistı Emil Cäläletdinov bolay dide:
“Ul bezneñ böyek şäxes. Ul üzeneñ küñelenä, üz dönyasına böten dönyanıñ muzıkaların cıyğan, bayıtqan üzen, Mäskäwdä belem alğan. Anıñ cırları mäxäbbätle, yöräkkä kerä torğan cırlar. Xalıq cırların häm klassik muzıkanı bötenesen kileşterep üz icatında kürsätte. Bez anıñ belän bergä icat itep ğömer kiçerdek. Anıñ yaña äsärläre “Bödrä tallar, “Qır qazları kitä ”, “Bolğar qızı Aysoltan ” minem küz aldımda tudılar. Anıñ cırların barsın cıyıp ike programma yasadım. Berençese konsert programması “Küñelemdä yaz”, ikençese “Saf cırlarım” dip atala."
Röstäm Yaxinnıñ cırlarınnan tış, anıñ fortepiano äsärlären muzıka mäktäplärendä uqığan balalar bik yaratıp başqaralar. Anıñ cırların yäşlär dä, olılar da yaratıp tıñlıylar.
Röstäm Yaxin äsärlärennän torğan Qazanda ütkärelgän xalıqara cır festivale turında Bötenrusiä bäygelär diplomantı Zölfiä İbrahimova söyli:
“Anıñ icatına bağışlanğan berençe konkurs Qazanda 2004 yılda Zur konsertlar zalında uzdı. Bik yuğarı professional'' däräcädä uzdı. Anda bik küp keşe qatnaştı. Laureatlar Peterburdan, Mäskäwdän Ästerxannan Ufadan ide.
Ä bügenge köndä Qazanda anıñ icatına bağışlanğan yubiley çaraları ütkärelmäde.
Mälikä Basıyr